زلاموكة90 ولا كورولا 2005

**HOSAMSAMSOON** · 22-07-2009 01:22 AM

المشاركة الأصلية كتبت بواسطة محمد ابراهيم 1

محدش يقدر يقول إن الكورولا وحشة
الكورولا جميلة جدا لكن المرسيدس دى تحفه فنية واللى عاملها مبيهزرش
عشان كده اشتراط الحالة هو الأساس فى التقييم يعنى لو المرسيدس نضيفة يبقى المرسيدس بدون تردد

[frame="9 10"]
وانا متفق معاك فى كدة
كمان على فكرة
لو حسبنا مصاريف اى عربية جديدة من متابعة اجبارية فى التوكيل
مع الاسعار الغير منطقية للصيانة الدورية فى التوكيل و ضربنا الرقم دة فى اتنين مش ممكن تركب عربية احسن و اقوى
[/frame]

**HOSAMSAMSOON** · 22-07-2009 01:23 AM

[frame="9 10"]
الله هم الهدنى الى الصالح و نور بصيرتى و وفقنى الى ما هوة فية الخير
الله هم انى استخيرك فاهدنى الى ماهوة احسن و اصلح
الله هم ابعد عنى الشيطان الرجيم وابعدنى ان يضلنى عن الصراط المستقيم
امين يا رب العالمين

[/frame]

**HOSAMSAMSOON** · 22-07-2009 01:41 AM

المشاركة الأصلية كتبت بواسطة ashouhdy

حضرتك ايام ما كان معايا ال 132 1800سى سى
كانت خالتى معاها الزلموكة دى
كنا اى مشوار نطلعة
كانت تحط 10 لتر زيادة و يمكن اكتر
و حضرتك عارف ان ال 132 دى بالذات 1800 بلاعة بلااااااعة بنزين
كانت فى الصفحية متكملش ال 150 كيلو
المرسيدس يمكن اكتر

حاجة تانية غير انها 2000سى سى و كسر
و ضريبة الترخيص

كل ما الموتور يقدم استهلاكة يزيد

بس انا حاسس ان حضرتك بتدور ع الركوبة الفخمة مش الاقتصادية
يبقى كدة الزلموكة تكسب بلا منازع
بالذات لو الباكيتات الرمادى العريضة و الهابطة ع الارض و الفوانيس الرمادى الغامق من ورا
تحياتى

[frame="9 10"]
عن تجربة شخصية موضوع استهلاك البنزين لة علاقة مباشرة باسلوب القيادة
وحسب معلوماتى هى بتعمل الزلموكة 200ك/الصفيحة فى الصفر مع التكييف
وطبعا اكتر فى وسط البلد
بس فعلا انا ميال ليها و فعلا للبكتات العريضة و افوانيس الرمادى
بس!!!!!!!!!!!!!!
انا بستخير ربنا و انا عامل الموضوع دة يمكن اكون فى ضلال و يكون فية الاشارة ان كنت اشترى و لا لا
على كل
الف شكر لكل من شارك و سوف يشارك فى الموضوع
واتمنى ان ربنا يهدينى و يوفقنى للفية الخير عن طريق الموضوع و السادة المحترمين المشاركين فية
الف شكر
[/frame]

**WalidAdel** · 22-07-2009 02:22 AM

والله انا ليا راي معلش و مضطر اقوله بردوا

انا شايف ان المقارنه اصلا ماتنفعش بين العربيتين لان دي ركوبه و دي ركوبه تانيه خالص واحده الماني قديم نسبيا و التانيه ياباني جديد فرق فظيع في اسلوب القياده و الاحساس بالعربيه بمعني الزلاموكه محتاجه واحد كبير نسبيا في السن لانها مش بتاعة شاب عايز يجري وكده و بيب بيب و بتاع ليها مشي مخصوص يعني مش زي التويوتا جديده و هاتحس انك عايز تطير بيها مش تجري بس
و بعدين خالي بالك حضرتك المرسيدس هايبقي ليها وقفه عند ميكانيكيه اكتر من التويوتا هل حضرتك عايز تكمل في الموضوع ده اصلا ولا ناويت ترتاح من الميكانيكيه و كده علي اساس ان حضرتك معاك 131 و اكيد عملت مشوار كويس معاهم و مع الفتي بتاعهم لان معدل المرسيدس عند الميكانيكي هايبقي ازيد من التويوتا نظرا لتقادم الموديل و مهما كانت المرسيدس حالتها نظيفه
بالنسبه للبنزين الزلاموكه موديل 1990 تقريبا انجكشن بس موتور 2300 تقريبا يعني هاتاكل بنزين بالنسبه للتويوتا 1600 دا لو اصلا 1600 لكن لو 1300 يبقي هاتشم البنزين

ارجو اكون وضحت لحضرتك بعض النقاط اللي تساعدك في ايجاد ضالتك

**HOSAMSAMSOON** · 24-07-2009 05:59 PM

[frame="9 10"]
انا النهاردة فى الوسيط موجود اعلان عن ذلموكة موديل 86 لون بنى فاتح مطلوب فيها 80الف
كمان موديل 87 تعديل 94 ب 95 الف
ممكن الافادة فى الاسعار دى
المعدل معدل فى فتحة السقف و كمان الاكصدمات و الفرات العريضة
شكرا
[/frame]

**pro_samir** · 24-07-2009 06:30 PM

لو مرسيدس بحالة حلوة هتبقى أفضل من أى زيرو بالسعر دة

كل اللى هتعملة انك لازم تكشف على كل حاجة فى الأول وتشوف العربية محتاجة اية وتظبطة وانساها بعد كدة .. وسلملى على الزيرو

وانا لو مكانك هجيب كمان واحدة bmw e34 أول التسعينات وأرخص من المرسيدس وقطع غيارها مالية الدنيا .. أو فيكترا فوق 2002

لكن لو عايز تشترى دماغك خالص وملكش فى العربيات ومش هيبقى ايدك فيها يبقى خليك فى الزيرو احسن

**pro_samir** · 24-07-2009 06:46 PM

المشاركة الأصلية كتبت بواسطة ashouhdy

العمر الافتراضى
حضرتك فكرت فى النقطة دى
طب فكرت ف عمر الموتور بقالة كام سنة شغال ؟؟

عايز اقولك ان جوز اختى معاة بى ام فئة خامسة تسعينات وعلى طول اللى بيركبها سواقين

العربية دى فى وقت من الأوقات كانو بيحطو المية من فوق تنزل من تحت وكل ما والدى يبص عليها يلاقيها ناقصة كيلو ولا اكتر زيت لأن الكارتيرة كانت مخبوطة

ومش بيتغير الزيت بتاعها غير بالعافية لما اخويا ياخدها منة يغيرة أو والدى

الموتور لسة لحد الأن ما شاء الله ولا دخنة ولا بدنجان والغريب انة مفوتش وممكن تلاقى العربية بتنتش ومش مظبوطة ومتنيلة بنيلة ومع ذلك سحبها تحفة .. مع ان على اللى بقولة دة و كانو بيطحنوها سفر يوميا العربية مبتقفش

فضلا عن ان الخبطات والحوادث اللى حصلت للعربية دى لو واحدة منهم بس كانت حصلت لعربية جديدة مكانتش هتنفع تانى ..

بجد مهما اتكلمت مش هوفى العربيات دى حقها لأنها ما شاء الله ولا كلمة

الأسد أسد حتى لو كبر شوية

**HOSAMSAMSOON** · 25-07-2009 08:44 PM

المشاركة الأصلية كتبت بواسطة pro_samir

لو مرسيدس بحالة حلوة هتبقى أفضل من أى زيرو بالسعر دة

كل اللى هتعملة انك لازم تكشف على كل حاجة فى الأول وتشوف العربية محتاجة اية وتظبطة وانساها بعد كدة .. وسلملى على الزيرو

وانا لو مكانك هجيب كمان واحدة bmw e34 أول التسعينات وأرخص من المرسيدس وقطع غيارها مالية الدنيا .. أو فيكترا فوق 2002

لكن لو عايز تشترى دماغك خالص وملكش فى العربيات ومش هيبقى ايدك فيها يبقى خليك فى الزيرو احسن

[frame="9 10"]
الحمد لله
انا بعشق العربيات و ليا فى الميكانيكا مع انى مهندس معمارى
وبصراحة انا مقتنع ان العربيات الجديدة ورق غير لو قارنا اسعار قطع الغيار بالمقارنة بالاعتمادية حيكون اكيد المرسيدس احسن
بس زى ما حضرتك ما زكرت الشرط الحالة تكون مقبولة
بالنسبة لل bmwانا معلوماتى قليلة عنة بس اعرف ان مشاكلة اكتر من المرسيدس واللة اعلم
كمان قطع غيارة اغلى بكتير
وبردة بصراحة ابو نجمة لية وضع اجمد منة
بالنسبة للاوبل دة كان اختيارى فى البداية لحد ماقنعنى واحد صحبى عندة محل قطع غيار اوبل فى شارع دمشق
واكد ان العربية دى فيها عيوب تصميم كتير ومشاكلها اكتر بكتير
خصوصا فى الحساسات غير اسعارها ونوع الجودة مش اعتمادية

[/frame]

-

مشاهدة نتائج الإستطلاع: يا ترا تختار اية بعد ما قريت الموضوع و ياريت لية ؟؟؟

الموضوع: زلاموكة90 ولا كورولا 2005

LinkBack

أدوات الموضوع

عرض

شكرا -

يا رب -

شكرا -

الوسيط النهاردة -

-

-

شكرا -

المواضيع المتشابهه

تسعير كورولا 2005

طلب تسعير كورولا 2005

تسعير كورولا 2005

جنوط كورولا 2005

كورولا 2005

الكلمات الدلالية لهذا الموضوع

المفضلات

المفضلات

ضوابط المشاركة