سنسور الباركينج

**som3aa** · 03-09-2009 03:00 PM

بالصراحة اللى يعتمد على الحاجات اللى زى ديه عمره ما هيتقن السواقة على اصولها

معلش اسمحلى اختلف معاك 100% , كانك مثلا بتقول ان اللى مساقش مانيوال عمره ما هيتقن السواقة , استخدام التكنولوجيا الحديثة فى العربيات و الاستفادة منها خصوصا لما ترخص و تبقى بالسعر دا حاجة كويسة جدا و ملوش علاقة باتقان السواقة.

الوحد و هو بيركن اساسا مش بيبقى شايف اى حاجة و خصوصا من اختلاف احجام العربيات , عربية زى الجين 2 الرؤية فيها صعبة اوى .

عموما سعر السنسور فى التوكيل 650 جنيه بالتركيب و الضريبة

**Samir Elshahawy** · 03-09-2009 03:12 PM

فعلا كان عندي الباركينج سنسور في العربية اللي بعتها و كان مريحني جدا خاصة بالليل أو لو الرؤية صعبة و في وسط البلد , أستخدام التكنولوجيا الحديثة بيريح و يوفر الوقت و المجهود

**M.Mekawy** · 04-09-2009 05:17 PM

الباركينج سينسور فى العربيات الجديدة كلها اصبح اهم من اكسسوارات تانية كتير , انا ممكن امشى من غير كاسيت و لا امشى من غير سينسور , لان مستحييل تقدر ابعاد العربية صح , و هو مالوش علاقة بفنون القيادة قبل الياريس كان معايا 405 و بركنها فى خرم ابرة بس تصميمها ساعتها كان يساعدك على تقدير ابعادها كويس
و لو هتجيب العربية من التوكيل يبقى لازم تركبه فى التوكيل عشان الضمان بتاع العربية و هما بيخرموا فى الاكصدام و بيركبوه و بيرشوه بلون العربية

**AbO_FaRaH** · 12-09-2009 05:36 AM

ممكن حد يوضح لنا طريقه تركيب سنسور الباركينج بالتفصيل............................وفى حاله لو العربيه زيررو

لو ركبيت سنسور الباركينج خارج التوكيل ........ممكن العربيه تطلع من الضمان