الجزء الثانى (Jisso82 استلم البيرسونا النهارده الحمد لله)
:_Alshmokh22[1]:أعزائى مشاهدى قناة بروتون الفضائية
ننتقل الآن لفيلم السهرة الذى طال انتظاره حتى زهق البطل و اتشوى بنار 44 درجة مئوية فى التوكيل
"jisso82 استلم البيرسونا النهارده الحمد لله"
فيلم الموسم و كل موسم بطولة نجم الجيل
Ayman_52:colsmil:
و البطل الأوحد و الأكبر و الأكرم للجزء الثانى بحضور طاغى المتميز دائما
Amecath:120105~352:
و الفنان القدير خالد الذكر
أبو مريم:w6266d
و حضور متميز لضيف الشرف و العضو البروتونى الجديد اللى حجز النهارده
أستاذ/ جودت:F_eyeb1[1]:
نيجى بقى للجد
الحمد لله على استلامى العربية و بشكر أيمن جدا اللى تعب معايا بقاله أكتر من شهر و راح معايا التوكيل فى كل مناسبة عوزت حتى أسأل فيها على حاجة هايفة و كان بييجى ياخدنى من عند بيتى بالعربية و يرجعنى تانى:B4_048: و بشكر أستاذ أسامة ربنا يباركله يا رب على تعبه معايا النهارده و هو جه مخصوص عشان يكشفلى على العربية و بعتذر له على الوقت الطويل و الحر اللى استحمله عشانى:fun_36_3_4[1]: فى التوكيل لحد ما جت العربية. و بشكر كمان الأستاذ أبو مريم اللى إدانى عربيته الجين أسوقها عشان أتعود على سواقة البروتون المانيوال:auto: قبل ما استلم عربيتى و بشكره أكتر على البيبسى اللى جابهولنا و اللى أنقذنا من الموت فى الصحراء دى.
و شكر آخر للأستاذ محسن صالح على الرغم من طول مدة الانتظار و التكييف البايظ و درجة الحرارة الفظيعة بس برده الرجل تعب معانا و وفى بوعده فى الخصم و جابلى فى النهاية اللون اللى نفسى فيه.
:B4_033:
و بجد بشكر كل أعضاء المنتدى الجمال اللى شجعونى و نصحونى أجيب العربية دى و كل الناس اللى شاركت برأيها فى أى استفسار سألت عليه و جاوبوا بأمانة و بحب و بدون أنانية أو تضليل
جزاكم الله كل خير :Ta_clap[1]:
و هنا العنوان اللى كان أيمن خايف منه
"استلمت البيرسونا و أشوف وشكم بخير":satelite:
طبعا ده العنوان اللى طول عمره أيمن متوقعه منى و خايف منه بس أنا بطمنه و بطمن الناس كلها و برد كلكم بلا استثناء ليكم فى رقبتى جميل لازم يتردلكم بجد و للناس الجديدة اللى عايزة تشترى و ربنا يقدرنى إن أرد جزء من اللى عملوه الناس هنا معايا و أكون عضو بروتوناوى مفيد لباقى الأعضاء إن شاء الله.:shyy:
العربية بيرسونا مانيوال ميتال جراى هاى لاين ماشاء الله قمة فى الجمال و الروعة سواء شكلا أو أداءا:B4_282: طبعا أنا جربتها بس مسافة المشوار من التوكيل لحد البيت و أنا ساكن فى المهندسين يعنى مش مسافة قوية أنا لسه مستغربها شوية و مش متعود على سواقتها لكن واضح إنى إن شاء الله مش هتعب معاها كتير:vctry:
ربنا يباركلى و يباركلكم كلكم فى عربياتكم و يحفظهالكم و يحفظكم شرها و إن شاء الله أنزل الصور قريب و تقرير مفصل شوية عن انطباعى عن كل حاجة فيها:U_thin1[1]:
