الموضوع: جنوط أسود بشفه نيكل!

المشاركة الأصلية كتبت بواسطة shekoz

الله ينور يا درش و الله .. و بالنسبه لعلاء موسى ده هو محل كده تحس انه محلين فى بعض؟؟ و جنبه على طول واحد بتاع كاوتش كدا ؟؟ لو هو دا يبقى انا رحته قبل كدا و ملقتش عنده حاجه عجبتنى و تقريبا كل حاجته صينى على ما اتذكر و انا عايز اجيب حاجه غير الصينى ..

و بقولك يا درش باشا عايز اسالك على حاجه محيرانى بما انك بتفهم فى الجنوط .. انا طبعا قريت كتييير اوى فى حكايه الجنوط دى و لفيت اكتر و بجد كتر الكلام بيروش الواحد الصراحه .. مثلا فيه اللى يقولك مفيش احسن من جنوط الفابريكه اوعى تغيرها .. و فيه اللى يقولك الجنوط بتقل العربيه و الدركسيون و بتاثر على العفشه و فى اللى يقولك الجنوط السبور دى متسواش 3 تعريفه و هتاخد مطب و تتشرخ او تتكسر (اللى قالى كدا واحد بتاع كاوتش باللفظ و الله تصور s: و قالى كمان ان المقاس اللى عايز اركبه {14.185.55} اللى هو اكبر درجه واحده من الاصلى {13.175.65} هيساعد على ان الجنط يتكسر عشان رقيع!) .. كتر الكلام فى الموضوع ده بجد روشنى و سعات الكلام بيخلينى اتردد عشان خايف اعمل حاجه تجيب نتيجه عكسيه معايا انا اه عايز شكل العربيه يبقى حلو بس فنفس الوقت مش عايز دا يكون ليه ضرر على العربيه .. اراء كتير عكس بعض و متناقضه.. بجد الواحد مبقاش عارف مين بيتكلم صح و مين بيتكلم غلط ..
معلش طولت عليك يا باشا :)))

بص يا باشا

الجنط الفابريكة مفيش احسن منه طبعا و لانه حديد كمان .

ولكن شكله مش ظريف بالمرة و مبيديش العربية المظهرالمطلوب

فالاحسن انك تغيره بجنط سبور

الجنوط الاسبور بتكون ليها اضرار فى حالتين

الاولى ان الجنط يكون صينى او مش مضمون بلد صناعته

او انك تركب جنط اكبر من المقاس الطبيعى بكتير

لكن المقاس اللى انت هتغير له ده انا شايف انه مناسب جدا و هيدى ثبات اكتر للعربية ..