السلام عليكم و رحمة الله
السؤال للناس اللي عندها مثبت سرعه هل هوه عملي و مفيد ولا لأ ؟؟
هل بيريح ولا بيزود التركيز و بيخلي رجلك معلقه علي الفرامل تحسبا لاي موقف؟؟؟
هل بتستخدمه بجد ولا مجرد اوبشن وخلاص؟؟
عرض للطباعة
السلام عليكم و رحمة الله
السؤال للناس اللي عندها مثبت سرعه هل هوه عملي و مفيد ولا لأ ؟؟
هل بيريح ولا بيزود التركيز و بيخلي رجلك معلقه علي الفرامل تحسبا لاي موقف؟؟؟
هل بتستخدمه بجد ولا مجرد اوبشن وخلاص؟؟
على حسب معلوماتي
اظن انو مفيد في الطرق والمسافات الطويله
وبيشتغل على سرعات عاليه تقريبا بيبدئ من 90 /كم او 80/كم
في السفر مريح جدا جدا وكمان بيشجعك ماتجريش لانك مش كل شوية بتدوس على الدواسة يعني بتزود او تقلل السرعة .
في وسط البلد مستحيل استخدامة
بالنسبة لموضوع رجلك ع الفرامل ... مش شرط بس اهم حاجة تكون جاهز
بيشتغل بعد 40 كم - ساعة
هو مهم جدا على الطرق السريعة و خصوصا طريق عليه رادار ثابت او حاجة زى المحور مريح جدا غير كدا مثلا مبيشتغلش جوه المدينة خالص.
الاحسن منه الadaptive cruise control اللى بينزل فى عربيات معينة دا بيبطا لما العربية اللى قدامك تبطا و بيزود السرعة تانى للسرعة اللى انت محددها اول لما تتحرك منغير انت متدوس بنزين و لا فرامل بس دا مش موجود فى مصر غير فى عربيات bmw و مرسيدس و مش كلهم كمان.
انا شايف انه مفيد و عملى فى السفر اما فى المدن صعب
انا جربت حاجه شبه كده في اوكتافيا a5 بس هو بيبطأ لما تدوس فرامل و بعدين السرعه تزيد اتوماتيك لحد السرعه اللي انتا محددهااقتباس:
المشاركة الأصلية كتبت بواسطة som3aa
دا فى العادية و لا الجديدة (الفانتازيا) ؟اقتباس:
انا جربت حاجه شبه كده في اوكتافيا a5 بس هو بيبطأ لما تدوس فرامل و بعدين السرعه تزيد اتوماتيك لحد السرعه اللي انتا محددها
بجد اهم ميزه فيه انه مبيخليكش تجرى فى طرق السفراقتباس:
المشاركة الأصلية كتبت بواسطة kemo0o
بس ليه عيب ان ممكن ينيمك لانك مش هتكون بتعمل اى حاجه وقتها :b4_033:
العاديه و كانت موديل 2009اقتباس:
المشاركة الأصلية كتبت بواسطة som3aa
هو عملي في السفر
بس جوه البلد مستحيل تعرف تستعمله
لازم تتعود على استخدامه و تكون مسافر في طريق فعلا مفتوح مش كل شوية ملف أو حد ييجي قدامك
أنا جربته في سفر بسيفيك من الرياض لمكة المكرمة و جدة و كنت مثبت على 150 بس كل مدة أثبت عشر دقايق و لا حاجة
بس لو العربية مفيهاش خالص مش مشكلة يعني
طول عمرنا عايشين من غيرة عادي يعني.........بس هوه شيء لطيف
فى 2005 كان معايا BMW 520i موديل 90 العربيه كانت مانيوال
ايوه مانيوال وفيها مثبت سرعه
مثبت السرعه كان عباره عن دراع تحت دراع المساحات بيتجه فى اربع اتجاهات
كان بيشتغل لما العربيه تكون على الرابع بحد ادنى سرعه 60كم
المهم كان مثلا اوصل لسرعه 100 ادوس دوسه فى اتجاه الامام كانت العربيه سرعتها تثبت على 100
وكنت اهدى الى مثلا 70 ادوس دوسه فى اتجاه الخلف زى الرعاش كده كده سرعه اتثبتت بس على 70
المهم كده الجهاز سجل عنده اقصى سرعه 100 وادنى سرعه 70
من هنا بقا ماتستخدمش رجلك واستخدم المثبت بالاتجاه لاعلى واسفل
ياعنى لو انت ماشى 70 بمجرد انك ترفع الدراع للاعلى العربيه سرعتها تزيد تدريجيا الى ان تصل سرعتها 100كم وتثبت
والعكس دوسه لاسفل سرعه العربيه تقل الى ان تصل الى 70كم وتثبت سرعتها
ومجرد الضغط على اى من البنزين الدبرياج الفرامل المثبت يفصل
الجميل فعلا فى الموضوع هو لما يكون فى مطلع او منزل العربيه مابتتأثرش بالكلام ده هى ماشيه بالسرعه المحدده ومالهاش دعوه وده اللى خلانى اقلق منه علشان التحميل على الموتور فى المطالع مثلا
بس استخدامه بالنسبالى فى مصر كان فى طريق العالمين فقط
مثبت السرعه رائع و عملى جدا
- يبدء على سرعه 30 كم/س لا يوجد حدود للسرعه التى يمكن تثبيتها عليه
- موفر جدا فى البنزين علشان بيدى البنزين اللى سرعه العربيه عاوزاه
- يصلح جدا للقياده على سرعه عاليه (200 -210) تركيزك على الطريق وبس
- ممكن زياده السرعه او انقاصها بسهوله زى دواسه البنزين
- وزى ما احد الاخوه قال ممتاز فى الطرق اللى عاليها رادار لا كيلو زياده و لا ناقص
- ممكن استخدام دواسه البنزين بدون فصل المثبت لزياده السرعه و المناورات
- الفرامل اقل لمسه لها تفصل مثبت السرعه لكن لا تلغى السرعه التى قمت بتسجيلها. يعنى لو فصل على 120 اول ماتشغل تانى 120 لن تقوم بضبطه مره اخرى لل 120
مهم طبعا فى الطرق السريعة ده بيريحك يا ريس
مش مهم
لكن جميل
ولو اتعودت عليه
هاتضايق لما تركب من غيره
مثيت السرعة منتهى الروعة فى الطرق السريعة و المفتوحة (زى طريق العين السخنة مثلا) تضبطه على السرعة
اللى انت عايزها (120 مثلا فى الطريق أعلاه) و العربية تمشى على هذه السرعة بثبات سواء منخفضات أو مرتفعات. و يبطل لو أنت دست على الفرامل لكى تتحكم فى العربية لو اللى أمامك ماشى بطىء مثلا. كما يمكن تزويد السرعة أو أنقاصها (زرار + و أخر اسفله -) و لو أحتجت تزود السرعة لتعدية عربية دوس بنزين عادى العربية تستجيب و لما تعدى شيل رجلك من على البنزين العربية ترجع للسرعة اللى أنت ضابطها عليها. يلزمك تحريك الدركسيون فقط. أنا أستعمله كثيرا على الطرق السريعة لأنه يريح الرجل من البنزين و الفرامل بس لازم يكون طريق سريع مفتوح مش عليه عربيات كتير. الحقيقة رفاهية رائعة لو جربتها مش ممكن تستغنى عنه.
طيب نشتريه منين و بكام و هل فى انواع ممتازة؟
في عرضين في الكماليات تقريبا على نوعين مختلفين
واحد بألف و خمسمية و التاني بألف و ميتين تقريبا
و مش غلط نركب حاجة زي دي تلعب في العربية؟اقتباس:
المشاركة الأصلية كتبت بواسطة ahmed samy
انا رايى كدا برده , تركيبه ممكن يكون فى لعب فى العربيةاقتباس:
و مش غلط نركب حاجة زي دي تلعب في العربية؟
اقتباس:
المشاركة الأصلية كتبت بواسطة ak1981
من رأيي انه غلط وأي غلط ....
1 - ده جهاز له القدرة على التحكم في سرعة العربية ...(مجرد وجود القدرة يجعله جهاز حرج).
2 - الجهاز من اساسيات عمله الاستجابة الفورية لإلغاء عمله بلمس اي دواسة لو ماستجابش ...الف الف سلامة
3 - معظم الأجهزة المطروحة ان لم يكن كلها صينية الصناعة بدون معرفة ماركة موثوق بها أو تاريخ مشرف
4 - الشركات العارضة ليست شركات كبيرة ولا تعدو محلات قطع غيار أو شركة صغيرة في بنزينة
مما سبق ...
جهاز حرج +احتمال خطأ+صناعة غير موثوقة+تركيب غير معروف = [blur] خطر [/blur]
و بالمناسبة , توكيل كيا رفض تركيبه
اقتباس:
المشاركة الأصلية كتبت بواسطة Ahmed Samy
ده نفس رأيي
المثبت يا يبقى فابريكة يا يبقى منزله الوكيل و بيركبه الوكيل
ده جهاز بيتحكم في السرعة عن طريق التحكم في الكمبيوتر عشان يلعب في الانجيكشن و خلافه
يعني ممكن يشيع لك الكمبيوتر اصلا
غير انه لو فعلا ما استجابش للفرملة كل سنة و انت طيب
الواجد يركب فوجات صيني ..... انذار صيني ..... وحدة رفع صيني
بس مثبت سرعة صيني ..... لا شكرا Hasta La Vista Baby !
وهو فى توكيل محترم او غير محترم حتى يرضى يركب جهاز حساس و خطير زى كدهاقتباس:
المشاركة الأصلية كتبت بواسطة ahmed samy
أنا متهىء لى حتى توكيلات العربيات الصينى يخافوا يركبوه من قله ثقتهم فى منتج زى كده
لو كان الجهاز بيركب كمنتج اصلي retrograde fit
وليه فيشه جاهزة في البوردة و كنترول اصلي ممكن تركيبه فلا مانع ان الوكيل يركبه افتر ماركت
بس عندنا في السيراتو مثلا البوردة و الضفيرة للعربية ال1600 اللي بتجيلنا مافيهاش تجهيز ليه من الأصل
و كوريا الأم عن طريق الراجل الكوري اللي كان في مصر رفضوا التركيب عن طريق الوكيل حرصا على السلامة بالرغم من الطلبات الكثيرة عليه من الملاك
توكيلنا محترم
أكيد محترم طبعااقتباس:
المشاركة الأصلية كتبت بواسطة Ahmed Samy