المشاركة الأصلية كتبت بواسطة tutankhamoun
سؤال مالها الويرا ؟؟؟؟؟؟؟؟؟
ما هي شغالة و زي الفل ....... و دي كان موتورها بتاع اللانسر البطة !!!!!!!!!!
أنا مش فاهم بصراحة حضرتك تقصد أيه ؟؟؟
الحكم مش بيكون بالتاريخ لوحده ........
لأن لو الحكم بالتاريخ لوحده .......
تعالى في أوائل التسعينيات و هات عربية تويوتا و قارنها ببيجو 504 أو 128 أو 131 ........ و شوف الفروق .......
كلام بتاع عيوب التقفيل .......مبالغ فيه ....... و القراءة على الأنترنت غير التجربة و غير الأمتلاك و أكيد اللي عنده مشكلة هو اللي بيخش يتكلم فيها و بتكون العين عليها أكتر من اللي مبسوط خصوصا للناس اللي بتخاف تجرب حاجة متعرفهاش .
حاجة كمان ........ الجين 2 مفيهاش عيوب صناعة ........ و لو ظهر عيب صناعة بيكون زيه زي أي عربية تانية زي الياريس اللي كان بينزل فيها عيب صناعة في اسطوانة الدبرياج اللي كانت بتتغير في التوكيل موديل 2007 .!!! أشمعنى دي مش عيب صناعة !!!!!!! مع أنه عيب في الموتور ...... مش عيب لمبة عايزة تتغير ....... و ده لا يقلل من أسم تويوتا في شئ لأن اي عربية في الدنيا بيطلع فيها عيوب و علشان كدا أي شركة في الدنيا بتدي ضمان .
و مين قال أن الريموت مش بيفتح و الكلام ده
حضرتك أذا امتلكت البروتون و عندم مشكلة ماشي ...... تدخل تناقشها ........ مفيش أي مشكلة
إنما معلش حضرتك دخلت المنتدى و قرأت كام مشكلة ..... و جاي هنا تعمم ......
مع أننا منكرناش أن فيه بعض عيوب التقفيل ....... البسيطة ......
نرجع تاني لموضوع الريموت :
الريموت لما بتكون البطارية جديدة تماما بيفتح من على بعد 10 متر بدون عوائق .
و لما بيقدم شوية ...... بيفتح من على بعد 5 متر أو أقل بدون وجود عوائق .
و هل موضوع البطارية أصبح عيب من عيوب بروتون ...............!!!!!!!!!!!! هي كمان بروتون هي اللي صنعت البطارية الباناسونيك الياباني اللي بتيجي مع الريموت ؟؟؟؟؟؟؟؟ مش باناسونيك دي ياباني برضه ؟؟؟؟؟؟؟؟؟؟؟
أما بالنسبة لبقية الكلام عن موضوع المرايا
هي مشكلة وحيدة ظهرت مع واحد فقط لا غير !!!!!!!! ياريت بلاش التعميم .
و مشكلة صوت التابلوه ........ دي موجودة في أي عربية التابلوه بتاعها بلاستيك و كل العربيات اللي في السعر ده بيزيقوا مع المطبات الجامدة .......... مش حاجة خاصة ببروتون .
أما موضوع 10 الاف تدفعهم دلوقتي .......
ده لو كانت السلعة أصلا تستاهل الثمن المبالغ فيه ........
أنا مش عايز الراجل يشتري بروتون و خلاص ...... لا أنا عضو في الشركة أو في التوكيل .
أنا بقول للراجل على كل مميزات العربية و عرفته أن المواتير 1300 أحسن في توفير البنزين في وسط البلد .......
و مش معنى أن الياريس مشاكلها أقل أننا نشجع التوكيل على خطة التسعير الغريبة اللي هو واضعها لعربيات تويوتا في مصر ...............
و أقترحت كمان الداياهتسو السيريون أم موتور 1300 علشان توفير البنزين
و مش كل واحد يسمع مشكلة لعربية يعممها يا جماعة بعد أذنكم إلا لو كان مجرب و المشكلة عامة موجودة في العربيات كلها ..........
و الدليل أن العربية مش رخيصة ........ ( البروتون ) ...........و بتبيع و محجوزة كمان لغاية دخول عربيات جديدة !!!
أكيد لو عربية زبالة ........... مكنتش باعت أو أنتشرت أو أتحجزت ...........
إلا صحيح
العربية بقالها معايا سنتين
و مدفعتش و لا مليم خارج الصيانات الدورية ...... لم اُغير قطعة غيار واحدة ......
هي الصيانات الدورية العادية جدا