يارس ولا جين 2

**kojyad** · 12-07-2009 04:46 PM

والله يارجاله انا مشعارف اشكركم اذاي بجد الف شكر على الردود الجميلة الي كلها حكمة
انا فعلا لازم اقرر الي انا محتجله بالضبط وهستخير ربنا ويقدم الي فيه الخير
عموما انا برده مستني باقي الردود من ملاك اليارس والبروتون هما برده هيفيدونا اكتر.

**M.Abdelshafi** · 12-07-2009 05:45 PM

اليارس مميزاتها عن الجين2 توفير البنزين و مفيش عيوب تقفيل تقريبا
غير كده الجين 2 أحسن فى كل حاجه
شكل و سعر و كماليات غيركده عيوب التقفيل مش زى ما الناس فاكره
كلها حجات بسيطه لو كانت موجوده و بتتحل علطول فى أى مركز خدمه

**elshaba7ana** · 13-07-2009 02:59 AM

الموتور جين 2 وبفرق ضعيف مش كبير ولاحاجة
الثبات جين 2 بس الياريس برضو ثابتة بس اقل من الجين2
استهلاك البنزين الياريس استهلاكها فوق الممتاز بالاضافة الا انو طبعا احسن من الجين 2
التقفيل الياريس طبعا بس ده مش عيب في الجين2 يعني (حاجة لاتذكر)
اعاده البيع بنتكلم في تويوتا فالموضوع محسوم
الشكل ازواق طبعا
الاعتمادية طبعا تويوتا
بعيد عن السامعين انا واحد قريبي عمل حادثة بالياريس بتاعته خبط في عربية لادا من الجنب على سرعة 90 بعد مفرمل من 140 تقريبا ومحصلوش غير كدمات بسيطة جدا جدا بفضل ربنا ثم الاير باج والعربية محصلهاش هلاك خطير رغم كل ده
الفوانيس سليمة تماما بس الاكصدام والكبوت اطبقو ومش اوي والموتور سليم والرادياتير نفسو سليم بس وقع من مكانو يعني مفهوش غير لحم صغير (السيفتي بتاع الياريس ممتاز)
رايي النهائي
لو نتا شاب وعايز جلري وغرز الياريس كويسة وتقضي كل ده بس تجيب الجين2 طبعا
لو حضرتك عايز عربية مريحة واستعمال معقول وفيه برضو شيء من القوة هات ياريس منغير اي تفكير

**elshaba7ana** · 13-07-2009 03:08 AM

بالنسبة بقة لموضوع الموتور
اه الجين2 110 حصان
والياريس 84 حصان
بس الفرق صغير جدا عشان هيا مبتتقاسش كده بس
لان في حاجة اسمها العزم او التورك بتاع التجميع او التسارع والمواتير الياباني عموما متفوقة جدا جدا في موضوع التورك ده وبالذات التويوتا
يعني فرق الموتور بينهم مش هيبان غير بعد ال120 ومش اوي كمان
وهيبان اوي بعد ال170
غير كده الياريس بتدي تورك عالي جدا على 1300 (يعني هتاخد تورك 1600 لغاية 120 تقريبا) ومش اي 1600 كمان
يعني فرق توفير البنزين بالنسبة للقوة لصالح الياريس جدا جدا (فرق الاستهلاك للبنزين المفروض يدي فرق اكبر من كده في القوة لصالح الجين 2 وده مش موجود)

**M.ABDEEN** · 13-07-2009 08:15 AM

المشاركة الأصلية كتبت بواسطة tutankhamoun

[/color][/color]

أنا بصراحة مستغلي ثمن الياريس جدا جدا جدا جدا ....... حرام العربية تبدأ بثمانيات و تنتهي ب 105 ألف ....... و كمان كماليتها أقل .
لو بتحب موضوع ياباني و الكلام ده ....... عندك الدايهاتسو سيريون ....... 1300 برضه و لكن ثمنها معقول عن الياريس و الأثنين نفس الشركة ...... و تويوتا و دايهاتسو ....... شركة واحدة .... تويوتا بتملك دايهاتسو .

بالمناسبة موتور الياريس مش جبار و لا حاجة ......... هو الموتور بيجر هيكل خفيف ....... و بالتالي باين أدائه بالاضافة طبعا ان الموتور ناعم .... و دي ميزة من مميزات تويوتا ..... إنما الموتور 84 حصان ...

انا مع حضرتك سعرها غالي جدا جدا وكل ده علشان تويوتا بس مش للدرجة دي وبعدين موتورها 84 حصان ولا 92 حصان زي ما بيكتبوا !!!!!!!!!!!!!!!!!!!!!

**kojyad** · 13-07-2009 08:51 AM

شكرا يا رجالة وانا فعلا راجل مدن مش بتاع سفر كتيير تقريبا بسافر كل سنة مرة
وانا فعلا محتاج حاجة انام عليها وامدد , مش عايز اصرف بعد كدة حاجة , ومتهيألي اني عرفت ان التيوتا بتتميز بطول العمر الافتراضي لقطع غيارها عن اي سيارة تانيا وده ميزة ياريت لو انا فاهم غلط حد يصلحلي المعلومة ده
مثلا عرفت ان تيل الفرامل بيتغير بعد 50 - 80 الف كيلو تقريبا وحاجات ذي كدة غير باقي العربيات الي بتغير القطع بتاعتها بصفة دورية وبيبقى اسعارها غالية جدا ومنهم الجين 2 ده على حد علمي ذي ماعرفت من ناس معاها العربيات ده
وياريت لو انا بجد قلت حاجة مش صح 100*100 حد يصححلي المعلومة .

**tutankhamoun** · 13-07-2009 09:04 AM

المشاركة الأصلية كتبت بواسطة elshaba7ana

بالنسبة بقة لموضوع الموتور
اه الجين2 110 حصان
والياريس 84 حصان
بس الفرق صغير جدا عشان هيا مبتتقاسش كده بس
لان في حاجة اسمها العزم او التورك بتاع التجميع او التسارع والمواتير الياباني عموما متفوقة جدا جدا في موضوع التورك ده وبالذات التويوتا
يعني فرق الموتور بينهم مش هيبان غير بعد ال120 ومش اوي كمان
وهيبان اوي بعد ال170
غير كده الياريس بتدي تورك عالي جدا على 1300 (يعني هتاخد تورك 1600 لغاية 120 تقريبا) ومش اي 1600 كمان
يعني فرق توفير البنزين بالنسبة للقوة لصالح الياريس جدا جدا (فرق الاستهلاك للبنزين المفروض يدي فرق اكبر من كده في القوة لصالح الجين 2 وده مش موجود)

الكلام ده فنيا مش مظبوط ...... الفرق مش صغير و لا حاجة ....... و مفيش حاجة أسمها المواتير الياباني بتدي تورك عالي أو عزم ؟؟؟؟؟؟؟؟؟؟؟

الياريس 84 حصان ........ و العزم 115 نيوتن - متر ........... و الجين 2 عزمها 148 نيوتن - متر
كل الفرق ده مش محسوب فرق ؟؟؟؟؟؟؟؟؟؟؟؟؟
الفرق هنا في الوزن ............. وزن الياريس 1000 كجم ........ أما وزن الجين 2 هو 1200 كجم .
يعني فيه فرق 200 كجم بين العربيتين ........ و ده طبعا بيفرق في سحب الموتور .
و مفيش حاجة أسمها تأخد عزم موتور 1600 من موتور 1300 ؟؟؟؟؟؟

عايز تعرف الفرق
أركب الياريس ...... و حملها 5 أفراد .
و أركب الجين 2 أو أي عربية 1600 و حملها 5 أفراد ........... و شوف بقى العزم !!!!!!!!!!

المشاركة الأصلية كتبت بواسطة mohammedsamirabdeen

انا مع حضرتك سعرها غالي جدا جدا وكل ده علشان تويوتا بس مش للدرجة دي وبعدين موتورها 84 حصان ولا 92 حصان زي ما بيكتبوا !!!!!!!!!!!!!!!!!!!!!

موضوع 92 حصان ده ........... تأليف من التوكيل ........ الموتور 84 حصان فقط لا غير .من موقع تويوتا نفسه
و أنا معاك أن العربية غالية جدا ....
العربية دي بتبدأ في أمريكا من 65 ألف مصري و أخرها 86 ألف مصري و موتور 1500 كمان
التوكيل بتاع تويوتا في التسعير ........ أخر أستعباط بصراحة .......
أنما خدمات ما بعد البيع ....... الأغلبية بتشكر فيه و سمعته حلوة في النقطة دي .

المشاركة الأصلية كتبت بواسطة kojyad

شكرا يا رجالة وانا فعلا راجل مدن مش بتاع سفر كتيير تقريبا بسافر كل سنة مرة
وانا فعلا محتاج حاجة انام عليها وامدد , مش عايز اصرف بعد كدة حاجة , ومتهيألي اني عرفت ان التيوتا بتتميز بطول العمر الافتراضي لقطع غيارها عن اي سيارة تانيا وده ميزة ياريت لو انا فاهم غلط حد يصلحلي المعلومة ده
مثلا عرفت ان تيل الفرامل بيتغير بعد 50 - 80 الف كيلو تقريبا وحاجات ذي كدة غير باقي العربيات الي بتغير القطع بتاعتها بصفة دورية وبيبقى اسعارها غالية جدا ومنهم الجين 2 ده على حد علمي ذي ماعرفت من ناس معاها العربيات ده
وياريت لو انا بجد قلت حاجة مش صح 100*100 حد يصححلي المعلومة .

بُص موضوع قطع الغيار دي حسب كل سواق ....... مفيش حاجة قياسية ......
كل لما تكون بتسوق عادي ....... أي قطعة غيار هاتعيش معاك أطول فترة ممكنة .....
و خصوصا موضوع التيل .......... تيل الفرامل ملوش عُمر محدد ......... عمره أنت اللي بتحدده ......... بس طبعا فيه تيل بيكون عمره أطول شوية من تيل تاني .

بالنسبة لأسعار قطع الغيار .......... تويوتا غالية مش رخيصة .....
و كل العربيات الجديدة دلوقتي قطع غيارها غالية ...... خصوصا لو بتتعامل مع التوكيل و بتشتري قطع الغيار الأصلية
إنما لو فيه قطع غيار غير أصلية متاحة برة ..... أكيد بتكون أرخص .

بس فعلا أدام أنت مش محتاج عربية في السفر .........
الياريس حلوة و ممتازة في توفير البنزين ...........هي النقطة السلبية اللي فيها سعرها بس .و لو أنت مستعد تدفع السعر ده فيها و شايف أنه مناسب ليك و ليها ........... يبقى خلاص ....... أتكل على الله و هاتها .......

لو عايز بدائل بسعر أفضل و أمكانيات ليست أقل ......... فيه حاجات كتيرة في معدل السعر ده ( لأني بصراحة مستكتر التمن ده عليها ) .........

أنا صحيح معايا الجين 2 و مغيرتش حاجة في العربية بصفة دورية غير الزيت حتى تيل الفرامل لسة شغال معايا ....... العربية معايا بقالها سنتين

**tutankhamoun** · 13-07-2009 09:40 AM

تصحيح لمعلومة عن الياريس أنا قلتها :
العزم هو 121 نيوتن - متر عند 4400 لفة - دقيقة
القوة الحصانية هي 85 حصان عند 6000 لفة - دقيقة

**elshaba7ana** · 13-07-2009 12:31 PM

المشاركة الأصلية كتبت بواسطة tutankhamoun

الكلام ده فنيا مش مظبوط ...... الفرق مش صغير و لا حاجة ....... و مفيش حاجة أسمها المواتير الياباني بتدي تورك عالي أو عزم ؟؟؟؟؟؟؟؟؟؟؟

الياريس 84 حصان ........ و العزم 115 نيوتن - متر ........... و الجين 2 عزمها 148 نيوتن - متر
كل الفرق ده مش محسوب فرق ؟؟؟؟؟؟؟؟؟؟؟؟؟
الفرق هنا في الوزن ............. وزن الياريس 1000 كجم ........ أما وزن الجين 2 هو 1200 كجم .
يعني فيه فرق 200 كجم بين العربيتين ........ و ده طبعا بيفرق في سحب الموتور .
و مفيش حاجة أسمها تأخد عزم موتور 1600 من موتور 1300 ؟؟؟؟؟؟

عايز تعرف الفرق
أركب الياريس ...... و حملها 5 أفراد .
و أركب الجين 2 أو أي عربية 1600 و حملها 5 أفراد ........... و شوف بقى العزم !!!!!!!!!!

موضوع 92 حصان ده ........... تأليف من التوكيل ........ الموتور 84 حصان فقط لا غير .من موقع تويوتا نفسه

بغض النظر عن الوزن بقى
المهم التسارع اللي نتا بتاخدو في الاخر
انا مش بقارن الموتورين لوحدهم انا بقارنهم على العربية اللي شايلاهم
وبعدين ياباشا بيتهيالي محدش بيركب 5 افراد على طول في عربيتو بالاضافة الا ان نتا لو ركبت 5 في الجين2 هتبقى هيا هيا لان مجموع الافراد هيكون زائد الوزن الاصلي اللي هوا اتقل بمتين كيلو
وعايزك تجرب الموضوع ده
شد بياريس من زيرو لمية مع جين2 هيجيلك اندهاش غريب من اللي هتشوفو
لو الجين2 طلعت هتلاقيها طلعة كده قريبة من شنطة وكبوت
وعلى فكرة بقى
نتا قلتها بنفسك
الياريس وزنها 1000 كيلو وبتدي 121 نيوتن في العزم
والجين2 وزنها 1200 كيلو وبتدي 141 نيوتن
تفتكر نتا بقى فرق الوزن مع فرق النيوتن هيخلي تجميع الجين2 اعلى بفرق كويس
لا طبعا وعايزك تجربها
وعلى فكرة المواتير الياباني حامية جدا وسعرانة ومتتخدعش بصغرها
انا معايا كريستالة مسقطلها موتور 1500 2 كامة بطلع بيها من الفرنا اللي هيا 1600 2 كامة لا وايه كمان
الفرنا اخف وموتورها اجدد وكمان موتورها اكبر وبطلع من الجين2 كمان اللي هيا1600 2 كامة

**kojyad** · 13-07-2009 01:29 PM

والله يارجالة انا فرحان جدا للمنازعات الجميلة ده وإن دلت فهي تدل على قوة العربيتين
بس انا كدة حرتي بتزيد مش عارف ارسى على حل
عموما انا معاكو لحد ما ابيع عربيتي انشاء الله بعدها لازم ارسى على حل .