يا ريت و الله
عرض للطباعة
يا ريت و الله
أولا شكرا للأستاذ أحم صيام على الأستفتاء ده ....... وناجح ناجح ياريس !!!!!!!!
مع أني أنا اللي عملت موضوع الكشف أو الفحص المجاني لحملة بروتون و عز العرب لصيف 2009
و لكن لم أذهب لهذا الكشف !!!
طيب ليه ؟؟
لأني مش محتاج أكشف على حاجة و العربية مفيهاش أي مشكلة و الحمد لله ........ و تقريبا كنت لسة عامل صيانة من شهرين يعني قريب جدا و بالتالي الكشف المجاني على عربية مفيهاش مشكلة يعتبر تضييع لوقتي .
و لكن أنا زرت التوكيل تلاتة مرات في فترة الصيانة المجانية ........
و شايف أنهم زحمة جدا جدا جدا جدا ..............
و بالتالي مش كل الناس هاتكون مبسوطة و ده نتيجة طبيعية للزحام الغير معتاد في الفترة دي .
و ده بيأكد أنهم فعلا محتاجين الإسراع شوية في انهاء اعمال الورشة رقم 2 بجوار القرية الذكية لإستيعاب الأعداد المتزايدة من سيارات بروتون في السوق المصري .
و لكن برضه أنا أحب أوضح أن المهندس آمر في فرع الصحراوي بيتعب جامد و بيحاول فعلا يحل المشاكل الموجودة و المطروحة عليه بما أُوتى من إمكانيات .
و برضه العاملين هناك بيتعبوا و بيشتغلوا على عدد عربيات كبير في يوم واحد و بالتالي أكيد الخدمة الناتجة مش هاتكون 100 % مرضية لكل الناس ......
ربنا يسهل و يفتتحوا الورشة رقم 2 ................... و يزودوا الروافع شوية
كلامك تمام يا استاذ توت
بس الفكره كلها الناس كانت عايزه مثلاً تلاقي في Report نسخه منه تروح للعميل تبين صلاحيه كل حاجة بمعني مستوي الموتور ايه و كفاءته و كفاءه الفتيس و هكذا .....
ولكن الناس استلمت العربيه تسأل المهندس ايه الاخبار العربيه عامله ايه تكون الاجابه الطبيعيه مثلاً كله تمام
الي انا عاوز اوصله .... في روتوش صغيره ناقصه التوكيل ياريت لو اهتموا بيها العميل حتي حيحس براحه نفسيه ان في اعتنا بالعربيه و علي فكره في حاجة عايز اقولها يا استاذ توت ...
مش كل الناس عندها الخبره في لو في عطل في العربيه تحس بيه بمعني ان ممكن يكون مثلاً البلي بتاع العجل الخلفي عايز يتغير علشان خشن مثلاً و يكون الراكب مش حاسس بالموضوع دا و دا ممكن يسبب مشكله كبيره فدا الي بيخلي الناس و الاعضاء يروحوا حملات الفحص المجاني لان دا بيكون زياده للاطمئنان و لكن انا عملت زي ما حضرتك عملت مرحتش الصيانه المجانيه لاني الحمد لله شايف ان العربيه مفيهاش حاجة و مش محتاج حاجة و علشان برده ادي فرصه لغيري و دي نفس نظرية حضرتك و لكن مش كل الناس بيكون علقتها بالعربيه شامله زينا ......
المهم و زي ما قولت في مشاركة سابقة ان اامل اني اشوف التوكيل في افضل صوره خلال الفتره القادمه ........
تحياتي
:B4_388::B4_388::B4_388:صح صح صح الف مرة هو ده الكلام المظبوط :B4_388::B4_388::B4_388:
انا مهندس اتصالات معلوماتي عن العربية والميكانيكا لا تتعدى 1% يعني على قدي :shyy:
فلما اسمع عن صيانة مجانية لازم اجري علشان اضمن على تحويشة عمري والاقساط اللي قضما وسطي واقدر انام مرتاح البال :36_1_50[1]:
بس للاسف مش ده اللي حصل في الصيانة المجانية ( ويا ريتها صيانة ما تمت ) :mahf(5):
انا حجزت للصيانه المجانيه وروحت يوم 8/7/2009 وبالمره قولت اعمل صيانة ال 10 الاف
واللي اتعمل ف الصيانه:
- غيروا الزيت
- غيروا الفلتر
- غيروا تيل الفرامل الامامي
- قالولي فحصنا كل حاجه ف العربيه
وكانت النتيجه:-
- لم اشعر بأي تغيير في العربيه
- معرفتش ايه اللي حصل في العربيه وايه اخبار الموتور , التكييف , العفشه , ..... الى اخره
- كعييت 600 جنيه ومشيت قفايا يقمر عيش ( بدون اي نسبة خصم بالاضافه لاحتساب 2.4 ساعه مصنعيه بمعدل 75 جنيه للساعه ).
هل فعلا هيه دي الصيانه المجانيه !!!!!!!!!!!
ولو دي الصيانه المجانيه طيب لو مكنتش مجانيه كنت هدفع كام !!!!!!!!!!!!
بجد بفكر مروحش التوكيل تاني
لأن بجد كده حرااااااااااااام
مع خالص تحياتي
ساري ربيع
الاخ سارى ربيع
انت دفعت مصنعيات تغيير الزيت و الفلتر و تيل الفرامل
انما المفروض ان الكشف المجانى على السيارة ماعليهوش اى مصنعيات
و على فكرة اى توكيل بيبقى غالى موش عز العرب بس و ده طبعا استغلال و الوكيل الوحيد اللى فعلا بتدفع و بتلاقى خدمة فيه فوق الوصف هو تويوتا ايجيبت و باقى التوكيلات كلها بعد كده زيى بعضها
عاوزين نلغي موضوع عدد ساعات المصنعية ده...!!!
دي حاجة غريبة قوي
هما مس العمال دول بيخدوا مرتب.. طيب بيحسبونا احنى ليه على مصنعيتهم ..؟؟؟؟؟؟
وكمان لو العمال دول قعدوا يشربوا شاي ويهزروا ويحكوا قصص لبعض انا ليه احاسب على ده... مهو مش معقول كل العمال عندهم ضمييير وبيشتغلوا 9 ساعات بالدقيقة ...
انا مالي ومال العمال دي حاجة ترجع لإدارة التوكيل هو اللي يحدد مرتبهم ومكافئتهم ويحسبهم عليها مش انا ...
ارجوكم فهموني علشان لو ده حصل معايا انا ممكن ااعمل جنايا بسببه ومش دافع ..
انا شخصيا رحت يوم 5-7 وعملت الصيانه المجانيه ضبطولي التكييف والعفشه وغيروا جلب فرامل ودفعت 40 جنيه تمنهم ومادفعتش مليم مصنعيه وحاسس ان ده شيء مقبول لم يرقى الى الجيد لان لسه موضوع الخشونه في العجل الامامي لم يضيع بالكامل بعد.عربيتي جين 2 2007 عامله 57000 كم
بص من الآخر عشان ما تتعبش نفسك الخشونه ديه مش هتروح اللى لما تغير رومبلات العجل الأمامى ... أنا غيرتهم وانا فى الضمان كنت عامل 69 ألف وراحت الخشونه
تحياتى
فعلا يا أيمن موضع عدد الساعات ده يخنق زي ما قال رافى انت عارف لو حددوها تغير كذا بكذا وتغير كذا بكذا هيبقى احسن واوقع
تحياتى يارافى
تحياتي يا مون وبالتوفيق والنجاح إن شاء الله طمنا على طول او ما تظهر النتيجه :S_thum1[1]::S_thum1[1]::S_thum1[1]: