تقييمك لحملة الصيانة المجانية

**ahmedsiyam** · 12-07-2009 10:44 AM

السلام عليكم

الاخوة الافاضل

طبعا حملة الصيانة المجانية اللى بيقوم بيها الوكيل حاليا بتثير الجدل
فى ناس موش عاجبها الموضوع
و فى ناس مبسوطة من الحملة دى

انا عايز اعمل استطلاع رايى يفيد الناس و يفيد التوكيل فى نفس الوقت

من فضلكم كل واحد واحد راح حملة الصيانة يحيكى تجربته باختصار

**MuhammedSoliman** · 12-07-2009 11:29 AM

المشاركة الأصلية كتبت بواسطة ahmedsiyam

السلام عليكم

الاخوة الافاضل

طبعا حملة الصيانة المجانية اللى بيقوم بيها الوكيل حاليا بتثير الجدل
فى ناس موش عاجبها الموضوع
و فى ناس مبسوطة من الحملة دى

انا عايز اعمل استطلاع رايى يفيد الناس و يفيد التوكيل فى نفس الوقت

من فضلكم كل واحد واحد راح حملة الصيانة يحيكى تجربته باختصار

صباح الخيرات يا استاذ أحمد والله انا كنت حاجز بس ماروحتش عشان كانت العربية عندهم بسب الموضوع اللى كتبته ومن المفروض إنى هاروح بكره لاستكمال الأعمال فى العربية بس أنا اعتقد إنه الموضع عموما مش بطال يعنى الواحد مش خسران حاجه لو راح عشان كده أنا هصوت جيد ،، وتقبل خالص تحياتى

**ahmedsiyam** · 12-07-2009 12:01 PM

مع احترامى الشديد يا اخ محمد بس ازاى تصوت على حاجة انت لسه ماختبرتهاش بنفسك

من رايى تخلى التصويت بعد لما تعمل الصيانة على رأيك يبقى سليم و فى محله

**momenhamdy** · 12-07-2009 01:55 PM

اخي الفاضل الاستاذ احمد

طبعاً انا يمكن مكنش حجزت الصيانه دي او حتي فكرت تفكير عملي اني ارحلها علي الرغم من ان المهندس محمد رشدي قلي كلمني و نسق معايا
ويمكن انا مش المفروض اني ارد في الموضوع دا لانه خاص بالاعضاء الي ليهم تجارب مع الصيانه المجانيه دي ولكن انا احب اوضح راي و يهمني رأيك فيه

ان طبعاً متابع الموضوع دا من الاول من خلال المنتدي و اكتشفت ان في اعضاء محترمين بدأو في الحجز من اول 4/7 ولكن انا اكتشفت حاجة غريبه اوي ان الاعضاء الي حجزوا راحوا في المواعيد بتاعتهم و اكتشفوا ان الوفد حينزل التوكيل من يوم 8 اعتقد .......
فما معني ذلك يعني انا حاجز علشان الاقي الوفد موجود و لا علشان اروح في اليوم الي انا محدده مع التوكيل الاقي الوفد حينزل يوم 8 ؟؟؟

انا بصراحة مش عارف ايه الغرض من القصه دي ........
فطبعاً و دا من وجه نظري الشخصيه و الغير مفروضه علي اي عضو من اعضاء المنتدي انا بشوفوا استهتار حتي لو نسبي للعميل

بس انا كل الي اتمناه من الاعضاء الي راحوا الصيانه المجانيه انهم فعلاً يكونوا حسو بفرق في الاشياء الي كانوا بيشتكوا منها

وتقبل تحياتي اخي الفاضل

**Eng. Rafy Samy** · 12-07-2009 03:02 PM

انا حجزت ورحت وقلت المشاكل اللي عندي
عدى سعتين من غير اي تفاصيل ويعديهم " اتفضل يا استاذ استلم العربية "
طيب ايه اللي حصل ...؟
فين التقييم الموتور والتكييف والعفشة وغيرة...؟؟
العربية كويسه ولا فيها مشاكل...؟
في اي حاجة اتحلت من المشاكل اللي قلتها ..؟
طيب في اي حاجة اتغييرت في العربية...؟

اي حد يعبرتني باي معلومة...!!!!!
ولا الهواه معرفتش حاجة ولا استفد بحاجة وكأنها صيانه ما تمت
سعتين ضاعوا على الفاضي من غير اي استفاده
للاسف ده تقييمي للي حصل

**MuhammedSoliman** · 12-07-2009 03:02 PM

المشاركة الأصلية كتبت بواسطة ahmedsiyam

مع احترامى الشديد يا اخ محمد بس ازاى تصوت على حاجة انت لسه ماختبرتهاش بنفسك

من رايى تخلى التصويت بعد لما تعمل الصيانة على رأيك يبقى سليم و فى محله

طبعا عندك حق بس انا مع الفكره نفسها إن التوكيل يعمل كده يبقى الفكره جيدة ديه وجة نظرليس أكثر ولا اقل وخصوصا من توكيل زي ويمكن انا موضحتش ده فى المشاركه السابقه حقك عليه

تحياتى

**ahmedsiyam** · 13-07-2009 12:05 AM

الاخ مؤمن حمدى
الحملة المجانية للصيانة مالهاش اى علاقة بالخبراء الماليزيين دى حملة صيانة بيعملها التوكيل و بالمرة فى القترة اللى موجود فيها الخبراء و يشاركوا بنفسهم انما الحملة نفسها من التوكيل

الاخ الفاضل محمد سليمان
تحياتى يا غالى و انا متفهم وجهة نظرك بس انا رايى برضه انك تروح و تستفيد من حملة الصيانة

**MohabSaeed** · 13-07-2009 02:22 AM

انا صوت ب " ضعيف "

لان الموضوع خد وقت طويــــل تقريبا 5 ساعات و الشغل الى اتعمل فى العربيه قدام عينى خلص فى اقل من ساعه .... تربيط عفشه , تنظيف سربنتينه التكيف و كويل التكيف , و جربو المساحات و المرايات و ازاز الكهرباء و كل الانوار..........

زى ماقولت قبل كده لو حد عربيته زيرو او مفهاش مشاكل او رايح علاشان الكشف المجانى بس الافضل مايروحش .

بعد الكشف لقيت ميزه و عيب ....

الميزه :- ان درجه تسقيع التكيف اتحسنت تقريبا 30 % عن الاول .
العيب :- ان العربيه بقت بتحدف شمال و لازملها ظبط زوايا .

عموما هى خطوه موفقه من التوكيل و اتمى السنه القادمه يبقى فى تنظيم اكتر من كده و الكشف يكون اشمل نوعا ما

**ahmedsiyam** · 13-07-2009 12:19 PM

شكرا يا مهاب على المداخلة

انا مستغرب يا جماعة انا لقيت 11 واحد شاركوا فى الاستطلاع و 5 فقط هم اللى شاركوا برايهم

الباقى فين !!!!!

**momenhamdy** · 13-07-2009 01:30 PM

المشاركة الأصلية كتبت بواسطة ahmedsiyam

الاخ مؤمن حمدى
الحملة المجانية للصيانة مالهاش اى علاقة بالخبراء الماليزيين دى حملة صيانة بيعملها التوكيل و بالمرة فى القترة اللى موجود فيها الخبراء و يشاركوا بنفسهم انما الحملة نفسها من التوكيل

بصرف النظر ايه علاقه الماليزين بالكشف المجاني

الي انا شيفه و دا مش رأي لوحدي ان الاعضاء و الناس غير راضيه عن اداء الصيانه المجانيه حتي في فرع الاسكندرية عندنا

و دا الي مخلي الناس مش متجه للموضوع دا بقلب جااااااااااامد و الله اعلم .........

و بعدين برده يا استاذ احمد المشكله في سوء التنظيم الي طبعاً مش حنخوض فيه لان الكلام مفيهوش فايده ... لان المفروض الي جاي علشان الفحص المجاني يكون في ناس متخصصه في استقباله غير العميل الي جاي يعمل صيانه قياسيه للعربيه ..... لكن الي انا شايفه ان هو بيدخل العربيات بالترتيب المعتاد و بيعرف من ال job ان العربيه دي جايه علشان الفحص المجاني ولكن لو هو محدد العربيات الي حتدخل من الاول للفحص مش ممكن حتطلع بعد طول كل الوقت الطويل دا .........!!!!!!!!

بس برده نأمل زي ما الاستاذ مهاب قال انها تكون خطوه جيده في تحسن الخدمة علي المدي القريب

وتحياتي

مشاهدة نتائج الإستطلاع: تقييمك لحملة الصيانة المجانية لوكيل بروتون

الموضوع: تقييمك لحملة الصيانة المجانية

LinkBack

أدوات الموضوع

عرض

تقييمك لحملة الصيانة المجانية - انشر الموضوع فى :

-

-

-

-

-

-

المواضيع المتشابهه

الصيانة السنوية الدورية المجانية

حملة الصيانة المجانية و عروض التقسيط من عز العرب

حملة الصيانة الشتوية المجانية لشيفرولية

عرض دايهاتسو للفحص المجانى و الصيانة المجانية

الصيانة المجانية

الكلمات الدلالية لهذا الموضوع

المفضلات

المفضلات

ضوابط المشاركة