خدت بتارى و قتلت التكيف خلااااااااااص
خلاااااص يا اوبلاوية :vctry:
خدت تاركم من تكييف الاوبل الفيكترا و قتلتة:B4_237:
التكيف الواطى بعد ما طلع عينى و صرفت علية كتير اوى و غيرت كل حاجة فية .. بصراحة قعد سنة شغال تمام ولا فى تسريب ولا اى حاجة و كلة تمام . من فترة كدة كل لما اشغلة الاقى العربية بتسخن لحد 98 -100 و ده كتير على حد علمى لفيت على الصنايعية بتوعى . التبريد تمام مفيش تسريب فى المية و المراوح تمام شغالة فى معادها على السرعتين المكنة تمام و وش السلندر تمام المهم واحد قلى هتلاقى الكمبريسور تقيل ف بيحمل على المكنة زيادة ف بتسخن والعيب عندك من الكمبريسور .قولت ده اكيد مش فاهم حاجة .
اسبوع بالضبط و لقيت صوت تخبيط طالع من الكمبريسور كل لما اشغلة و ادوس بنزين الصوت يزيد و طبعا انا عصبى روحت زهقان و دايس بنزين جامد اوى (rpm 6) و سمعت صوت طرقعة و ريحة دخنة خفيفة و الكمبريسور فصل تماما و مات خلاص :satelite:
السؤال هل فعلا كانت مشكلة السخونة فى الكمبريسور مع العلم ان حرارة العربية فى الطبيعى 92-90 و طبعا هجيب كمبريسور و سمعت ان بتاع الدايو بيركب و مش عارف ايه رايكم ...
عربيتى : 1600 مانيوال موديل 1997
اهم حاجة انا خدت تارى و قتلتة:36_7_4[1]:
