الفرق بين ياريس مانيوال هاف اوبشن و فول اوبشن ....يستاهل ؟؟؟

**NaderNabil** · 13-07-2009 11:26 PM

المشاركة الأصلية كتبت بواسطة abohalmos

بس معلش لسه عندى سؤال ........هيا الهاف اوبشن مانيوال ...نازلة 4 ازاز منافلة ......يعنى حتى الاتنين اللى قدام مش كهربا

أيون...:)
كله منافلة

**abohalmos** · 14-07-2009 02:37 PM

طب و لو الزجاج الكهربا ركبته بعدين فى التوكيل و دفعت 3 الاف جنيه
توتو على كبوتو ........هايبقى شكله ازاى ؟؟؟؟؟؟؟
يعنى هايشيل المنافلة ؟؟؟؟؟؟
يعنى زراير الزجاج الكهربا هاتبقى مكانها فين ؟؟؟؟؟؟؟؟؟
عند السواق بس و لا فى التابلوه زى الرينو لوجان ؟؟؟؟؟؟؟؟
يعنى هايبقى شكلها ازاى يا جماعة ؟؟؟؟؟؟
و بعدين معلش كان فى سؤال رفيع
انا مرة سوقت ياريس 2008 فول اوبشن مانيوال بتاعة واحد صاحبى
واستغربت جدا لما لاقبيت الدبرياش واطى جدا لدرجة انى كونت لازم
ادوس على الاخر و الزق الدواسة فى ارضية العربية
عشان اخد الغيار .؟؟؟؟؟؟؟؟؟و لما سألته قاللى انه الميكانيكى هوا اللى موطى الار بى ام
عشان فى حاجة فى العربية
ياترى كل الياريس عادة الدبرياش بتاعها واطى كده و لا ايه رأيكم ؟؟؟؟؟؟
انا عن نفسى بحب الدبرياش بالذات يبقى على الشعرة عشان بيسعف فى حاجات كتيرة
ايه رأيكم يا ياريساوية ؟؟؟؟؟؟؟؟؟

**abohalmos** · 15-07-2009 11:05 AM

ايه يا اخوانا محدش رد عليا ليه
هوا انتوا زهتوا منى قوام كده
انا كونت بسأل من امبارح فى المشاركة اللى قبل دى عن
1- شكل الازاز الكهربا بتاع الياريس اللى بيتركب فى التوكيل 3000 لحلوح بيبقى
شكله زى الاصلى اللى جاى مع العربية و لا ايه ؟
2- كونت مرة سوقت ياريس 2008 و كان الدبرياش بتاعها واطى على الاخر و كونت بسأل هل دى سمة فى الياريس
بصفة عامة و لا العربية دى كان فيها مشكلة ؟؟؟؟؟؟؟؟؟؟

و جزاكم الله خيرا على كل حال .

**M.almaghraby** · 15-07-2009 01:26 PM

يعني حضرتك حتركب ازاز ب 3000 من غير سنتر؟

**abohalmos** · 15-07-2009 02:22 PM

يا باشا لو قريت التوبيك من الاول
هاتعرف انى لسه ماشترتش
انا بسأل هل فرق السعر بين الهاف و الفول اوبشن ياريس مانيوال .....اللى هوا 7 الاف جنيه يستاهل ؟؟؟
و 3 الاف جنيه .....دول تمن تركيب الازاز الكهربا فى التوكيل للى عنده هاف اوبشن ..... يعنى 3 الاف جنيه
دول تمن الازاز بس من غير سنتر اللى يعمل زى ما حد قال 500 جنيه تقريبا على ما اذكر

**ابوشريف** · 16-07-2009 12:50 AM

السنتر لوحده ب450 السنتر بالانذار ب870

الزجاج ب 2900 وبيركب معاه تابلوه مفاتيح تحكم فى باب السائق يشبه الاصلى

لكن مع الاختلاف انه بيبقى واضح انه مش مدمج مع فرش الباب مثل الاصلى

انا شفته فى التوكيل ممكن حضرتك تروح زياره وتسأل بنفسك

على العموم مفيش مشكله من شكله لكن المشكله فى سعره

بالنسبه للدبرياج انا عندى ماشاء الله زى الميه وبيفصل فى المنتصف تقريبا

مش بحتاج انى ادوس للآخر غير فى حالة تدوير الموتور فقط

**fahd_628** · 16-07-2009 03:27 AM

هات الفل اوبشن !

**Yarisawy** · 16-07-2009 11:07 AM

انا رأى انك تجيب الفول اوبشن لان ال 7 الاف جنيه مش هايعوضوا

1- مستوى تقفيل الزجاج الكهرباء وجودة السنتر
2- الكنبه الخلفيه فى الهاف جزء واحد ولكن فى الكامله قابله للطى
3- المفتاح المشفر لتقليل تعرض العربيه للسرقه

ريح نفسك وجيبها فول اوبشن وخصوصا انت بتقول هاتجبها قسط وبدل ما تجيبها هاف وتدفع بعد كده 3 او 5 الاف جنيه للسنتر والزجاج زود المقدم بتاع العربيه لتقليل الفائده

**Samir Elshahawy** · 16-07-2009 11:15 AM

هو أصلا الياريس كتير عليها السعر ده فما بالك ب 7000 جنيه فرق علشان شوية كماليات ماتجيش بألفين جنيه لكن في بلدنا ممكن يكونوا ب 20000 جنيه لأننا عايشين في دولة الجباية

شوف ياسيدي الفاضل توكل علي الله و هات الهاف أوبشن و بعدين ركب الكماليات اللي أنت عايزها أكيد هاتكلفك أقل و ممكن تستني لما فترة الضمان تخلص و ركبها كلها من بره التوكيل أنت أولي بالقرشين دول

و ربنا يوفقك لما فيه الخير

**abohalmos** · 16-07-2009 11:17 AM

يا باشا .......الفكرة كلها و اللى هيا موضوع التوبيك اساسا
انه الفرق بين المانيوال هاف اوبشن و فول اوبشن اللى هوا 7 الاف جنيه
فى زجاج كهربا و سنتر و تعديل كرسى السائق
و المبلغ ده لما تكون هاتشترى قسط يعمل 10 بواكى
يا ترى الفرق ده يستاهل انك تدفع 10 بكاوى بالقسط يعنى يعملوا حوالى 140 شهريا
و بصراحة الفرق رقم غريب اوى على شوية الحاجات البسيطة دى .....يعنى على ما اعتقد
انه اكبر فرق سعر بين هاف اوبشن و فول اوبشن لاى عربية فى مصر
و رايى الشخصى انه تسعير غريب من تويوتا مصر ........و كمان يوصل لمرحلة الاستغلال
و لا ايه رايكم ؟؟؟؟؟؟؟؟؟
امبارح كان معايا صديق معاه ياريس 2008 هاف اوبشن
و قاللى انه جابها كده عشان استخسر المبلغ برضه و ركب السنتر بالانذار
كمان بره التوكيل و كلفه حوالى 500 جنيه ....
و كان مخللى الازاز زى ما هوا منافلة ...و قاللى انه مرضيش يركب كهربا
لانه خايف من اللعب فيها برة التوكيل ......و قاللى لو عاوز تركبه بعدين ....ركبه فى التوكيل احسن
و بصراحة 10 الاف بواكى كتييييييييييييييييييييييي ير
و لا ايه رأيكم يا ناس ؟؟؟؟؟
معلش فيه سؤال رفيع لما تركب الازاز الكهربا فى التوكيل و يتركب فى باب السواق
الازاز بتاع 3 ابواب الباقيين .....هاتفضل فيه المنافلة .....و لا هاتبقى زراير ؟؟؟؟؟؟؟
يا ريت يا جماعة لو حد عارف يقول ...........

الموضوع: الفرق بين ياريس مانيوال هاف اوبشن و فول اوبشن ....يستاهل ؟؟؟

LinkBack

أدوات الموضوع

عرض

-

-

-

-

-

المواضيع المتشابهه

هل الفرق بين الهاف والفول اوبشن يستاهل فرق السعر؟

ما الفرق فى التيدا 2009 بين الفول اوبشن و الهاف اوبشن

ممكن نعرف الفرق بين اللوجان فول اوبشن والهاف اوبشن ايه بالضبط

كيا سيراتو مانيوال فول اوبشن ولااا هيونداى اكسنت اوتوماتيك فول اوبشن

ما الفرق بين ياريس نص اوبشن وفول اوبشن؟

الكلمات الدلالية لهذا الموضوع

المفضلات

المفضلات

ضوابط المشاركة