-
السنتر والزجاج مش هو الفرق الوحيد .... الكنبه .. التشفير .. الكرسى ... التقفيل ....دول هاتعملهم بكام ... لو مش هايفرقوا معاك يبقى ريح دماغك وجيب الهاف .... اهم حاجة شوف انت مرتاح فى ايه مهو فى ناس تقولك انا ليه ادفع 10 الاف جنيه فرق الاتوماتيك عن المانيوال مهى مهى نفس العربيه بالعكس المانيوال ليه متعه تانيه
ولو جيت فى موضوع المغالاه فالياريس اصلا غاليه عن قيمتها ولو عايز حاجة مفيهاش مغالاه يبقى جيب سيراتو الجديده
ايوا فى حاله لما تركب الزجاج الكهرباء بتتشال المانفله وبيتحط بداله بوكس صغير كده , روح اقرب توكيل ليك هما حاطين صور للكلام ده
-
على فكرة انا حالي من حالك بالضبط
لسة امبارح بس كنت في احدى معارض تويوتا بتفرج عاليارس
وانا بصراحة من اشد المعجبين بالسيارة ده وبجد نفسي اكسبها لصفي
ولما لاحت هناك كانت اول مرة اعرف الفرق بين الهاف والفول
وكلامك صح الزجاج كلة مانافلة وده الي مدايئني اوي
لاني معايا عربية زجاج كهربي ومتعود عليه
بس بيني وبينك انا لسة شباب وعلى قد
حالي وانا مستكتر ال10 الاف جنيه جداااااااااااا وسألت الراجل هناك عن امكانية تركيب 2 زجاج كهرباء فقط؟
وقالي معظم الناس بتعمل كدة , وبتروح التوكيل تركب 2 زجاج امامي فقط , وده الي يهمني ,
وعلى فكرة موضوع التقفيل بتاع الباب لما يركبلة زجاج عادي خالص لأنه بيتم تغيير غطاء الباب الداخلي كلة
ويركب واحد جديد بالزراير كأنة فول اوبشن تمام
والكلام ده من الراجل بنفسة والله اعلم
وقالي انه هيكلف بالسنتر كله والريموت حوالي 3 الف جنيه
اما بخصوص الكنبة انا مش شايفها مهمة اوي ولا ايه ؟ ولا حتى موضوع التشفير ده ,
ايه يا عم هو الحرامي مستني كل يوم عالعربية ؟؟؟؟؟
وبعدين حتى لو في حرامي اكيد هما خلاص عرفين ان اليارس متشفرة ولا ايه ؟
المهم احنا فعلا اولى بال7 الي فاضلين بعد ال3 الاف
وباعدين يا اخي مش لازم تعملهم مع بعض ممكن تعمل السنتر والريموت دلوقتي
عشان اهم وبعد سنة اعمل الزجاج برده تكون حوشتله فلوس وبرحتك
انا بصراحة ناوي اعمل كده انشاء الله
-
بس كلام في سرك انا الي مدايقني في اليارس انا بتنزل راديو تاب يعني كاست شرائط وليس سي دي
وهو مين دلوقتي ياجماعة لسة بيستخدم الشرايط ده انا متهيألي انا بقت عاملة زي الفلوبي دسك بتاع زمان
معادش حد بيستخدمه خالص
بس معلش انا بجد مستعد اضحي بالحاجات ده وابقى اغيرها بعدين في سبيل اني اشتري
بس علامة تويوتا الياباني ويكفي انها السيارة الوحيدة لتويوتا ياباني 100x100 سيارة وتقفيل
-
الاخ العزيز kojyad
و الله يا باشا انت كأنك بتقرأ افكارى
و مدام افكارنا واحدة ...يبقى يا ريت تقبلنى صديق ليك فى كفاح غلاء و جشع الوكلاء فى مصر
انا يا باشا فعلا معجب جدا بالياريس ......و هيا كمان معجبة بيا ....حتى اسألها :hlopaet_prv:
و فعلا ان شاء الله انا ناوى اعمل زيك اشترى الهاف و اعمل الحاجات دى بالراحة و على مهلها اوى
وانا زيك شاب 33 سنة و بكافح و عندى طفلة و مولود خلال ايام قليلة .... و هما اولا بالفلوس دى
مش عشاف شوية فشخرة اكع 10 الاف جنيه .....اللى هما 7 زائد الفوايد لانى هاشترى قسط
و كل ماأفكر انه شوية حاجات بسيطة زى دى تغرمنى 10 بكاوى توتو على كبوتو .....
:dontudear:
اقول لا خسارة .....و بعدين انا ابقى اعمل كل حاجة فى التوكيل بالراحة ....و فى الوقت اللى ابقى مرتاح فيه ماديا
و اللى انا احدده ......و واحدة واحدة ......و بعدين كمان اهم حاجة هيا الدفع فى الاول يعنى مقدم العربية ....يعنى يكون حلو ...و بالتالى الفلوس بتاعة الفول اوبشن هتحتاج مقدم اكبر و قسط اكبر .....
معلش كونت عاوز اسئلك هوا 3000 جنيه دول تركيب 2 ازاز كهربا و لا اتنين بس ؟؟؟؟:120146b
اما بالنسبة لموضوع الشرايط و الكاسيت ......ففى حد هنا عامل موضوع لوصلة AUX للياريس
و بتتعمل عند اى حد بتاع كاسيتات و كده .... و انا معايا اى فون ....فانشاء الله مفيش مشكلة من الناحية دى ....
و انا برضه بحب تويوتا جدا ......و دايما اقول يكفى انها بتنزل مية المية يابانى مش جنوب افريقى و لا مغربى و لا اردنى و كده .....
بالمناسبة انت هاتشترى قسط و لاكاش ؟؟؟؟؟
و لو قسط ياريت تقوللى على المكان و الفايدة كام ..؟؟؟؟
بس باين من كلامك انك هاتجيب كاش عشان بتقول معاك عربية تانى ....
ربنا يسهلك و يكرمك باللى انت عاوزه ان شاء الله
:S_thum1[1]:
و بالمناسبة تفتكر انه الواحد يجيب دلوقتى و لا يستنى شوية ......لما موديلات 2010 تنزل و بالتالى 2009 هاتنزل برضه .......بالذات اننا داخلين على رمضان و اعياد و دى فترات ركود جامد ......و انا متوقع يبقى فى تخفيضات و عروض و كده ......عشان يمشوا نفسهم شوية ......:36_9_4:
-
يا جماعة مافيش عربية في مصر تستاهل الثمن اللي بيتدفع فيها لأن بأختصار كده الوكلاء و التجار كلهم حرااااااامية و نصابين و أعتادوا علي شفط فلوس الناس , لذا أنصح كل اللي ناوي أو بيفكر يشتري في التمهل و التروي شويتين علشان يستفيد بفرق نزول الاسعار ألا لو كان مستغني عن فلوسه و مش تعبان فيها و مش فارقة معاه , ده بقي موضوع تاني
اللهم هل بلغت , اللهم فأشهد
-
يا باشا ......كلامك صح
يا باشا .........كلامك صح
مية المية ....الاسعار هاتنزل هاتنزل
و البداية غبووووووووووور نزل الالنترا 3000 لحلوح النهاردة
و الباقى فى الطريق :36_1_34[1]:
و رمضان جاى ........وحوى يا وحوى :36_7_7[1]:
و الركود هايزيد فى العربيات
و موديلات 2010 هاتنزل :verygood:
ياللا ........خلي اللى عملوه فى الناس يطلع على جتتهم :star1:
ان شاء الله .
-
لو عايز الحق , زى ما بتقول كدة , اتك 3 شهور تكون الموديلات الجديدة بدات تنزل و دول هيبداوا يرخصوا و تجيب الفول اوبشن بالسعر اللى انتا عايزه
-
الف شكر يا باشا
الف شكر يا باشا و نورت الموضوع
ده يا باشا اللى هايحصل ان شاء الله
خصوصا انى مش مستعجل و لا حاجة
انا مش عاوز اقولك انى شغلى فى نفس الشارع اللى انا ساكن فيه
يعنى مشى 5 دقايق بس
انا محتاج العربية لمشاوير و خروجاتى مع الاسرة و اصحابى و طلبات البيت
بجانب انى عندى طفلة و التانى خلال ايام ان شاء الله
فانا عاوز اجيب عربية عشان الحق اخلص من اقساطها قبل ما العيال تخش
المدارس و مصاريفها و كده ان شاء الله.
و عشان كده انا لابد فى الدرة و مستنى منه اكبر المقدم شوية و منه
استغل الفرصة فى انخفاض الاسعار لغاية اخر السنة دى .:3mla:
و الله المستعان...........
-
ربنا يقدملك الي فيه الخير
وتشوف المولود على خير يارب
وانا معاك نستنى شوية فعلا عشان الاسعار تنزل يارب
Content Relevant URLs by
vBSEO 3.6.0 PL2