اخيرا اشتريت لانسر 99

**Karim_Monir** · 15-10-2007 11:52 PM

شوف
الاول ربنا يباركلك فيها ويديك خيرها ويكفيك شرها
ثانيا الجامبو من احلى موديلات اللانسر بس عيبها ان تجميعها بطيء عشان 1300 اتوماتيك بس روعة على الطريق انا جبت بيها 160 ولا حاسس عشان واطية بس وطيها ده اكبر عيب في شوارعنا عشان خاطر المطبات عشان كدة خللي بالك منها
39 الف كيلو قليل قوي قوي هيا عدادها ديجتال عشان كدة صب اللعب فيها لكن مش مستحيل بس لازم تروح لميكانيكي يغيرلك السيوروكدة بس التمن فعلا مبالغ فيه لان ب باقل من 75 كان ممكن تجيب 2004 الشكل الجديد البومة 1300 بس مانيوال
ربنا يباركلك فيها مرة تانية ولو عايز ميكانيكي كويس ابعتلي وانا ادلك علية في الحرفيين
اخونا ابو حمز راحلوة بالكريستالة بتاعتة وانبسط من شغلة قوي

**waelemam2004** · 16-10-2007 02:49 AM

اولا الف مبروك على العربيه ثانيا انا معايا العربيه ديه شاريها زيرو من 99 اول مالك ليها انا مغيرتش فى العربيه اى حاجه من اول مشترتها الا الحاجات الاساسيه الزيت والفلاتر والكوتش الخ ......... لكن اى حاجه تانيه زى مساعدين وحاجات زى كده مغيرتش الا السنه دى وماشاء الله العربيه ديه بالذات مش منتشره اووى زى الجديده وحتى انا رايى شكلها احلى كتيير من 2007 ( رايى الشخصى ) وكمان لما تزبطها جنوط وشويه لعب خفيف كده العربيه بتبان وعلى فكره العربيه عامله معايا دلوقتى 210 الف كيلو بس ده كتيير لانى عايش فى الغردقه وبسافر بيها على طول ... بس عيب العربيه الوحيد موتورها ضعيف وبالذات لو كانت اتوماتيك علشان كده انا شاريها مانيوال وزى ما قلك الاخ الفاضل انت غيرها سيور وفلاتر بنزين وزيت ولو محتاجه فلتر هواء يتغير او نضفه ونضف فلتر التكييف وشوف البيجوهاات لو عايز تتغير وظبط الكهرباء طبعا لانها كربراتير وارجو اكون افدتك .....................
:D

**أبو_حمزة** · 16-10-2007 10:15 AM

1000 مبروك و ربنا يبارك لك فيها
السعر بالنسبة للحالة (و مع الأخذ فى الاعتبار الزيادة اللى حصلت فى سعر لانسر) مناسب بأمر الله
و ما دام اشتريت يبقى ما تسألش عن السعر
أنا عربيتى أخت عربيتك
العربية ممتازة و الموتور معقول بس اسحب ضعيف مع التكييف
لو سواقتك هادية ها تحس ان العربية مش ناقصها حاجة و داخل القاهرة مش ها تحتاج اكتر من كده
أى حاجة محتاج تسأل عنها انا تحت أمرك
و الميكانيكى اللى قال لى عليه أخويا كريم منير كويس فعلا
ربنا يبارك لك فيها

**SaLM!Na** · 24-10-2007 01:50 AM

وحتى انا رايى شكلها احلى كتيير من 2007 ( رايى الشخصى )

w da ra2yee ana kman da a7la shakl f el lancer 3moman

**eng_mkhalaf** · 24-10-2007 04:40 PM

إلف مبروك - أعطاك اللة خيرها وكفاك شرها
بس هيا غالية شوية - بش طالما أشتريت يبقى خلاص إلف إلف إلف مبروك عقبال S-Class

**dr.ayman** · 24-10-2007 05:08 PM

ربنا يباركلك فيها ان شاء الله
و بالنسبه للسعر مادام اشتريت ما تسألش و مادام العربيه حالتها حلو يبقى مش خساره فيها غلشان تريحك بعد كدة
و عقبال s class
و العربيه دى انا بعشقها بجد رووووووعه و لو عليها جنوط و تظبيط بسيط كدة بتبقى خرافه

**Akram** · 26-10-2007 04:13 AM

ربنا يباركلك فيها,
بس كنت عايز اسأل عملت ايه بعد ما أختها و ايه اللي غيرته و بكام ,
و كام مصاريف نقل الملكية و مصاريف التجديد السنوي للرخصة,
علشان بشوف واحدة زيها إن شاء الله

**bido_maxboy** · 02-11-2007 02:28 AM

بص يا عم اكرم حتي الان انا مغيرتش شئ فالملكيه لان الرخصه بتاعتها هتنتهي انشاء الله 30 اكتوبر 2008 انا كل اللي عامله اني واخد توكيل من البايع انه بايعلي السياره انما الرخصه باسمه حتي تنتهي الرخصه ولو دخلت علي كمين خنيق شويتين بيقولي فين التوكيل عشان كده انا مصور التوكيل ومع الرخصه علي طول فالشماسه بتاعه السياره وربنا يوفقك ويوفقنا

**Sameh Aziz** · 21-11-2007 11:26 AM

سيبك من السعر خلاص اللي حصل حصل

بس فعلا الحالة اهم و ما حدش فينا شاف الحالة بس كلامك بيوصف عربية 2005 او 2006 مش 99

و شوف زي ما الاخوة قالو اعمل كل الصيانات و غير كل الكاوتش لان اكيد انتهت صلاحيته و كده خطر
ممكن تضرب من في اي وقت ((( الا الكاوتش و الفرامل))))

1000 الف مبروك