لو داخل نفق الأزهر اقفل الشبابيك

**أبو إياد** · 13-07-2009 07:31 PM

المشاركة الأصلية كتبت بواسطة walidadel

الحمد لله ياراجل دا كويس ان محدش لقت الشيكات و راح صرفهم كانت تبقي مصيبه فعلا
الحمد لله علي كل شئ

هو لو كان وحصل والشيك ضاع كان ليها حل اولا كان ممكن الاتصال بصاحب الشيك ويتصل بالبنك ويوقف صرف الشيك
او انه لو اتصرف كان هايقدر يعرف مين اللى صرفه وانت وحظك معاه
بس الله الغنى عن وجع القلب ده

**nasr-eldeen** · 13-07-2009 07:41 PM

الحمد لله.
وأعتقد كمان إننا لازم نغلق النوافذ في النفق من أجل عوادم السيارات .

وعلى فكرة وإنا بقرأ الموضوع تذكرت حديث رسول الله صلى الله عليه وسلم .
عندما قال ( إن الله ليفرح بتوبة العبد العاصي أكثر من فرحة الرجل في فلاه ( صحراء ) ضاعت منه راحلته أو دابته وعليها مؤنته فجلس ميقناً أنه هلك لا محالة ثم وجدها ومن شدة فرحته قال ( اللهم إنك عبدي وأنا ربك ) فإن الله أشد فرحاً بتوبة العبد من هذا الرجل )
أو كما قال صلى الله عليه وسلم 0

**أشرف فتحى** · 13-07-2009 07:42 PM

ضغط وشفط الهواء مش فى نفق الازهر بس...دا كمان ممكن تكون فى طريق سريع او شارع او حتى راكب قطار وحصلت قبل كده قدامى مع واحد كان حاطط اوراق الجيش بتاعته على المسند اللى بين الكرسيين فى كابينه القطار ولما كان المعاكس جى بسرعته الاوراق اتشفطت لبره الشباك ...يعينى كان هيحصلله حاجه....وطبعا هيضطر ينزل القاهره تانى يطلع بدلها....

**kingtefa** · 13-07-2009 07:57 PM

المشاركة الأصلية كتبت بواسطة szrateb

هاحكي لكم موقف حصل لي داخل نفق الأزهر علشان تاخدوا بالكم
في يوم الصبح كنت جاي من مصر الجديدة لوسط البلد علشان اصرف شيكات كنت راكب العربي الفيورا 127 وحاطط شيكين في ظرف والظرف على التابلوه تحت علبة المناديل امام الكرسي اللي بجوار السائق وانا كنت لوحدي في العربية وفاتح الشباك اللي جنبي واللى جنب الكرسي اللي جنبي
المهم دخلت النفق من اتجاة صلاح سالم وقرب انتهاء النفق وفي احدي المنحنيات العربيات هدت لحد ما النفق وقف تماما وفي لحظة لقيت دوامة هواء داخل العربية طيرت علبة المناديل ولاقيت الظرف طاير خارج العربية
انا اتجننت وسبت العربية دايرة وسط النفق ونزلت ادور على الظرف. كان فيه هواء شديد جدا داخل النفق ومش عارف اتجاه الهواء رايح ولا راجع المهم رجعت حاولي 100 متر للخلف وعمال اسأل الناس محدش شاف ظرف طاير والناس فاكرانى ؟؟؟؟ المهم مالقتش حاجة رجعت العربية وقلت يمكن الظرف طار للأمام ومشيت بالعربية مالقتش حاجة برضه لاقيت رصيف داخل لجوة في النفق قمت راكن فية ونزلت ادور تاني برضة مالقتش حاجة
رجعت العربية وانا موش عارف اعمل ايه وبفكر لو حد لقي الشيكات وراح صرفها ومعرفش ايه اللى خلاني افتح الباب اللى بجوار كرسي السائق واذا بالشيكات بدون الظرف محشورين بين الكرسي اللي بجوار السائق و الباب. طبعا انا طرت من الفرحة ومابقتش عارف هما جم هنا ازاي وازاي اصلا خرجوا من الظرف وحمدت ربنا وشكرته
خلاصة الموضوع لو داخل نفق الأزهر اقفل الشبابيك أو متحطش حاجة مهمة داخل العربية

مع احترامى الشديد لحضرتك بس حضرتك غلطان و عموما الحمد لله
انا عادتا حاطط شوية نقط و انا سايق بعملها
1- الاربع بيبان يبقو مقفولين
2- الزجاج المفتوح بتاعى بس " اللى جنب السائق " و حتة صغيرة
3- مبقفش لحد فى حتة مقطوعة او فى الضلمة
4-لو كنت فى حتة مقطوعة و واحد راح جى يقف ادامى بصراحة انا حشيلو و ربنا يتولاه " انا عارف ان النقطة دى حضايق منى كل الاعضاء بس انا مجرب"

**aif** · 13-07-2009 08:44 PM

انا من زمااان وانا بأقفل الزجاج في النفق وكمان الهوايات .... لكن بسبب التلوث الشديد النتاج من عادم السيارا وسوء التهوية ... خصوصا لو المرور واقف في النفق وقت الذروة ...
خلي بالكن يا جماعة ..... الهواء في النفق يكاد يكون مسمم من كترة العادم