يا جماعة عاوز اقول حاجة مهمة .. مفهوم او بمعنى اصح تكنولوجيا الاتوماتيك دلوقتى مش ذى زمان يعنى الاتوماتيك دلوقتى قريب جداً من المانيوال بالعكس لما يكون عندك اتوماتيك فانت بتجمع بين الاتنين و العكس غير صحيح ..
الاتوماتيك مريح جداً فى الزحمة و لما تحب تسوق بطريقة المانيوال تقدر تغير نمط السواقة بدون متاعب و مش قصدى نظام التيب ترونيك لأ اى جير اتوماتيك حديث لما تكون ماشى بعجلة منتظمة و عاوز تشد و تدى العربية عزم بتضغط على دواسة البنزين للاخر يقوم الجير ينقل للسرعة الاقل و يديلك العزم اللى محتاجه حسب قوة المحرك و مش حينقل للغيار التالى الا لو رفعت رجلك شوية عن دواسة البنزين او يوصل الـ RPM للحد الاقصى المسموح بيه ايهما اقرب يعنى بكدا تقدر تتحكم فى الغيارات ..
لكن الفرق الوحيد اللى نقدر نوضحه للزميل اللى بيسأل هو ان جير الاتوماتيك ذيه ذى العادى فى الصيانة و الاصلاح لكنه مكلف اكتر شوية لانه بيعتمد على حساسات و كروت عكس العادى
على فكرة كلامى من واقع تجارب واقعية
السواقة فى بلدنا لازم تكون اتوماتيك.