انا عندى تكييف شارب معطل من 10 ايام و اتصلت بالصيانة عشرات المرات بدون اى اهتمام .
ارشح لكم lg للاسف لم يكن متوفر اثناء فترة شرائى .
Lg عن تجربة عند اخى من 8 سنوات و بدون اى اعطال ماشاء الله .
محمد
عرض للطباعة
انا عندى تكييف شارب معطل من 10 ايام و اتصلت بالصيانة عشرات المرات بدون اى اهتمام .
ارشح لكم lg للاسف لم يكن متوفر اثناء فترة شرائى .
Lg عن تجربة عند اخى من 8 سنوات و بدون اى اعطال ماشاء الله .
محمد
يا جماعة أنا أعتقد .. وده م كلام ناس شغالة في مجال التكييفات وعندها خبرة كبيرة جداً في المواضيع دي .. معظم التكييفات اللي هي أقل من 2 حصان بيكون الكباس بتاعها صيني .. في كل الماركات .
وبالنسبة لموضوع ضبط حرارة التكييف أعتقد أن ضبطه على 24 أو 25 ده كويس جداً للأسباب اللي ذكرت في توفير الكهرباء .. وكمان علشان ميبقاش الجو بارد بشكل مضر ... وفيه نقطه تانية مهمة برضه أحب أقولها هي سرعة المروحة في التكييف .. كل ما تكون قليلة بتدي تبريد أشد .. وده بيرجع أنه سرعة المروحة كل ما تزيد مبتديش التكييف فرصة أنه يجمع برودة (صقيع) في السربنتنه بتاعة التكييف وتضيع البرودة أول بأول ويطلع الهواء مش باردة بالشكل المطلوب .. وكل ما قللت سرعة المروحة بيحصل العكس .. والكلام ده عن تجربة شخصية .
أما بالنسبة للروائح اللي ممكن تطلع من التكييف فده بيكون راجع لعيب في التركيب .. لأن الوحدة الداخلية المفروض تكون راكبة بميل خفيف (مش ملحوظ)علشان بيكون فيه حاجة كدة زي الحوض لتجميع المياه المتكثفة لتصريفها من خرطوم الفايظ .. ولو الميل ده مش معمول بشكل كويس بيسمح بتجمع المياه جوة الحوض ده وبقائه فيها .. فبيخلي المياه تعطن وتطلع ريحة عند تشغيل التكييف .. وكمان منغفلش تنظيف الفلاتر
وفيه نوع كمان اعتقد أنه من أحسن التكييفات في العالم مش في مصر بس وهو تكييف ترين .. وده كله أمريكي بالكامل .. ومتقفل في أمريكا .. بس سعره أوفر قوي .
أنا عندي تكييف يونيون أير 3 حصان بقالة حوالي 5 سنوات .. و2 تكييف أمريكول 1.5 حصان مكملوش سنة .
انا عندى تكييف شارب شباك 2وربع حصان من 3 سنين عمل مشكلة معايا من شهرين بس مكنش فى اى تبرييد الراجل بتاع الصيانه فك التكييف كله وحطه فى البانيو وفتح الخارطوم عليه والتكيف اخد دش محترم وبقى شغال ذى الفل
بس اول مرة اشوف حد ينظف تكييف بالطريقة دى , الراجل قال لازم كل فترة الكمبوريسور يتنظف كل فترة !!!!!!!!
فعلا هي دي الطريقة اللي بتوع الصيانه بينضفوا بيها التكييف الشباك , بيتفك و بيتحط في البانيو
بس ما شاء الله , الموضوع بقى موسوعه في أنواع التكيفات اللي في مصر
مستني رأي المزيد من الأعضاء عن تكيفاتهم , عشان اللي عايز يشتري يستفيد من كل التجارب دي
أنا برضه ناوي أجيب شارب إسبيلت 3 حصان
وبشتري من واحد جاري شغال في التكييفات وعنده شركة بيع وتركيب
أنا عندي شارب شباك 2.25 حصان وممتاز ولله الحمد
بالنسبة للمواسير الخاصة بالتكييف الإسبيليت كلما زاد طولها كلما زدنا من حجم التكييف لتعويض الفاقد
حاول أن لا تزيد المسافة حتى لا تتضطر لتركيب تكييف أكبر
وعموماً الحصان بيكيف حوالي 8 متر مربع
لكن لو دور فوقه السطح مباشرة بدون عزل يبقى الحصان يكيف حوالي 5 متر مربع بالكتير
وطبعا بتفرق من غرفة الشمس ضارباها طول النهار لغرفة في الظل أغلب النهار
بخصوص lg هو جديد وأنا معرفش عنه أي حاجة
لكن وقت الشراء بسأل جاري وهو بيشور عليا في الأفضل لأنه شغال في كل الأنواع تقريباً
كلام حضرتك سليم مع تعليق بسيط
حضرتك تقصد فتحة التهوية الصغيرة التي بأحد جوانب التكييف الشباك التي لو فتحتها فإنها تقوم بإدخال نسبة بسيطة من الهواء الظازج من الخارج
لكن بالنسبة للتكييف الإسبليت فليس فيه هذه الخاصية
ولكن ملحوقة
إزاي ؟؟
نقوم بفتح جزء بسيط من الشباك لفترة بسيطة مثلا خمس دقائق لتجديد الهواء ثم نغلقه مرة أخرى
بمعنى إن العملية محصلة بعضها والإسبليت يمتاز بالهدوء وجودة توزيع الهواء والبعد عن التكسير في الجدار والشكل جمالي أكثر
أصنع صورتك الكرتونية
http://create-avatar.m5zn.com/
موضوع جامد واستفدت منه كتيييييييير
حد يعرف حاجة عن الكترولوكس ؟؟!
carrier سبليت تلاجة عن تجربة 3 حصان وبيغطي مساحة مش قليلة