الموضوع: الناس خلاص بقي معندهاش اي دم....

المشاركة الأصلية كتبت بواسطة mohammed magdy

اكيد طبعآ لازم تمسك نفسك دا اللانسر مكملتش معاك سنتين هتبهدلها
طب لو حد فيكم فى فرح اخوه مثلا مش هيعمل اكتر من كده فى الشارع اكيد هيعمل لانه بيزف اخوه او اختوه
وبعدين دى عاده من قديم الازل مش هيجى واحد اواتنين او 100فرد يغيرو العاده دى
يبقى الحل الوحيد طبعآ من غير منشتم بالكلاكسات ولا الاشارات ولا نلبس الناس لان محدش يعرف تقريبآ يلبس حد نقول الف مبروك ونمشى ولو وقف بالعرض اكيد مش هيكمل 5دقائق لانه وراه مواعيد صح

ده اللي مضيع البلد .......... مقولة أصل أنت مش هاتغير الناس ........ هي الناس أخدت على كده ....... الخ
لو كل واحد عمل الصح قدر الإمكان لكان حال البلد ما كان
يا رب أهدي الناس ............ و لو أن لا يغير الله ما بقوم حتى يغيروا ما بأنفسهم :roll: :roll: :roll:

من السلوكيات السيئة و الغبية فى بلدنا و يا ريت الناس تتعلم تحترم نفسها و تحترم الآخرين يعنى بنشوف زفة ما شية أمام سرادق عزاء و لا كأنهم شايفينه ده غير الإزعاج الشدي بالكلاكسات حاجة مخزنه ده غير الحركات الغبية و المفاجئة اللى ممكن تنتهى بجوادث كبيرة و ينقلب الفرح لعزا و لو كلمت حد و قلتله عيب ما يصحش كده و أعطوا الطريق حقها تلاقى ألف واحد عديمى الأدب يردوا عليك و تلاقى ناس تقولك يعنى ما نفرحش طب ما تفرح لوحدك مع نفسك ليه تفرض ده علينا معاك للأسف دى سلوكيات سيئة و مش هاتتغير بسهولة لأنها تراكمات سنين طويلة إبتعد فيها الناس عن الأخلاق و أصبح السائد هو العرف و التقاليد حتى لو كانت أعراف و تقاليد مغلوطة :shock:
و لنا الله

طبعا لو في فرح مش هعمل كده.....اومال انا فاتح الموضوع ده و مستاء منه ....
يبقي هعماوا ازاي......
و تقولي يوقف بالعرض 5 دقايق :? انا بقي بقولك و اقف يجي نص ساعه او ساعه الاربع...
غير انهم ناس بجد معندهمش اي ادني من الاحترام لأنهم قاصدين يوقفوا الشارع و ماشيين بالعرض ......
و مافيش حاجه اسمها الناس اتعودت علي كده ولا احنا مش هنغير الناس....
لو هما اتعودوا علي كده و فاكرين نفسهم محدش يعرف يغير طريقتهم ....يبقي كده غلط اوي
لأني ممكن اقلبهلهم احلي كارثه بدل الفرح ده و البسهم بجد في بعض....
لأني بجد لما احب استغبي هستغي صح......اقل حاجه ممكن ازنق علي اي حد منهم و هتلاقيهم كلهم لابسين في بعض.....

الطريق ملكية عامة و من الغباء اعتبار تعطيله بشكل متعمد يعبر عن الفرح

ببساطة اللى بيعملوا كدا بيبقى الدافع بتاعهم هو ان "يا عريس و يا عروسة انتوا من غلاوتكوا في ليلة فرحكوا الكل يولع - الطريق يقف - الشارع كله ماينمش مالهيصه والسماعات - اصل احنا جدعان اوي"

:roll: :roll:

في اقتراح جامد...ممكن كرتونه بيض صغيره من كارفور اللي ليها غطي وتحتفظ بيها في العربية حد يضايقك او زفة ترميها علي البربريز واللي سايق هيدعي علي العريس واليوم اللي زفه فيه :twisted: :twisted: :twisted: :twisted:

المشاركة الأصلية كتبت بواسطة محمدايهاب

بصراحة خلينا نتكلم بالعقل أنا متأكد إن معظم أصحاب الردود إما إنهم شاركوا في زفة أو إن أهلهم شاركوا في زفة
أنا مش بقول أن ده تصرف صح بالعكس ده تصرف مزعج جدا و انا عن نفسي شاركت في 10 زفات على الأقل سواء سايق أو متفرج و لكن أما بشوف زفة أولا بفرح و ممكن كمان أزمر زمرتين و أشغل ( أغنية سعد الصغير بتاعت الجواز) بس أما الوضع يبقى قلة أدب و الطريق يقف و الناس تأخذ الشارع كأنه شارع أبوهم بتعصب و زعق و اتخانق
مرة دعيت على زفة لقيت بعد 100 متر أن عربية من العربيات بتاعت الزفة خبطت اتوبيس نقل عام و نزلوا يتخنقوا مع الراجل راح نزل الناس من الأونوبيس و اتخنقوا مع أهل العرسان بس الحمد لله الشرطة جت بسرعة ( كان أمام المنصة) و الموضوع اتفض

بالظبط...أنت حر ما لم تضر

إنما الواحد يعطل مصالح الناس وممكن يتسبب في كوارث من غير ما يدرى تجلب عليه لعنات الناس بدل ما يدعوله ربنا يباركله.