فين البرسونا ؟؟؟؟؟؟؟؟؟

**theghost007** · 13-07-2009 02:36 PM

السلام عليكم ........

دلوقتي يا جماعة ان حاجز برسونا هاف اوبشن اوتوماتيك من ما يقرب من شهر لون باذنجاني و كل كام يوم اكلم الاستاذ المسئول في فرع مدينة نصر يقولي لسه لاكتر من سبب مختلف اخرها ان اللون لسة مخرجش من المخازن......

انا مش عارف اسال مين و لا الغي الحجز و اريح نفسي من وجع الدماغ ده ........لما الناس كانت بتشتكي انها لسه مستلمتش عالمنتدي كنت بقول عادي انا زي الناس........لكن دلوقتي ما شاء الله ناس كتير استلمت و انا مش عارف اكلم مين يقولي معلومة موثوق منها ...... و لا القصة دي كمان محتاجة واسطة و معرفة زي اي حاجة في بلدنا

شكرا لاهتمامكم و مجهودكم عالمنتدي

**Ayman_52** · 13-07-2009 03:30 PM

وعليكم السلام ورحمة الله وبركاته

حضرتك حاجز مع مين ؟؟؟؟

وحاجز قسط ولا كاش ..؟؟؟

وان شاء الله هتستلم قريب بإذن الله

تحيــــــــــــــــــــــ اتــــــــــــــــى

**theghost007** · 13-07-2009 04:06 PM

انا حاجز مع استاذ وجدي ........

كاش ان شاء الله

**Ayman_52** · 13-07-2009 04:35 PM

وجـــــدى ... قولتلى !!!!!!!!!!!!!!!!!!!

طب وحضرتك متفق معاه على تخفيض اد ايه ؟؟؟؟

ولو عاوز ممكن اخليك تستلم خلال يومين تلاته بالكتير ... بس هتفك من -وجدى-

لان وجدى مجربه وعارفه كويـــــــــــس جدا

**theghost007** · 13-07-2009 07:58 PM

هو كان قاللي انها اخرها 83000 - دفعت منهم الف الحجز طبعا - الميزة في فرع مدينة نصر بالنسبة لي انه جنب البيت مش اكتر

و لو على استاذ وجدي انا هكلمه اشوف اخره ايه و ارد على حضرتك على طووول

هو العربيه فعلا موجودة و ورقها كامل ؟؟؟؟

بجد الف شكر ليك يا باشا علي كل اللي بتعمله عشاننا

**Ayman_52** · 13-07-2009 09:31 PM

المشاركة الأصلية كتبت بواسطة theghost007

هو كان قاللي انها اخرها 83000 - دفعت منهم الف الحجز طبعا - الميزة في فرع مدينة نصر بالنسبة لي انه جنب البيت مش اكتر

و لو على استاذ وجدي انا هكلمه اشوف اخره ايه و ارد على حضرتك على طووول

هو العربيه فعلا موجودة و ورقها كامل ؟؟؟؟

بجد الف شكر ليك يا باشا علي كل اللي بتعمله عشاننا

هى اظن ان البيرسونا الهاف اوبشن بــ 86,000

يعنى هو نزلك 3000 حلو

----

شوف ياباشا ... وانت بتكلمه تقوله ان العربيه ممكن تجيلك فى يومين ولو هو ماجابهاش قبل اليومين دول ... انت هتتصرف

وقوله انك من -نايل موتورز-

... وهو هيتضبط

----

نصيحه :-

لو مش هتفرق معاك الــ 5000 ... خليك فى البيرسونا الكامله ... لان الفرق بين الهاف والكامله فى الاوبشن كتير جدا

على سبيل المثال :-

1- الــ Abs & ebd

2- ريموت المفتاح

3- السنسور بارك

4- المالتى فانكشن

5- الفوجات الاماميه

6- الجنط

7- جهاز الانذار

8- الكاسيت اوديو بس

9- فيها 2ازاز كهربا بس

اظن بس كده

ولو حبيت تجيب اللى مش موجود عندك هتدفع اكتر من اللى هتوفره دلوقتى

واسال مجرب (ا/اسامه & محب)

وان شاء الله تستلم على خير

تحيـــــــــــــــــــــا تـــــــــــــى

**Osama.shihata** · 13-07-2009 10:34 PM

ايمن باشا و استاذ
theghost007
86000 يعنى فول ابشن مانيول مش هاف
الهاف اوبشن من غير خصم ب 80000 جم
اى خدمة

**Ayman_52** · 14-07-2009 12:09 AM

المشاركة الأصلية كتبت بواسطة amecath

ايمن باشا و استاذ
theghost007
86000 يعنى فول ابشن مانيول مش هاف
الهاف اوبشن من غير خصم ب 80000 جم
اى خدمة

هو استاذ / theghost007 .... بيتكلم عن البيرسونا الاوتو الهاف اوبشن مش المانيوال .

وايه راى حضرتك بعد ماشتريت العربيه .... هل تفضل الواحد يجيب هاف اوبشن ولا كامله

تحيــــــــــــــــــــــ ـاتــــى ا/اســـامــــه

**mby** · 14-07-2009 01:43 AM

المشاركة الأصلية كتبت بواسطة ayman_52

هو استاذ / theghost007 .... بيتكلم عن البيرسونا الاوتو الهاف اوبشن مش المانيوال .

وايه راى حضرتك بعد ماشتريت العربيه .... هل تفضل الواحد يجيب هاف اوبشن ولا كامله

تحيــــــــــــــــــــــ ـاتــــى ا/اســـامــــه

الكامله احسن كتير جدا عن تجربه كفايه فرق الفرامل والسنسور يساوي كتير
كلام ا/ ايمن مضبوط لو مش هاتفرق معاك 6000 جنيه مش 5000 جنيه يبقي الكامله احسن
الكامله 92000-3000 خصم = 89000 -83000 = الفرق 6000 جنيه
الا اذا كان هناك تخفيض اضافي من اللي ايمن بيقدر يحصل عليه لاعضاء المنتدي

**Osama.shihata** · 14-07-2009 03:06 AM

المشاركة الأصلية كتبت بواسطة Ayman_52

هو استاذ / theghost007 .... بيتكلم عن البيرسونا الاوتو الهاف اوبشن مش المانيوال .

وايه راى حضرتك بعد ماشتريت العربيه .... هل تفضل الواحد يجيب هاف اوبشن ولا كامله

تحيــــــــــــــــــــــ ـاتــــى ا/اســـامــــه

صحيح كلامك يا ايمن انا مشفتش كلمة اتوماتيك غير دلوقتى وكدة توضيحك سليم 100%

وبالنسبة لهاف اوبشنز ولا ابشن كاملة

ابشن كاملة طبعاً لسبب واحد هام جدا جدا جدا جدا جدا جدا للصبح

هو فرامل ال ABS ودى معناها مانع الانغلاق يعنى ال ABS مبيخليش العجل يوقف فجاة ويمنع انها تزحف على الاسفلت ودى اكبر ميزة فى الابشنز الكاملة لان العربية مغرية وفى السرعات ممكن يطلعلك اى حاجة فجأة وسعتها الفرامل ال abs بيكون ادائها افضل بكثييييييييييييييييييييير من الفرامل العادية
وده عن تجربة .

بس طبعا انا مش ندمان على الهاف ابشنز هى عربية مستواها راقى فى الاداء لانى كنت سأل الناس وعامل استخارة وعلى اى حال ربنا الحافظ

اما باقى الابشنز الى مش موجودة فى الهاف بالضافة للفرامل ال ABS:
1- كاسيت ام بى ثرى.
2- كرسى متحرك الى الاعلى والى الاسفل.
3- سنسور ركن.
4- ملتى فنكشن فى الدركسيون.
5- تعديل مستوى اضاءة نور التابلوه.
6- فوج امامى.
7-عدد 4 سماعات مش 2 .
8-عدد 2 سنادة راس للكنبة الخلفية.
9-مرايا كهرباء يمين وشمال .
10-عدد 4 زجاج كهرباء.
11-جنوط اسبور.

الموضوع: فين البرسونا ؟؟؟؟؟؟؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

سى دى بلاوبونكت البرسونا

البرسونا انتشريت

هى البرسونا نحس ولا ايه ؟؟

البرسونا المنيوال

البرسونا ولا الجين 2

الكلمات الدلالية لهذا الموضوع

المفضلات

المفضلات

ضوابط المشاركة