مروحة التكييف الداخلية

**abdelmessih67** · 13-07-2009 03:12 PM

الاخوة الافاضل

التكييف عندي شحنته و كان شغال كويس مش بطال و لكن أحيانا أدوس على زرار التشغيل اسمع تكة أن الكمبرسور شغال و بأسمع صوت المروحة الامامية اللي على الرادياتير و سربنتينة الفريون في صدر العربية شغالة لكن ما بألاقيش أي هواء داخل للكابينة و أحيانا أخرى بيكون الهواء اللي داخل الكابينة ضعيف و أحيانا قوي .

أنا شاكك ان فيه حاجة مش مضبوطة في المروحة الداخلية اللي جوه التابلوه لانها المسئولة حسب معلوماتي عن دفع الهواء الى داخل الكابينة بعد مروره على سربنتينة الفريون اللي جوه التابلوه فهل شكي في محله أم ان هناك سبب آخر لتوقف الهواء أحيانا رغم ان التكييف بيبقى شغال ؟؟؟؟؟؟؟؟؟؟؟؟؟؟

النقطة الثانية هل المروحة الداخلية بتاعة التابلوه لو عطلت بتتغير كلها و الا ممكن يكون توصيلة أو فيوز أو مقاومة هي السبب في ذلك و لو كانت المروحة محتاجة تغيير تعمل في حدود كام .

السيارة فيات تمبرا مو 1998 , شكرا لتعبكم مقدما

**M.FOUAD** · 13-07-2009 04:56 PM

ممكن يكون فيوز المروحة اتحرق بتحصل كثير في الحر دة

**samirayad** · 13-07-2009 05:06 PM

أنا شاكك ان فيه حاجة مش مضبوطة في المروحة الداخلية اللي جوه التابلوه لانها المسئولة حسب معلوماتي عن دفع الهواء الى داخل الكابينة بعد مروره على سربنتينة الفريون اللي جوه التابلوه فهل شكي في محله

نعم شكك فى محله ...........وأنا شاكك أن المروحه تمام ولكن العيب فى مفتاح التحكم فى سرعات المروحه .............

**dr_walid** · 13-07-2009 05:46 PM

المشاركة الأصلية كتبت بواسطة nour87

ممكن يكون فيوز المروحة اتحرق بتحصل كثير في الحر دة

طيب انا عندى الفيوز بيسيح
ياترى لية السبب

**toto_sh** · 13-07-2009 06:46 PM

الرأي الثاني هوه الصواب المفتاح المتحكم في درجة سرعة المروحة هوه السبب
وعلى فكرة سهله اي كهربائي ممكن يعملهالك

**abdelmessih67** · 14-07-2009 10:45 AM

شكرا لكافة الاخوة المشاركين توتو و نور و الدكتور وليد و خاصة استاذنا المهندس سمير عياد

المشاركة الأصلية كتبت بواسطة samirayad

نعم شكك فى محله ...........وأنا شاكك أن المروحه تمام ولكن العيب فى مفتاح التحكم فى سرعات المروحه .............

شكرا مرة ثانية يا باشمهندس سمير و لكن هل عيب الزرار هذا يستلزم تغيير لوحة مفاتيح التكييف كلها أم مجرد حاجة في الزرار ؟؟؟؟؟؟ علما ان التكييف عندي تاتش بزراير و ليس بكرة و طبعا لوحة زراير التكييف بتاعة التمبرا غالية جدا و الاستيراد منها بيعمل في حدود 300 جنيه على الاقل .

شكرا لك مرة اخرى

**samirayad** · 14-07-2009 04:01 PM

و لكن هل عيب الزرار هذا يستلزم تغيير لوحة مفاتيح التكييف كلها أم مجرد حاجة في الزرار ؟؟؟؟؟؟

لا .....المقصود هو معرفة الخلل فى مفتاح أو زرار التحكم فى سرعة المروحه .....أما باقى عناصر لوحة مفاتيح التكييف ملناش دخل بيها ...........المشكله فى عملية التحكم فى سرعة المروحه

علما ان التكييف عندي تاتش بزراير و ليس بكرة

تاتش يعنى نظام push puttom يعمة زرار ضغط .......والحقيقه عندنا فى عائلة الدايو التحكم فى السرعه من خلال بكره لأختيار أربع سرعات للمروحه ( حسب رغبة قائد السياره ) سرعه أولى وتانيه وهكذا ....والسؤال حيتحول لحضرتك .....كيف يتم التحكم فى سرعة المروحه عندك .......هل هناك أكتر من push puttom (أربع زراير للمروحه مثلا أو ثلاثه ) حسب عدد السرعات عندك ..........هو ده اللى أنا مش عارفه .....أى أن العيب عندك فى آلية التحكم فى سرعات المروحه وده بيتوقف على تصميم عملية التحكم فى السرعه ............يعنى من الآخر بتغير سرعات المروحه عندك أزاى مع الزرار التاتش............ولا هى سرعه واحده وأنا أعتقد أنها أكثر من سرعه ....وأنا أستندت لهذا الكلام فى وجود أكتر من سرعه عندك

لكن ما بألاقيش أي هواء داخل للكابينة و أحيانا أخرى بيكون الهواء اللي داخل الكابينة ضعيف و أحيانا قوي .

**abdelmessih67** · 15-07-2009 10:13 AM

المشاركة الأصلية كتبت بواسطة samirayad

هل هناك أكتر من push puttom (أربع زراير للمروحه مثلا أو ثلاثه ) حسب عدد السرعات عندك ..........هو ده اللى أنا مش عارفه .....أى أن العيب عندك فى آلية التحكم فى سرعات المروحه وده بيتوقف على تصميم عملية التحكم فى السرعه ............يعنى من الآخر بتغير سرعات المروحه عندك أزاى مع الزرار التاتش............ولا هى سرعه واحده وأنا أعتقد أنها أكثر من سرعه ....وأنا أستندت لهذا الكلام فى وجود أكتر من سرعه عندك

الف شكر يا باشمهندس سمير على الاهتمام و المتابعة , في التمبرا ذات التكييف التاتش بيكون في زرار واحد عريض فقط للتحكم في سرعة المروحة و محفور عليه سهمان واحد يمين و الثاني شمال لما أدوس على الناحية الشمال من الزرار
تقل سرعة مروحة الهواء الداخلية و لما أدوس على الناحية اليمين من الزرار يحدث العكس .

**samirayad** · 15-07-2009 10:16 PM

الف شكر يا باشمهندس سمير على الاهتمام و المتابعة

ياباشا لا شكر على واجب .....وكلنا هنا أخوات وتحت أمر بعضنا

و محفور عليه سهمان واحد يمين و الثاني شمال لما أدوس على الناحية الشمال من الزرار
تقل سرعة مروحة الهواء الداخلية و لما أدوس على الناحية اليمين من الزرار يحدث العكس .

يبقى كده المروحه سرعتين ............وهو ده اللى فيه العيب ...........جرب كده تروح لكهربائى ....يحله عن بانل أو لوحة التحكم فى التكييف .....ويجرب العمل بتوصيلات مباشره بعد ألغاءه مؤقتا علشان تتأكد منه الأول ......ولو أننى عندى قناعه بأنه هو السبب بنسبه كبيره جدا ....