السلام عليكم و رحمة الله و بركاته...
أولا كل سنة و حضرتك طيب....
ثانيا بالنسبة للعربية...
فعلى قد معلوماتى اللى جمعتها و انا بجيب العربية بتاعتى
فأقدر أقولك أن أهم حاجة فى العربية اللى معروضة على حضرتك
انك تتصل بالتوكيل و تسأل عن امكانية صيانة العربية اللى بالمواصفات دى
و هل قطع غيارها متوفرة عندهم و لا لأ
لأن لو طلع التوكيل مش هيعمل صيانة للعربية دى يبقى حضرتك تبعد عنها فورا
لأن البرستيج الموتور بتاعها كله شغال بالكمبيوتر و هى انجيكشن مش كاربيراتير
و بالتالى لازم التوكيل هو اللى يعمل صيانة الحاجات دى لو عطلت مش اى ميكانيكى
دى الحاجات المهمة انما العفشة و الحاجات التانية اى حد يعملها
ثانيا بأه بالنسبة للسعر...هى بصراحة كده غالية اوى
يعنى أنضف بيجو 405 (بس كانت 1600 مش برستيج و كانت مو 2005 و عاملة 40 الف كيلو متر) و كان طالب فيها قبل الفصال 73000جنيه
و كانت 2005 مش 1995
و بالتالى حضرتك ممكن تتكلم معاه من 65000 الف و انت و شطارتك
برده فى حاجة كمان
لو اتفقتوا على السعر لازم لازم لازم تودى العربية التوكيل يعملوا ليها فحص شامل بيتكلف حوالى 165 جنيه و لازم يعملوا معاه كبسي موتور لأنهم ساعات بيطنشوا على الحكاية دى
هو العداد بتاعها عامل كام الف كيلومتر؟؟
المفضلات