واحد زميلى عندة لانوس اتومتك قولتلة على تنظيف الايديل لاكن مكنتش عارف اقولة اية بخصوص الايدل ليرن عشان عربيتة اتومتك بس قولتلة يعملها زى ما بتتعمل فى العربيات المانيول ولا كدة غلط ياريت حد يفدنى .
عرض للطباعة
واحد زميلى عندة لانوس اتومتك قولتلة على تنظيف الايديل لاكن مكنتش عارف اقولة اية بخصوص الايدل ليرن عشان عربيتة اتومتك بس قولتلة يعملها زى ما بتتعمل فى العربيات المانيول ولا كدة غلط ياريت حد يفدنى .
نفس الطريقة
اقتباس:
طريقة أعادة تنشيط ذاكرة وحدة التحكم تجاه سرعة السلانسيه idle learn procedure
-بعد فصل البطاريه لعمل صيانه معينه بالسياره أو بعد رفع وحدة التحكم من مكانها بهدف الكشف عليها وخلافه أو عند تغيير فيوز الأمداد العمومى يلزم عمل الآتى لتنشيط ذاكرة وحدة التحكم......................بعد عمل جميع التوصيلات المطلوبه وتجهيز منظومة السياره للعمل نفذ الخطوات التاليه1- أفتح الكونتاكت لمده 5 ثوانى2-أغلق الكونتاكت لمدة 10 ثوانى3-أفتح الكونتاكت لمده 5 ثوانى مره ثانيه ...وبعدها شغل المحرك على السلانسيه4-أترك المحرك للتسخين حتى الوصول لأقصى درجة حراره ممكنه (لحد ماتعمل مراوح تهوية الردياتير).....تقريبا درجة الحراره فى هذه الأثناء بتصل الى 85 درجه مئويه 5- شغل التكييف (أن وجد) لمدة 10 ثوانى6-أفصل التكييف(ان وجد) لمدة 10 ثوانىوأذا كانت السياره مزوده بناقل حركه أوتوماتيكى (فتيس أوتوماتيك).......أفعل الآتى1-أرفع فرامل اليد....وأثناء الضغط على دواسة الفرامل ضع زراع التعشيق للفتيس على الوضع d
2-شغل التكييف لمدة 10 ثوانى3-أفصل التكييف لمدة 10 ثوانى
يراعى فقط الجزئيه اللى باللون البنى لكى يحصل على كفاءه عاليه فى التنفيذ....بدلا من رقم 5& 6 فى الفتيس المانيوال
انا كدة اتلخبط يا استاذ سمير اللى انت كاتبة دة مش الايدل ليرن اللى مكتوب فى المواضيع المثبتة الموضوع كدة مختلف تماما يا ريت التوضيح وهل دى طريقة تانية
دى طريقة الأيدل ليرن من واقع كتالوج الدايو ......يا أبو حميد
يعنى الطريقة اللى موجودة فى الموضوع المثبت دى غلط طلما دى من الكتالوج بتاع الدايو
4-أترك المحرك للتسخين حتى الوصول لأقصى درجة حراره ممكنه (لحد ماتعمل مراوح تهوية الردياتير).....تقريبا درجة الحراره فى هذه الأثناء بتصل الى 85 درجه مئويه
الخطوة دى بتأخذ وقت كبير عند زميلى اللى عندة العربية الاتومتك فضلنا مشغلين العربية وفتحين الكبوت لحد لما مراوح التهوية للرداتير تشتغل العربية قعدت حوالى 10 دقائق لحد لما مراوح الرداتير اشتغلت ولما سألتة هى العربية بتأخذ وقت كبير كدة لية لحد لما تسخن قالى ماعرفش فتوقعت ان العربية متشال منها ثرموثتات الكوعة عشان كدة العربية بتسخن بصعوبة فهل كدة مينفعش يتعمل ايديل ليرن للعربية دى
يا أبو حميد ....الطريقه اللى قولتهالك هى الصح ومن كتالوج الدايو .....اقتباس:
يعنى الطريقة اللى موجودة فى الموضوع المثبت دى غلط طلما دى من الكتالوج بتاع الدايو
أنا قربتها ل85 زى ماهو مكتوب فى الكتالوج..........وخللى بالك برضه الثرموثتات بيفتح عندنا عند 87 درجه (على ما أتذكر ).....وبتبدأ المراوح تشتغل عند 93 درجه ( طبعا لما تكون لسه ماشغلتش التكييف ) يعنى بدون تكييفاقتباس:
-أترك المحرك للتسخين حتى الوصول لأقصى درجة حراره ممكنه (لحد ماتعمل مراوح تهوية الردياتير).....تقريبا درجة الحراره فى هذه الأثناء بتصل الى 85 درجه مئويه
أعتقد أن الثرموثتات موجود عنده ....ومش منشال ولا حاجه ......والا كان من الممكن المكنه ماترفع حراره بعد الزمن ده (لأنه مش كبير برضه .......وتقريبا أنا بأخد الوقت ده على ما المراوح تشتغل ) ولو الثرموثتات كان مش موجود .....كان ممكن ماتشوفش المراوح شغاله اساسا .....لأن الردياتير حياخد الميه من أولها .....والدوره حتكون مفتوحه على طول من أول مايدور المكنهاقتباس:
فضلنا مشغلين العربية وفتحين الكبوت لحد لما مراوح التهوية للرداتير تشتغل العربية قعدت حوالى 10 دقائق لحد لما مراوح الرداتير اشتغلت ولما سألتة هى العربية بتأخذ وقت كبير كدة لية لحد لما تسخن قالى ماعرفش فتوقعت ان العربية متشال منها ثرموثتات الكوعة عشان كدة العربية بتسخن بصعوبة
أعمل ياباشا وتوكل على الله .....أذاكانت المراوح أشتغلت (يعنى الحراره وصلت ل93 بدون تكييف ).....يعنى حراره تشغيليه تماماقتباس:
فهل كدة مينفعش يتعمل ايديل ليرن للعربية دى
خللى بس الخطوه رقم 2 ( 5 ثوان بدل عشره ) لأن فعلا حدث معى نسيان وكتبت الرقم غلط فعلا فى الموضوع الأساسى اللى أنا مقتبس منه الطريقه .............ولما راجعت الكتالوج لقيتها 5 مش عشره ..........والباقى كله سليم وميه ميه ......وأن حصلحها فعلا فى موضوعى بتاع بلف الأيدل فى التعليمى
خد ترجم ......أدى الطريقه من الكتالوج...............