ياريت يا جماعه نعرف مين الي في المنتديى ده عندو سريون 2007 علشان نعرف بعض لو حبينا نسال بعض على حاجه او خلافه
ياريت يا ابو عبد الله تدعم الموضوع ده
وانا هبدا بنفسي انا عندي سريون 2007 لونها فضي GL
تم تعديل العنوان للخطأ
الادارة
عرض للطباعة
ياريت يا جماعه نعرف مين الي في المنتديى ده عندو سريون 2007 علشان نعرف بعض لو حبينا نسال بعض على حاجه او خلافه
ياريت يا ابو عبد الله تدعم الموضوع ده
وانا هبدا بنفسي انا عندي سريون 2007 لونها فضي GL
تم تعديل العنوان للخطأ
الادارة
وانا كمان سيريون 2007 GLX سوداء
Sirion 2007 GLX Red
وأنا أيضا نسيت Sirion 2007 GLX Black
تحيــاتى
تم التعديل والدمج بمعرفتي
الأدارة
طيب يا جماعه انا عندي لما بعدي على عيون القطط وفاواصل الكباري بسرعه شويه بحس بيهم جامد والتابلون بيطلع صوت رجرجه كده هل ده عندي انا بس ولا عادي
دي بصراحه مش عندي خالص
ولكن هقولك ده ممكن ميكونشي من العربيه ذات نفسها ممكن يكون في حاجات في التابلوه وكل حاجه فيه بتتهز لما تعدي على عين القطه لأنها بتضرب العربيه جامد من تحت فبتعمل رجرجة
حاول تركز وتعرف الصوت جاي منين الاول
ملحوظة خارج الموضوع :-
أرجو من السادة المشرفين تعديل العنوان ليكون __ رابطة مالكي السيريون ___
شكرا
انا فكرت في كده برضو يا ابو عبد الله وفضيت التابلوه خالص مبقش فيه اي حاجه وبرضو في الصوت وقلتلهم عليه في التوكيل وللاسف معلموش في اي حاجه
طب الصوت ده ممكن تحدد مكانه
او هو صوت تزييق ولا حاجه بتشخشخ ولا ايه
لو ممكن تحدد يبقى افضل
وهل انت ركبت حاجه في التوكيل او خارج التوكيل جديده في العربيه
وهل ممكن يكون الصوت جاي من الكاسيت انت متهيألي الكاسيت عادي مش السي دي بتاع العربيه المدمج في التابلوه مش كده ؟
وانا برضه معاك ومع الصوت لحد مانوصل له
بس اظن والله اعلم انه شئ مش مقلق لأنه اكيد حاجه سايبه في التابلوه او في الكاسيت
لا يا باشا هو الصوت مش تزيق هو الصوت صوت حاجه بتررج كده فعلا كان في حاجه مش مربوطه كويس وهوا تقريبا الصوت جي من عند الدوسات من تحت
وانا مش قلقان منو هوا مش مقلق بس مضايقني لما بتبقى قافل الزجاج ومشغل التكيف بتبقى الدنيا هاديه جدا وبيجي الصوت ده يكدر عليك الهدوء ده فبضايق منو
وانا ركبت انزار في التوكيل بس الصوت من قبل ما اركب الانزار وغير كده مركبتش حاجه جديده وانا الكاست بتاعي العادي فعلا
بس اعتقد انو مربوط كويس لاني حاولت اهزو بايدي كده مبيتحركش خالص مربوط كويس
لما تروح التوكيل متمشيش لما يشوفولك المشكلة فين وخليك معلشي اعذرني رخم حبتين في الحاجات دي بعني سيبك من الكلام المعسل اللي هما بيقولوه ولا اكنك سامع ولا بتفهم كلامهم وخليك في هدفك انت اللي هو فيه صوت وفي مشكلة
وربنا معاك ان شاء الله
اوك ان احجزت معاد ديوم التلات الجي وهروح اشوف وان شاء الله خير وربنا يخليك يا باشا تعبتك معايا
احنا تحت امرك وابقى قول لأحمد عبد الوهاب مهندس الأستقبال انك تبع المنتدى وقوله ابو عبدالله بيسلم عليك وبيقولك حللي المشكلة دي أحسن تكتب عليها هنا في المنتدى ونعملها مشكله كبيره قوي وهي حتة مسمار في الاخر
وربنا معاك ان شاء الله
انا تيل الفرامل عندي بيعمل صوت غريب كده وقالولي في التوكيل ان التيل خلص هل ممكن تيل الفرامل يخلص بعد 12 الف كيلو بس ؟؟؟ :?:
انت اوتوماتيك وله عاده
ولكن 12 الف قليل عليه
انت بتضرب فرامل كتير ولا ايه
والله يا باشا مش اوي الفرامل العادي يعني الغريب كمان ان اول لما بتبقى العربيه بارده الصوت مش موجود لاكن لما بمشي بيها شويه يبدا يظهر الصوت
وكمان لما بمشي بيها شويه الجنوط الي قدام بتسخن اوي لدرجة انها بتلسعني لو لمستها ده عادي ولا لا وموضوع ان الجنوط بتسخن كده ده من اول لما جبتها مش من ساعة ما ظهر الصوت
مش عارف في ايه هل ده طبيعي ولا انا عندي مشاكل
انا اول لما جبت العربيه كان في صوت غريب من الفرامل بس الصوت كان جي من ورى ورحت في صيانة الخمسه قولتلهم على الصوت ده وصلحوه وقالولي ان احنا غيرنا تيل الفرامل علشان تيل الفرامل الي بيبقى جي فيها مبيتناسبش مع الجو هنا فبيعمل الصوت لاكن المرادي الصوت جي من قدام بس هوا تقريبا مش نفس الصوت لاكن الصوت مشابه
ولما كلمتهم في التلفون قالولي ان الصوت ده يبقى التيل خلص طيب ازاي لحق يخلص وهما مغيرينو في صيانة الخمسه ولا هما غيرو في صيانة الخمسه تيل الفرمل الي ورى بس
انا خايف يكون تيل الفرامل الي قدام كمان بايظ زي الي ورى الي غيروه على حسابهم بس المرادي يقولولي انو خلص علشان ميغيرهوش على حسابهم
انا على العموم حجزت معاد يوم الخميس الي جي يعني كمان اسبوع وهروح علشان موضوع الفرامل وعلشان صوت الشخشه الي في التابلوه ده وعلشان عندي شوية مشاكل كمان في الانزار الي ركبهولي
وعندي كمان حاجه غريبه لما بمشي على شارع مش مسفلت بسمع صوت خبط جامد مكتوب جي من ورى مش عارف برضو ده طبيعي ولا عندي انا بس ولا ايه الحكايه معلش طولت عليك يا باشا بس انا معرفش حد معاه العربيه غيرك فاستحملني بقه :)
اه وعلى فكره انا عادي مش اوتماتك وهل الموضوع ده بيفرق في الفرامل ؟؟
وسؤوال معلش بس احمد عب الوهاب ده ابو دقن المليان شويه ولا التاني
=========================
تم الدمج بواسطة الادرة
ممكن والله أعلم إن التيل أصلاً بيبقى قافش شوية وانت ماشياقتباس:
المشاركة الأصلية كتبت بواسطة hitham_sh
وهو دا إلي بيسخن الجنط وبيخلية يتاكل بسرعة
ايه يا ابو عبد الله انت عملت دمج وحلقتلي ومردتش عليا ليه :-)
الف شكر ليك يا GalaxyMan بس معتقدش ان الفرامل قافشه شويه لانها لو كانت كده كانت هتبان معايا في السرعه او في المنحدرات مثلا لاكن العربيه لو منحدر بسيط او بتتحرك والله اعلم
يا عم ومين قالك اني اللي عملت كده
اولا احمد عبد الوهاب مش ابو دقن المليان ده اسمه مهندس باهي
اما احمد وفهو التاني ابو شعر اصفر كده شويه ولابس نظاره
انا سألت عن التيل الأمامي في الأوتوماتيك طلع بيتغير في 20 الف
موضوع الجنوط بتسخن دي معرفشي الا لما اشوفها ولكن هو عموما ا اكيد الجنط بيسخن ولكن اكيد بنسبه معينه
وموضوع التيل انا فعلا عرفت ان في موديلين للتيل فتقريبا يعني انه الموضوع متعلق بجو اليابان وجو هنا
عالعموم روح وهما اكيد لن يبخلو انهم يعملو تغيير لأي شئ مش مظبوط لأن حضرتك عندك صيانه في الضمان لمدة 100 الف كيلو
فهما مش هيمشوا الموضوع وعارفين ان حضرتك امامك سنين وراهم هتقعدلهم طول هذه السنين تقرفهم
اكيد انت فاهم يعني
ولو احتجت اي شئ ابقى قولي
ومتزعلشي لأني مش بطنش حد
يا باشا انا بهزر معاك وانا مش زعلان ولا حاجه وانا عارف انك مبتطنش انا كل مره اسالك ترد عليا انا بس كنت بحفزك :-) :-) والف الف الف الف شكر يا باشا انا ديما تعبك معايا
لا والله انا مش زعلان ولا حاجه
بس انا برد عليك علشان متفهمنيش غلط مش اكتر
وبعدين ولا يهمك احنا اخوات في الأخر وتسأل ولا يهمك احنا هنا بنخدم بعض في الأخر
ربنا يخليكي ايا باشا ده عشمي فيك برضو
الجنط الامامي بيسخن جدا نم اول يوم اشتريتها بس اعتقد ان دي حاجه طبيعيه
عامة لما تروح اسأل و قولنا عملت ايه
طيب اوك انا هسال ان شاء الله بس كده انا اطمنت انها حاجه طبيعه بقى مدام عندنا كلنا بس على العموم هسال برضو واقولكو
حد يعرف النزار الي ركبوهولنا في التوكيل ما ركتو ايه
انا اللي مركبه ومعدشي عندهم ماركته باترو لاين ايطالي
اما الجديد اللي عندهم مش عارف دلوقتي
رحت التوكيل النهارده ولسه راجع من شويه
صوت الفرامل كان علشان التيل قرب يخلص كان فاضل فيه حجات بسيطه وورهوني الراجل قبل ما يفكو من العربيه وغيرتو بس غالي ب 458 بعد التركيب والضريبه والحركات دي
والصوت الي في التابلوه قالي ده عادي ومتقلقش منو علشان علبة الدركسيون كهربا مش زيت فبتعمل صوت شويه
بس ربطولي على العفشه الصوت خف شويه بس لسه موجود
وسالتو على سخونة الجنط الامامي قالي انها عادي جدا
وسالتهم على نوع الانزر قالي انو اطالي وعليه ضمان 3 سنين
بس الاي انا مندهش منو ازاي التيل يخلص بعد 7000 كيلو بس ولما ازاي خلص بسرعه كده قالي بيبقى من الاستخدام صحيح انا استخدامي وحش بس مش لدرجادي عربيتي القديم التيل كان بيعيش جدا وقالي هما عاملين التيل كده علشان يبقى حنين على التنبوره بس انا مش مبسوط ان التيل بيخلص بسررعه كده :)
فعلا حاجه غريبه .... ازاى تيل يخلص بعد 7000 كم ؟؟؟؟اقتباس:
بس الاي انا مندهش منو ازاي التيل يخلص بعد 7000 كيلو بس ولما ازاي خلص بسرعه كده قالي بيبقى من الاستخدام صحيح انا استخدامي وحش بس مش لدرجادي عربيتي القديم التيل كان بيعيش جدا وقالي هما عاملين التيل كده علشان يبقى حنين على التنبوره بس انا مش مبسوط ان التيل بيخلص بسررعه كده :)
مش عارف هوا التفسير المنطقي الوحيد لده انو لما غيرت التيل في صيانة الخمسه وغيرهولي في الضمان من غير فلوس حاطولي تيل قديم مش جديد او كلو حته من التيل القديم عمل واي حاجه مش فاهم اصلي مستحيل كل 7000 كيلو اغير تيل يعني
طيب ما انا الحمد لله عامل لحد دلوقتي اكتر من 17500 ك ولسه الحمد لله مفيش مشكله في التيل بس الفرامل خفت عن الاول لوما سألت قالولي انهم بيغيروه في صيانة العشرين الف
لأ نا لو منك تعمل مشكله هناك وتتاكد من موضوع انه اتغير في الخمسة الاف الاول
ده كده معناه انه خلص في الفين كيلو يعني ولا ايه مش فاهم
لا يا باشا هما غيروه في صيانة الخمسه وانا دلوقتي عامل 12000 يعني خلص في 7000
المشكله انهم بيكلوني في الكلام ومعرفتش اعمل حاجه قالي سؤ استخدام منك ومش عارف ايه وانا بصراحه مبعرفش اتكلم قوي معاهم فسكت قولت امري لله ودفعتلهم الفلوس انا مش فاهم في ايه بالزبط
انا كنت في صيانه ال 5000 امبارح و سالت علي التيل اللي بيخلص بسرعه
قالي الموضوع من اوله انهم وجدو ان التيل بيعمل مشكله مع الطنابير (طبعا ملحقتش اسال ايه المشكله دى)
و انهم خاطبوا الشركه الام في اليابان... بعتتلهم شحنه تيل فرامل تانيه علي اساس انهم يستعملوا الشحنه الجديده و بعدين التوكيل اكتشف بعد ماركب للعملاء ان التيل ده بيخلص بسرعه
و قالي انهم بطلوا يركبوه تاني و طبعا رجعوا يركبوا القديم اللي بيعمل مشاكل في الطنابير
انا لمحتلو في نص الكلام انهم لسه بيركبوه بدليل ان في اخ من هنا في نايل موتورز لسه مركبو يوم الخميس
بصراحه انا ملحقتش الاقي حد اسأله حيحصل ايه لما اجي اركب تيل .... هركب اللي بيخلص بسرعه ولا هركب اللي بيعمل مشاكل .... هسيبها لوقتها و بعدين ابقي اتفاهم معاهم
يعني هما ركبولي ايه الي بيخلص بسرعه ولا الي بيعمل مشاكل ؟؟؟
اللي بيخلص بسرعه علشان ميعملشي مشاكل
متفهملنا يا ابو عبد الله مشكلة التيل دي ايه من التوكيل انا لسه كاعع 450 جنيه في تيل فرامل وخايف يخلص مني بسرعه ولا يكون بيبوظلي الطنابير في ايه كنت اشتريت كوري بقه انا جبت دي علشان قولت يباني مش هيبقى في مشاكل
هسال واقولكم ان شاء الله دلوقتي
ربنا يخليك لينا يا كبير :)
بص يا هيثم ممكن تكتبلي رقم التيل اللي مكتوبلك على الفاتورة اللي انت غيرت بها التيل اللي في الضمان والتيل الجديد
ياريت تكتب رقمهم الاتنين اللي في الضمان هتلاقيها في الفاتور
والجديدة برضه هتلاقي لها رقم في الفاتورة برضه
اوك اول لما اروح من الشغل هكتبهملك بس الي في الضمان مدونيش فاتوره بيه بس ادوني التيل نفسو لما غيروه لما اروح هشوف مكتوب عليه رقم ولا لا