أنا عارف إني ممل.إستحملوني

**inspiron** · 14-07-2009 04:41 PM

في كذا حاجة محتاج مساعدتكم فيها.أنا عارف إن أسألتي وإستفساراتي كتير بس أنا والله معنديش فكرة عن حاجة و بكون لايص مش عارف أعمل إيه....

- المهم ,,وأنا ماشي بالعربية علي أسفلت خشن.بسمع صوت زن من عند الطابلوه كده و هتجنن وأعرف جاي منين..

- وأنا ماشي بالعربية وقافل الشبابيك بسمع أصوات من ناحية الأبواب ورا خاصة الباب اليمين.

- لما أكون ماشي بسرعتي و أعدي علي المطبات الصغيرة المربعة الحديد اللي في الطريق دي العربية بتترج جامد أوي أوي وبعد كده عادي ( خاصة عند العجلتين اللي ورا ) هل ده طبيعي؟؟ ولا العفشة فيها حاجة و هيتخرب بيتي!!!!

- لما باخد المطب عادي بسمع صوت تزييئة جامدة عند العجلتين اللي قدام. هل لو رشيت زيت علي العفشة هتروح..ولا مش ده العلاج ولازم حاجة تتعمل و يتخرب بيتي برده؟؟؟!!!!!

- آخر حاجة,,,, إزاي أنظف الأيدل كنترول بتاع العربية

- علما بإن المساعدين مش وحشين و أنا مربط عفشة قبل كده و ظبط زوايا وغيرت زيوت وفلاتر وعملت كل حاجة ممكن تتعمل في العربية بنت ال..... دي.

ساعدوني يساعدكم الله في مشاكلكم و شكرا و آسف للإطالة. العربية سكودا أوكتافيا موديل 98 منوال

**inspiron** · 14-07-2009 07:08 PM

كل دي مشاهدات و مفيش ولا رد؟؟؟؟؟؟؟؟؟؟؟؟؟؟؟؟؟

**Fadi Ezzat** · 15-07-2009 01:40 AM

فعلا الصوت الى ورا عادى فى الاوكتافيا
لكن بالنسبة للصوت الى بتسمعة فى العجل الى قدام دة صوت المساعدين وهما بيطلعو الهوة ودة عادى
سوال انت رصصت العجل قبل كدة ولا لأ ؟
علشان الهزة دى بتبقثى من العجل الى مش مترصص

تنضف الايدل كونترول بمنظف انجيكشن وتغسلة عادى
بس طبعا بالمنظف بس

**inspiron** · 15-07-2009 02:16 AM

فادي باشا ليك وحشة والله...أنا نفخت العجل نيتروجين.هل لازم أرصص برده؟

علي فكرة أنا بعت إيميل للشركة الأم سألتهم علي حكاية السحب الضعيف و الفرقعة وقولتلهم إني بستخدم بنزين 92 ...

ردوا عليا و قلولي we recommend you to use octane 95 size,,,the octane 90 and 92
size lower the engine power.

**Fadi Ezzat** · 15-07-2009 02:46 AM

زى مافوتلك قبل كدة
تامفلاوض 95 للاوربى دة

رد سوالك لازم ترصص اة
انا على فكرة رحت لواحد خليتة يرصص العجل ويظبط زوايا ويربط عفشة بس طبعا ماكنش فيها حاجة
وبعدين زيتها وبعدين طلع جربها معايا وخد 60 جنية