يا اهل الخبره هل تغيير بك السرعه والسلانسيه يفرق فى سحب العربيه انا عربيتى فيورا 86 وفكرت فى الحل ده لانى كتير بحس ان العربيه مخنوقه ارجو الافاده:rfds:
عرض للطباعة
يا اهل الخبره هل تغيير بك السرعه والسلانسيه يفرق فى سحب العربيه انا عربيتى فيورا 86 وفكرت فى الحل ده لانى كتير بحس ان العربيه مخنوقه ارجو الافاده:rfds:
شوف يا سيدي الفاضل انا هحكيلك العمليه ماشيه ازاي علي حد علمي:
انت في بكين في الكربراتير واحد هواء و التاني بنزين, كل واحد فيهم ليه مقاس معين (مثلا كانت عندي في البلونيز 50 و كانت ماشيه عادي دا بك بنزين)..
انت حاسس ان العربيه مخنوقه دا ليه عده اسباب ممكن بوجيهات او طقم كهرباء (ابلاتين او كوندنسر) او وساخه في الكربراتير (اسف للفظ) ....
شوف الاسباب السابقه قبل موضوع البكات دا عشان لو جبت مقاس اكبر و مش مظبوط علي الكربراتير هتلاقي العادم بقي ليه لون و كمان احتمال يكون عندك احنراق غير مكتمل للبنزين(بالبلدي حريق ني ) و دا سببه عدم دخول النسبه المحدده من خليط الهواء و البنزبن) و طبعا ارتفاع استهلاك البنزين.
لو اتأكدت ان جميع الاسباب السابقه مش موجوده الكربراتير نظيف و البوجيهات سليمه و طقم الكهرباء و الاسبراتير مظبوط كدا بقي خش علي اللي جاي:
انت ناوي تزود نسبه الخليط يبقي اولا لازم يكون بنسبه متساويه و هديك مثال:
فكيت بك السلانسيه لاقيته مكتوب عليه مثلا 40 هات اللي فوقيه علي طول 45 متجيبش 50 و نفس النظام مع بك الهواء..
و يعاد ظبط الكربراتير و يا سلام لو في بوجيهات 2 او 3 شمعه هتحس بالفرق... بس العيوب كلاتي:
1- ودع استهلاك البنزين العادي هتحس بمعني بتاكل بنزين...
2- لو الكربراتير تعبان او محتاج باب و اكس هتلاقي دخنه سوداء مع الكبس...
دا تجربتي بس مع اخت 127 الكبيره البولونيز (لو حطيتهم جنب بعض هما تقريباً نفس التصميم مع الاختلافات الميكانكيه) بس نصيحه قبل اللعب دا كله اتأكد ان المقاس اللي راكب فيها دا اصلا بتعها او اصغر عشان لو هيا البك بتاع البنزين اللي فيها مثلا 35 و ركبت 50 هتتكتم معاك و هتاكل نزبن و احتمال تكره العربيه ....
اهم حاجه انك تعرف المقاس الاصلي كام و تجيب اللي فوقيه علي طول (انا علي علمي في 40-45-50-55 بس نادر-60-80)
عشان برضه نحافظ علي استهلاك مقبول للبنزين...
و ارجو اني اكون افدتك
كلام الراجل ده مظبوط 100% بس عموما ال128 و ال127 بيحتاجو تنظيف للكربراتير و البيكات كتير
ابل ما تغيير روح لميكانيكي شاطر ينظف البيكات و الكربراتير و يظبطلك الكهرباء و طبعا يشيك على الابلاتين و طقم البوجيهات و بعد كدة شوف
و ابقي طمنا وصلت لفين....
وربنا يوفقك
شكراً
البك الاصلى بتاعها 120 وممكن تحط 125 او 130 بس ده هيخلى البوجيهات سوداء وممكن العربية تدخن اسود . مع خالص الشكر للعضو x- gomgom على رده الوافى
متنساش ان الميكانيكى عليه عامل كبير فى الشغلانة ديه
متشكر جدالحضارتم على الاهتمام وانا فعلا استفدت من الردود هبتدى انطف الكربراتير واغير طقم الكهربا وهاقولكم على النتيجه لو حصل تغيير وشكر خاص للعضوx- gomgom
باختصار
تغيير البك هايفرق فى سحب العربيه
ومن ثم سحب البنزين
ومن ثم سحب الفلوس اللى فى جيبك
وعليه وبما ان حضرتك راكب فيات وبما ان الفيات دى بتاكل بنزين بعمرها
يبقى انصحك تركب فولفو اجدع مادام خساره بخساره يبقى اشترى كرامتك
انا مركب بيك 115 فيورا 87 حلوة اوى عليها ولما ركبت بيك 105 العربية اتخنقت اوى
فية عندك 50-55 دة حلو هيخلى العربية فايقة ومش هياثر اوى فى البنزين