3 مرفق
تقييم بعد السفر 2600 كلم بهوندا سيفيك!!
بسم الله الرحمن الرحيم..........
ما تتخضوش انا فعلا أجرت هوندا سيفيك للسفر بيها من مدينة الرياض لمكة المكرمة و جدة لأداء العمرة...
اولا العربية ما شاء الله 2009 لونها أزرق اللي هوه سماوي غامق ده....1800سي سي مش 1600 زي مصر...
اولا العربية ما شاء الله كراسيها مريحة جدا و المساحة جوه معقولة أوي و ماحستش بأي ضيق رغم طول المسافة..مثبت السرعة أستخدمته كام مرة بس مش متعود عليه فما فرقش معايا كتير....
الثبات رائع جدا و العربية ديناميكية جدا بس كان ساعتها في رياح شديدة طول الرحلة فمعرفتش أحكم أوي على التحكم لأن الهوا كان معاكسها...العربية اللي كانت معايا فراملها مش تمام الطنابير فيها حاجة مع انها 2009 لذلك كنت بأسوق بحرص و أتجنب الفرملة القوية....
الرحلة من الراض لجدة حوالي 1100 كلم متواصل اللهم بس اقف كل فترة اح بنزين بس لمجرد الوقوف لأن العربية استهلاكها ممتاز مع اني طول الطريق 140 الى 160 حسب الملفات.........
الأر بي أم منخفض دائما علشان اتوماتيك 5 غيارات يعني على 140 حوالي 2500 و على 160 حوالي 2700 كده
المكيف مش جيد لكن مش ممتاز معرفش لأنها ايجار و لا كل كده بس فعلا مش حلو دفع الهوا فيه ضعيف و لا يقارن بالكورولا (سيارة الشركة معايا حاليا) فالتويوتا أحسن بكتير بصراحة......
في مدينة الطائف مريت من طريق الهدا و ده طريق مشهور بتنزل من على جبل عالي جدا جدا جدا في طريق على حافة الجبل كله نازل و كله منحنيات خطرة جدا لا تتخيلوا الأثارة و ما أتوقع التأدية و الثبات في المنحنيات و الدينامكية دي الا من سيفيك أو بي أم دبليو بصراحة...........
وده طبعا لأنها واطية جدا و قريبةمن الأرض أوي بصراحة انا طول عمري اسمع الناس بتقول ان ده عيب فيها لكن هيه فعلا عايزة تعلى شوية عالعموم احنا هنا مفيش بلاعات و مطبات زي مصر فمكانتش عاملالي مشكلة...
التقدير العام السيفيك عربية ممتعة للي بيعشق القيادة و بيحب الفن و التابلوه اللي عشقته في الاربع ايام دول لما رجعت حسيت كرولتي من زمان تاني و ان السيفيك هيا الابداع و الباقيين هما الواقع.........
سيفيك هدية هوندا لعشاق القيادة...هتحبها و هتتمنى تفضل معاك تستعملها كل يوم و مش عايز أكتر من كده.......
قريبا ان شاء الله ناوي على أكورد أأجرها و أروح بيها الدمام...........و هأكتبلكم رأيي...و لو انه معروف مقدما
دي أكورد مش لعبة...........
من المملكة لكم تحياتي...........
