ألف شكر على الردود و التفاعل السريع جدا مع الموضوع

الله يسلمكم و يوعدنا و اياكم بزيارة بيته الحرام و نصلي هناك جماعة و لا يحرمنا واياكم الأجر و الثواب و الرحمات فهو الرحمن الرحيم غافر الذنب و قابل التوب............

بالنسبة لموضوع الأر بي أم هأرفعلك الصور بكرة اللي فيها السرعة 160 و العداد 2700.......العربية 1800 يا باشا ما تنساش.......

يعني عزمها أعلى من ال1600.........كمان التسارع جبار و تسقيط الغيارات ممتاز (كيكداون) بس بترفع صوتها جدا و ممكن ترفع ار بي أم معاك جامد بس التسارع ممتاز الصراحة.........

بالنسبة للأكورد انا كانت قدامي بس قلت خلينا في السيفيك المرة دي لأن المسافة طويلة لأني ليا بس 200 كلم في اليوم و انا أجرت 4 ايام و عملت 1800 كلم زيادة فكانت الأكورد هتزيد معايا في السعر كتير.......لأن الكيلوهات الأوفر أغلى و الايجار اليومي أغلى.........

سوق الايجار هنا مختلف وتلاقي فيه كل العربيات و طبعا مفيش حاجة اسمها بالسواق الا لو طلبت والاجراءات في ثواني و مفيش وصولات و ارف من ده......تخيل تحتار اكورد و ازيرا وسوناتا و النترا و دودج تشارجر (كنت هأموت و أجربها) و كابريس و لومينا و ابيكا و حتى الجيب الأف جي كروزر و اليوكون و الدورانجو و الطوارق وحتى البيك أب و الميني فان والميكروباصات كمان (تويوتا الجديد طبعا و هيونداي اتش 1) وغياب تام للانسر سواء ايجار او عادية و المازدا 3 و 6 نادرة و الكامري برضه مش مرغوبة في المكاتب لأن تأمينها غالي لتهور الشباب اللي بيأجروها وكثرة حوادثها و كل ما تتخيله موجود عند مكاتب الايجار و السعر تقريبا نفسه في كل المكاتب اللي يختلف السيارات المتوفرة.....

شكرا لكل اعضاء منتدانا الرائع على مجرد مرورهم و ردودهم.............