الموضوع: تغير فلتر هواء السيريون

السلام عليكم

جاء وقت صيانة الـ20ألف وبمراجعة ما يتم عمله ( تربيط + روتيشن + رجلشة + تغير فلتر هواء ) لقيت نفسي كنت عامل الحاجات دي كلها في صيانة الـ15ألف معاده تغير فلتر الهواء....فقلت مش معقول أروح أدفع 480جم على الفاضي وممكن أنا أغير فلتر الهواء بنفسي وأكتبه في جدول الصيانة

إشتريت الفلتر الأصلى من دايهاتسو الي في أحمد عرابي بالمهندسين بـ182جم بالضريبة

طريقة التركيب :

1-هنفك عدد 6 كلبسات حديد ( مشار إليهم بالأسهم ) الي مسبتين عمة الهواء


2-بعد فك الكلبسات هنرفع العمة واحدة واحدة وناخد بالنا من بوق الهواء على الشمال عشان بيبقى راكب على الجزء الموضح بالصورة ( الأهم بعد إعادة التركيب إنه يبات في المكان ده )


3-العمة وهي مقلوبة وفيها الفلتر القديم






4-تركيب الفلتر الجديد



كان في موضوع أيمن مومو كان عامله في قسم تويوتا بخصوص فلاتر K&N لليارس والكورولا ونبهني أخي أحمد سمير إن فلتر اليارس هو هو بتاع السيريون والي موجود في الموقع كان بتاع سيريون 1 .....وأنا بشتري الفلتر مسئول القطع الغيار وضحلي إن الفلتر واحد بتاع الـ1.0L والـ1.3L والـ1.5L .....
ثمن فلتر الـK&N بـ350جم وبيعيش مدى الحياه وخامات أفضل وعملية الفلترة للأتربة أفضل
ثمن الفلتر الأصلي بـ180جم ويتغير كل 20ألف
أعتقد صفقة رابحة

دي صورة فلتر الـK&N :



ودي صورة الفلتر الأصلي:( يوجد بالفلتر الأصلي ضلع مختلف عن باقي الأضلاع لتوضيع عدلة التركيب وده مش موجود في فلتر الـK&N وده مش هيعمل مشكلة لأنه ممكن يركب بأي عدلة )