انا يمكن اروحله الجمعة او السبت ان شاء الله لحسن العربية محيرانى و ياريت الدنيا تكون زى ما الناس بتقول عنه
عرض للطباعة
انا يمكن اروحله الجمعة او السبت ان شاء الله لحسن العربية محيرانى و ياريت الدنيا تكون زى ما الناس بتقول عنه
يا ريت تكلمه قبل ما تروح بكره تحديدا,لأن فرح اخوه يوم السبت والحنة هتكون بكرة قدام البيت "الورشة"
وان شاء الله تروحله يظبطلك العربية...
بصراحة انا شايف انه احسن من ناس غيره كتير...ومش طمعان في اللي قدامه...
قوله انك عرفته عن طريق النت عشان بيتبسط من الموضوع ده
أنا سمعت عنه كتير .. بس عيبه ان مشواره طويـــــــــل بالنسبة ليا .. ممكن توصفلي أروح ازاي بالظبط من مصر الجديدة ؟
عاوز اعرف سعر الفرن الى صوته وحش عندك قلك هيعمل كام جديد واستيراد بكام
لما يعرف ان اسمه اتقال علي النت هيفرح . هاهاهاهاهاهاها
حاضر هتصل بيه
انت كدا هتخلينى اطمع واجيلك من غير مافطر هههه :)
حاجة كمان يا شباب عاوز اقولها عن عبدالله انو لما يحس انو عمل زبون مبيعملش زى ناس تانية و تحس ان الاهتمام قل و يعملو عليك شغل لكن والله الاهتمام بيزيد و احيانا مابيخدش فلوس !!!!!!!! :) انا اصلا بروحلو كتير عربيتى انا جبتها مستعملة و بجددها على مهلى, فبخليه كل شويه يعمل حاجة, فلما بروحله فى حاجات صغيرة مبيخدش مصنعية خالص. مثلا المره اللى فاتت عملت الحاجات ديه: حساس حرارة الجو استيراد من عند هانى اوبل و مدفعتش تمنه قاللى دى حتت بلستكة لو شفها على الارض مش هتوطى تخودها, جوان طلمبة بنزين - هم عملوه, نقل العجل اللى قدام ورا و العكس. و فى الاخر قاللى ناخد فلوس لما نعملك شغل توكل على الله, قولتله امال انا متوكل على مين, ولكن طلع بيتكلم بجد :) ربنا يباركلو
بص...هو اسرع طريق تروح منه عن طريق دائري (المرج السلام) مش دائري المنيب
لو فرضنا انك مسكت الدائري من اول موقف العاشر في اتجاه الهرم...هتفضل ماشي على طول..هتعدي على مسطرد...المؤسسة...القومية...ا محور...ميدان لبنان... من بعد نزلة المحور و ميدان لبنان تركز قوي .... هتعدي على نزلة فيصل والعشرين تسيبها...
بعدها بحوالي 2-3 كم هتلاقي نزلة المريوطية
خلي بالك ان النزلة دي مش باينة قوي عشان محور المريوطية اللي بيتعمل جديد
هتعرفها ازاي...
هتحس ان الطريق وسع قوي...وفيه حته مرصوفة جديد...هتلاقي كوبري في وشك...قبل الكبري او تحته بالظبط هتلاقي مظلة بتاعة امن...تمسك يمينك وتنزل النزلة دي
بعد ما تنزل النزلة دي تمسك يمينك وخلي بالك من اللي جايين من اليمين من تحت الكوبري...
هتلاقي يمينك مركز اسمه speed car بتاع خدمة سيارات يمينه بالظبط يعني تلف مع الحيطة بتاعته في شارع ضيق كدا اخره جامع وبعدين مركز عبدالله اوبل...
بالمناسبة عبدالله شباب مش كبير في السن بتاع 32 سنة كدا
و لو تهت كلمني على الموبايل المكتوب في ملفي الشخصي
هو قالي ان الفرن سعره جديد بحوالي 6000 (6الاف)
بس لو استيراد يعمل 1500 تقريبا...مش فاكر بالظبط
بالمناسبة انا رحت لواحد بتاع شكمان ,فك الصاجة اللي بتبقى على التفريعه اللي خارجة من الموتور دي...لقيت واحدة من الأربعة مشروخة ,وقاللي ان الصوت العالي ده منها...بس انا لسه معملتهاش...مرضيتش اخليه يفكها.
سبحان الله...كل ما اصلح حاجة في العربية الاقي حاجة...منه لله اللي باعهالي...ربنا يسامحه