الموضوع: مكتبة الاحلام ... اجمل صور فولكس بيتل ... تتخيلها

السلام عليكم ورحمة الله وبركاته

اللهم صل على محمد وعلى آله وصحبه أجمعين

والله العظيم استاذ ... انا بحبك جدا يا استاذ احمد
وكل يوم اتعلم منك الكثير

ابسط حاجة مثلا انك عرفتنى اسماء الالوان ... وعمرى ما اكنت اعرفها
على الاقل لو الواحد اتكلم مع صنايعى دوكو يعرف يفهمه

طيب بالنسبة للالوان مثلا لو قلت للصنايعى عايز لون برتقالى Blood Orange
هو بيكون فاهم انا عايز ايه ولا هايقول لى حاضر وفى الآخر يحطنى امام الامر الواقع ويخبط العربية اى لون

ولا الافضل انى مثلا اجهز اللون اللى انا عايزه فى محلات البويات التى تعمل بالكمبيوتر

ولا الافضل استخدام اكواد الالوان مثل السيارات الحديثة ... تعرف محلات بتتعامل مع اكواد الالون او اتعاملت مع محلات زى دى

ولا انت بتعتمد على صنايعية شاطرين وفاهمين كل حاجة يا ريت نعرف من حضرتك اسم الصنايعى اللى اتعاملت معاه وعنوانه

واخي يا ترى تكلفة الدهانات دى حوالى كام
دهان عادى يؤدى الغرض عشان الفحص فقط لا غير
دهان معقول
دهان زى الكتاب ما بيقول "ايه الكلام اللى المفروض اقوله للصنايعى عشان يعرف انا عايز اى مستوى من الدهانات:

وهل الافضل ان مسح الدهانات القديم تماما ... التكلفة تقريبا تكون كام

معلهش اسئلة كثير فى دماغى وبصراحة لن اجد انسان مهذب وعنده عطاء مثلك

وكل عام وحضرتك طيب
ورمضان كريم

مع اطيب التمنيات
اخوك حسين غزالة