السلام عليكم . اولا السعر كويس جدا جدا بس لو حالتها كويسة. المهم العربية دي ليها مميزات وعيوب :
المميزات :
1- موتور قوي واكتر من رائع في السحب والعزم
2- عفشة جامده واحسن بكتير من ال لbmw 318
3- كماليات كتير
4- عربية معمره فيها مميزات القديم والجديد
5- شكل حلو قوي بس الطابلوه من جوه كلاسيك شوية علي العموم دي ازواق
6-تكييف جيد جيدا بس مش ذي الياباني
7- سعر اعاده البيع في البيجو الجديد مش حلو (العربية بتنزل الارض) بس دي مش حتفرق معالك لانك حتشتريها مستعمل
العيوب:
1-قطع غيار غالية نار (الوكيل حرامي درجة اولي بس فس سكك بره التوكيل ( موزعين معتمدين برده مش اي كلام ) ارخص في العمالة بكتير بس لسة برده مشكلة قطع الغيار.
2- الفتيس الاتوماتك بتاعها مش معمر ( مش علشان ده عيب فية ) علشان لية زيت معين بتاع PEUGEOT ب 150 جنية التر وطبعا محتدش بيحطو وبكده بيبوظ من الناس بسرعة ولازم تكشف علي واير الكيك داون لانوا لو مكسور من القاعده بتاعتة الفتيس مش حيعود اكتر من شهرين.
3- طبعا لازم تكشف عليها في التوكيل ب 165 جنية الكشف العام وتشوف الفتيس بيتاعها كويس ولا لان ده اهم حاجة في العربية وانا اعرف واحد اشتري العربية دي وطلع الفتيس بايظ.
من الاخر العربية محترمة جدا وانا من راي احسن من ال BMW 318 بس عاوزه محافظة علي الفتيس وربنا يوفقك في اختيارك
المفضلات