استفسار سريع فى العفشه

**helmy537** · 15-07-2009 05:14 PM

اخوانى وحبايبى انا عاوز مساعدين خلفى للعجلتين اجيب نوع نضيف ايه ويستحمل وعاوز اغير الاربع طنابير ياريت تفيدونى فى النوع الكويس والاسعار بالنسبه للمساعدين بكام ونوعه والطنابير نوعها وبكام ورا وقدام وشكرا

**tananybasha** · 15-07-2009 11:39 PM

مونرو غاز على زيت و لو لقيت بلشتاين يبقى خير و بركة و هما فى حدود 600 او 700 جنيه على ما اعرف

**tananybasha** · 15-07-2009 11:40 PM

الطنابير هات المانى انضف و احسن من عند سرور او امريكان ستارز ما اعتقدش ان الأربعه هيزيدو عن 1000 جنيه

**M.Mokhtar** · 22-07-2009 01:16 PM

الطنابير الالمانى بتعمل فى حدود 350 - 370
الجى ام 400 - 420

**tamertamer** · 22-07-2009 03:22 PM

المشاركة الأصلية كتبت بواسطة helmy537

طب ياتامر ايه رايك فى الى طنانى باشا بيقول عليهم المساعد زيت على غاز ده المشكله الواحد بيغير حاجات ب الفات فى العربيه ولما يجى يبيع مش جايبه سعر بسبب نزول سعر الاوبل مش عارف اشمعنى العربيه دى الى نزلت كدا ده مابقتش محصله النوبيرا

بص هى عملية ملهاش دعوة بنزول سعر الاوبل كمثال انا عربيتى كنت جيبها من سنتين وشوية بحوالى 63 الف جنية حلو
لو حسبنا فى الشهر اهلاك للموديل وللعربية بسبب الاستخدام هتلقى ان العربية بتاخد اهلاك فى السنة بحوالى 6 الف جنية تقريبا
كونك بتصرف على العربية دة عشان تقدر تبعها او تقدر تستخدمها يعنى لو كل 3 سنين تخسر 10 الف جنية فى العربية انا شايف انة كويس دة فى ظل الازمات الاقتصادية التى يمر بها العالم
لكن تقلى بصرف على العربية الفات بص انا مثلا مقدرش امشى بالعربية وهى متبهدلة ميجليش قلب على ذالك انى اى عربية هجبها هعمل فيها شغل الشغل دة ليك انت بس لانها بتوفرلك راحة فى الاستخدام فهمت ما اقصدة لا تحزن كل العربيات نزلت معاك الاوبل نزل جامد شوية بس لو قرنها بالعربيات الفرنسية انا لية واحد صحبى كان جايب ميجان هاتش باك موديل 2006 خو كان جيبها مستعملة بحوالى 100 الف بعد سنتين وخمس شهور جيبالة 55 الف ويريت فى حد عايز يخدها عشان فيها عطل فى الجير بوكس يعنى خسر 45 الف العربيات الفرنسية كدة فالحمد اللة احنا افضل من ناس كتير اوى وعندك اسعار العربيات القديمة الفيت نزلت النص ربنا يكون فى عون الجميع وخلى بالك هتشترى رخيص هتبيع ارخص هتجيب ارخص قلى ماشى عليك ماشى على كولة