عندي استفسار بخصوص الإيزي ترونيك, هوا أنا ممكن أتعامل معاه على إنه مانيوال بمعنى إنه الفتيس ماينقلش إلا لما أنا ألمسه علشان لو عايز احرق على غيار معين مثلاً
عندي استفسار بخصوص الإيزي ترونيك, هوا أنا ممكن أتعامل معاه على إنه مانيوال بمعنى إنه الفتيس ماينقلش إلا لما أنا ألمسه علشان لو عايز احرق على غيار معين مثلاً
اعتقد ان دى الفكره منه بس معتقدش ان الفتيس هيسمح بالحرق على الغيار
؟؟؟؟؟؟؟؟
متابع للاهتمام
الفتيس ممكن تحرق ع الغيار سواء مانيوال او اوتو ..
فى الحالتين ..
الحرق على الغيار مش هيوصل للاحمر ...
بمعنى انك لو ممشيها مانيوال و حرقت جااااااااامد و الار بى ام خلاص هيجيب اخره بتنقل لوحدها حفاظا ع المحرك و الفتيس ...
و فى الاوتو الحرق بيكون عن طريق الضغط جامد ع دواسه البنزين ...
بس بجد الفتيس ده (على حسب كلام والدى و احساسى بيها و انا قاعد جنبه ) ممتع جدا ع المانيوال ....
و اى استفسار انا تحت امرك
هل دا معناه إن لما أكون مشغل الفتيس على المانيوال بيكون عندي أحد الإختيارين:
1- أنقل وقت ما انا احب (gear UP or gear Down) زي المانيوال العادي بس الفرق إن مافيش دبرياج
2- أفضل دايس بنزين و الغيار هاينقل لوحدة لما ال RPM يوصل اخره
اقتباس:
المشاركة الأصلية كتبت بواسطة waleedseng
الفتيس عادي جداً ومفهش أي حاجة وحشة، وجامد جداً ما شاء الله
ممكن تسوق عادي علي الاوتوماتيك وتمشي عادي جداً زي أي أوتوماتيك.
المانيول، عشان تنقل يا إما لفوق أو لتحت ولازم تنقل بنفسك ، أنا مجربتش إي أحرق على أي سرعة بحب أمشي طبيعي مش فحت وردم.
في مواضيع كتير جداً عن الاسترا والايزي ترونيك وكلو كلام متقارب من بعض. يعني مفيش حاجة شاذة أي غريبة، الحمد لله
i live in Heliopolis in case u need to see it in front of ur eyes
كويس انى لقيت الموضوع ده لأنى فى نفس حيرة كاتب الموضوع من هذا الفتيس .... مع العلم انى اتعلمت واتعودت وسقت 12 سنة اوتوماتيك ....
ف اللى أنا عايز أعرفه من ملاك السيارة .... وبموضوعية تامة إذا تكرموا ... هل الفتيس ده صعب التعامل معاه بالنسبة للى واخد على الأوتوماتيك العادى؟
هل الاحساس بالنقلات بيبقى عالى مع فقد القدرة فى الموتور وقت هذه النقلات ؟
هل لو فيه أطفال مثلا فى العربية وخبطوا الفتيس والواحد ماشى حيعمل switch للـ mode الجديد بتاع الفتيس؟ وما تأثير ذلك على السيارة لو لا قدر الله الـ mode اتحولت لـ R ؟
أرجو الافادة سريعا يا جماعة لان العربية دى عاجبانى فعلا ما عدا مسألة الفتيس اللى مقلق منه .. وأنا بأفاضل بينها دلوقتى وبين الفوكاس (اللى أنا متهيألى انها واطية شوية رغم تأكيد الكثيرين عكس ذلك) والأوكتافيا (الـpackages الحلوة غالية قوى)
اقتباس:
المشاركة الأصلية كتبت بواسطة yehia
الموضوع مش صعوبة في التعامل خالص..
كل الفرق انك لما الفتيس بينقل.. بتحس بيه.. و بياخد وقت كده كسر منا لثانية.. مشابة لنفس الاحساس لما العربية الاوتو بتنقل برضه.. بس ده بياخد وقت اعلي شوية.. نتيجة لطبيعه الفتيس اللي هو مانيوال من جوة..
بالنسبة اموضوع السويتش للمود و كده.. بيتهيألي لأ صعب ان ده يحصل..
انت عشان تبقي ماشي سواء مانيوال ولا اوتو.. عصاية الفتيس بتبقي في النص..
لو عايز تزود نقلة بتزق العصابة لفوق.. وتسقط لتحت..
لو زقيت العصاية يمين هتمور العربية.. ولو زقيتها شمال بتنقل بين المانيوال و الاوتو..
و متقلقش خالص من المارشدير.. عشان ده زيه زي العربيات المانيوال بالظبط.. يعني يمين وورا.. يعني عمره ما هييجي بالغلط..
لو بتقارن بالفوكاس؟؟ كعربيات.. الفوكاس محترمة جدا و كفاية انها الماني تقفيل اسباني.. و في منها تقفيل الماني كمان.. حسب الفئات بتاعتها.. بس يكفيك هنا في مصر ان وكيلها من اسوأ التوكيلات اللي حصلت..
فكري ده.. و علي كلام ناس من ملاكها انها مفرقش كتير عن رجب الوكيل السابق.. من حيث المعاملة و النصب في موضوع قطع الغيار.. و عدم توافر حاجات برضه.. و كده.. اوبل وكيلها افضل بمراحل..
نصيح من اخ ليكو
بص على اد ما تقدر فى فترة الضمان لغاية 10 الف كيلو حاول تبق مودب مع السياره قصدى فوال العربيه على طوال لا تحاول تحرق على الغيار عامل العربيه برفق لماذ لن التوكيل بيطبع الهسترى كله فى كل عملية صيانه عشان لو جيت تشتكى من الفاتيس او اى شيى يقوال ما حضرتك مش مراعى السيارات خالص و على فكره بعد الصيانه 10 الف يقوم التوكيل بفتح السؤه على الغيار شوايه عشان تشد يعنى لو التانى اخره 40 يبقى ممكن تجيب 60 كده يعنى هو المقصواد بكده المحافظه على الماتور و اغرائك على الحرق لاكن بدون جدوه فخلى بالك من التقرير عشان ممكن يضيع حقك فى الضمان
توكل علي الله
وألف مبروك مقدما
النهاردة يا جماعة عملت Test Drive للعربية الـ Vectra elegance - easytronic ... وأكتر حاجة ركزت فيها - تقريبا الحاجة الوحيدة- هو موضوع الفتيس ....
أنا رأيى الشخصى كمستخدم للأوتو من 12 سنة ... ان الفتيس الايزي ترونيك قمة فى الروعة المتعة ... حاز على اعجابى واتمنيت أفضل سايق كمان شوية ....
هو بالضبط فتيس مانيوال .. بس زى ما يكون فى عفريت فى العربية يدوسلك على الدبرياج وينقل النقلات .. ده طبعا اذا كنت عامله على الوضع الـ A اللى هو مقابل للأوتوماتيك .... موضوع فقد القدرة فى الموتور ده اتضح لى أنه مبالع فيه شويتين ... هو يادوبك كأنك لو كنت سايق مانيوال عادى.... كإنك بترفع رجلك من على البنزين وتدوس دبرياج وتنقل وبعدين تدوس بنزين تانى ... ده فى العادى بيتم مثلا فى ثانية أو ثانيتين بالكتير.... فى الايزي ترونيك العربية بتقوم بده بالنيابة عنك وساعدتك باشا دايس بنزين ...
وكذلك جربت المود المانيوال لقيته رائع ... انت بتزود نقلة لما الموتور يعلى معاك .. ولو بتهدى مفيش لازمة انك تقلل النقلة لان العربية برده بتعمل ده من نفسها... مثال انت على الثالث وهديت قوى ... العربية تجيب التانى لوحدها .. ولو زودت السرعة تانى يبقى انت بقى تزود النقلة ....
الخلاصة من مستخدم أوتوماتيك ... فتيس رائع وجميل... كل اللى فيه ان احساسك به مختلف عن احساس الاوتوماتيك العادى .. يعنى لو اللى قاعد جنبك غمض عينيه حيتهيئله انه راكب عربية مانيوال عادى جدا.... انما مافيهوش أى مشكلة فى الأداء.. بل بالعكس حتى وانت فى الـ A بتحس بعزم أعلى من الفتيس الأوتوماتيك العادى ...
وبرده ده رأيى الشخصى .. يعنى مش كل الناس بتحب اللون الأزرق ولا الملوخية بالجمبري :E_braces[1]:
عشان كده .. نصيحة لأى حد عايز يشترى حاجة فيها فتيس ايزي ترونيك ... انه يعمل تست درايف ويجرب بنفسه .. مش شرط اللى عجب غيرك يعجبك أو العكس .. خاصة لو الواحد حيدفع مبلغ وقدره فى حاجة المفروض تعمر معاه ....
على فكره أنا عملت التست درايف فى منصور اللى فى مصر الجديدة شارع محمد فريد قرب تقاطعه مع جسر السويس .. فرع مدينة نصر اللى فى الطيران مافيهوش الإمكانية دي .....
وختاما تقبلوا تحياتى :w6266d
اهم حاجه فى الموضوع ان عجبتك الملوخية بالجمبري اصله مفيده :10d5c8~1107:اقتباس:
المشاركة الأصلية كتبت بواسطة yehia
هى فعلم مسئلة حب و تعود
لكن السيارت من جميع النواحى افضل من الموديل الذى قبله و الله الموافق