يعني ايه سبيكة وايه دورها في الموتور و ايه اعراض تلفها ؟
والف شكر مقدما للردود
عرض للطباعة
يعني ايه سبيكة وايه دورها في الموتور و ايه اعراض تلفها ؟
والف شكر مقدما للردود
الأول عاوزين نعرف السبايك بتبقى فين- كلمة سبيكه أساسا يعنى أختلاط معدنين ببعضهما أوأكتر من خلال عملية الصب أو السبك ومن هنا جائت كلمة سبيكه ....- السبايك بتكون فى مناطق التحميل للأماكن الدواره بالمحرك زى سبايك عمود الكرنك وسبايك عمود الكامه وهكذا ......- تصنع سبايك عمود الكرنك من نصفين (كل نصف عباره عن نصف دايره ) علشان لما نجمعهم مع بعض يبقى العمود بيلف جواهم ومحمل عليهم .......- السطح الخارجى للنصف الواحد بيصنع من الحديد العادى بمواصفات خاصه طبعا .....قد يكون من الصلب مثلا أو الحديد المطاوع ولكن ليس من الحديد الزهر ( حسب خصائص كل معدن )....المهم أنه حديد وخلاص .....علشان السطح الخارجى ده بيكون ليه مواصفات خاصه برضه وليه سمك معين ......- نيجىء بقه للسطح الداخلى (اللى بيتحط عليه عمود الكرنك) وهو ده اللى بيحصل عليه الحمل لحظة الدواره بالذات والتبطيل ....لأن العمود بيبدأ ينام على باطن السبيكه .....- باطن السبيكه ده (النصف الواحد ) بيطلى أو يصب عليه معدن معين طرى عن الخارجى وأسمه العلمى ....ماده بيضاء أو white ....l بسمك ضعيف جدا وبتكون الماده البيضاء دى من معدن أسمه بابت على ما أفتكر
وتحته بيكون برضه ماده من خامه معينه من مادة النحاس .....- بالبلدى كده ....الحديد تحت ثم النحاس فى النصف ثم الماده البيضاء ....اللى بينام عليها عمود الكرنك ...............- الثلاثة مواد دول ....بيتحطوا على بعض بالترتيب اللى قولنا عليه .....وبيكونوا مايسمى بالسبيكه (لأننا سبكناهم مع بعض ).......- ده كلام تقريبى لكلمة سبيكه ............
الف شكر يا بشمهندس / سمير انت فعلا انسان خدوم ربنا يخليك
وانا هطمع في كرم حضرتك ممكن تقولي طيب لو الموتور محتاج سبيكة بنعرف ازاي؟
ولو تسمح ممكن تمدنا بصور ولك جزيل الشكر
الحقيقه دى الصوره المتاحه عندى دلوقتى ...........وفى الصوره (المجموعه رقم 5 بتمثل سبايك عمود الكامات .....وعباره عن أربع أزواج (علوى وسفلى )........أما المجموعه رقم 31 عباره عن سبايك عمود الكرنك )......على فكره الصوره لمحرك بكامتين .....بس هو طبعا مبين لنا سبايك عمود كامه واحد فقط .................عيب السبايك بيبان من نقصان ضغط زيت المكنه ( بس طبعا بنكون مطمنين لباقى دورة الزيت ونوعه )......ومن علامات تلف السبايك أيضا ظهور دق زى الشواكيش ومستمر بصفه دوريه مع عمل المحرك ...والدق ده ممكن تلاحظه بصوره خفيفه أو قويه وقادم من منطقة الكرتير سواء وقت الدواره مع أستمرار الصوت .....أو والمحرك دائر على السلانسيه الساخن ...........دى صوره مبسطه لأن التحليل العلمى كبير جدا للحاجات دى ............وأهم شىء طبعا الفكرهاقتباس:
وانا هطمع في كرم حضرتك ممكن تقولي طيب لو الموتور محتاج سبيكة بنعرف ازاي؟
اضافة بسيطة
السبائك زي طاقم الشنبر في 010 و020
وطبعا ده لما الكرنك بيتخرط بتجيب اللي سمكها اكبر لكي يتم تعويض فارق الخرط
الف شكر يا جماعة علي الردود و التوضيح انا فعلا استفدت منكم كتير