الموضوع: منع المحجبات من دخول شواطئ الإسكندرية

المشاركة الأصلية كتبت بواسطة ahmed hassan

أنا مش فاهم قصد حضرتك. ممكن بسبب إن حضرتك مش كاتب عربي صح< يا ريت توضحلنا أني مش فاهم انت مع ولا ضد.

من ناحيه تانيه بغض النظر عن الاماكن دي ممكن متكونش مناسبه لاي حد عنده حد أدنى من الاحترام... بس بردو مينفعش يك،ن فيه منع رسمي للحجاب!!

علي فكره يا جماعه
اللي انا شوفته في قريه سياحيه
كان مكتوب ممنوع نزول البيسين الا بملابس السباحه
انما ممنوع دخول المحجبات دي مشوفتهاش بعيني
وبرضه كان يومها معايا ناس نزلوا الميه بالحجاب ومحدش اتكلم ولا فتح بقه
يا ريت لو حد يتاكدلنا من الوضوع من مصدر موثوق بيه ثقه شخصيه
الشواطئ سالفه الذكر في المقال زي اوكسجين مثلا لحد وقت قريب كان شاطئ عام
لحد ما اخدوه شويه منحلين او حد من اصحاب البارات وعمله شاطئ مخصوص لاهوائهم ولتلبيه حاجات الشباب الغير محترم
وانا طالما اهل بيتي محترمين ومحجبات يبقي استحاله حدخل شاطئ من شواطئ العري دول حتي لو ببلاش
وحروح شاطئ محترم حتي لو بتمن مغالي فيه

ماهي البارات والكباريهات ماليه الدنيا ومش مكتوب عليها ممنوع دخول المحجبات
بس لو لقينا محجبه جواها اكيد سمعتها حتكون من سمعه المكان اللي هي متواجده فيه
يا ريت لو منكبرش الموضوع يا جماعه
نسائنا وسيداتنا مش سمك حيموت لو منزلش الميه
ولو ممنوع دخول المحجبات لا مكان في الدنيا يبقي مش لازم يدخلوه وخليهم معززين مكرمين داخل بيوتنا
فيه حمامات سباحه خاصه للسيدات وكلنا عارفين اماكنها
وفيه اماكن وشواطئ محترمه مليانه بالعائلات وبرضه كلنا عارفين اماكنها
فخليهم في اللي هما بيعملوه ملناش دعوه بيه
ولو قولنا تتقفل يبقي الاولي ان البارات والكباريهات تتقفل قبل منها
وغير كل ده
لو ربينا اولادنا واختارنا زوجاتنا كويس فاكيد حييجي جيل لا يرتاد بارات ولا كباريهات ولا شواطئ الدعر والفساد