مساعده فى شراء هيونداى اكسيل.؟؟؟

**M_HaFeZ** · 16-10-2007 06:33 PM

نويت باذن الله شراء سياره مستعمله فى حدود 30-35 الف وكتير من الناس نصحونى فى الاكسيل فياريت اعرف ايه رأيكم فيها وتقييم المتعاملين مع هيونداى لانها هتكون اول عربيه اشتريها باذن الله . والمواصفات اللى محتاجها هى تكون بتكييف وثابته على الطريق وصيانتها غير مكلفه ومشاكلها مش كتير

فايه رايكم ياجماعه وايه افضل الموديلات وايه اهم حاجات اخد بالى منها وياريت الاسعار

**hofo** · 16-10-2007 11:14 PM

انا مقدرش افيدك كتير بس اللى ااكده ليك ان فعلا احسن اختيار فى الفئة السعرية من 30 الى 35 هى الاكسيل ولو عايز نصيحتى حاول تدور على الاكسل الهاتشباك موديل 96 او 97 لانها تقفيل كورى 100 فى 100 وكانت نازلة انجكشن حتى ال 1300 منها كان انجكشن و بتستحمل وعندنا واحدة موديل 96 وعاملى لغاية دلوقتى حوالى 200 الف وشوية وعمرها ما اشتكت ولا احنا اشتاكينا

اهم حاجة وانت بتشترى خد معاك ميكانيكى شاطر خليه يفليهالك واديله اللى هو عايزه ما تبخلش عشان ماطعيتش

**M_HaFeZ** · 17-10-2007 05:37 PM

افهم منك ان السيدان مش تقفيل كورى ؟؟
الناس رشحتلى الاكسل علشان تقفيل كورى

**thegreatnileman** · 17-10-2007 10:38 PM

زود الميزانيه شويه وهات اكسيل 1500 علشان ال1300 لما بتشغل التكييف فيها العربيه بتتكسح
وسيبك من حكاية المصرى والكورى لان غبور كان بيقفلها كويس زمان فى التسعينات مش زى الهبل بتاع دلوقتى

**ihab** · 17-10-2007 10:45 PM

فعلا ال 1500 احسن بكثير من ال 1300 بس محتاج تزود الميزانية شوية
و خلى بالك و انت بتشترى و تبص فى الحوض كويس لانها بيبقى فيها شروخ زى بتاعت ال 128

**Nader** · 17-10-2007 11:50 PM

افهم منك ان السيدان مش تقفيل كورى ؟؟
الناس رشحتلى الاكسل علشان تقفيل كورى

الكوري كان اخرة 94 وممكن تلاقي عربية 1300 كوري موديل 93 او 94 اغلى من الـ1500 المصري، المهم تكشف على العربية كويس قبل الشراء.

**zezo13178** · 03-11-2007 08:05 AM

الهونداي كوري لحد 94 بس عموما 1500 احسن من 1300 بكتير حتي لو مصري لو عاوز تجيب بنفس السعر تقريبا ممكن تجيب سويفت احسن من الاكسيل من ناحيه الموتور والثبات لكن عموما الاتنين صاجهم ضعيف

**Mohamed A S** · 03-11-2007 01:49 PM

على فكرة يا جماعة أنا لما كنت بدور على عربية كان أول اختيار ليه بناء على نصائح ناس كثير أوي كانت الاكسيل وفعلاً دورت كثير وشفت كثير منها ووجدت أن فيه موديلات 96 تقفيل كوري وفيه منها تقفيل مصري برده يعني الكوري نزل منها لحد 96. وفعلاً الملحوظة اللي قالها الأخ ihab مضبوطة تخللي بالك كويس وتبص في الحوض بتاعها وخصوصاً عند الكارتيرة يمين السيارة لأن بيبقى فيها شرخ في معظم العربيات. طبعاً بالإضافة للكلام اللي قاله الأخوة الكرام أن 1500 أفضل من 1300 بكثير، وربنا يوفقك.

**AYMAN4PLUS** · 04-11-2007 11:22 AM

السلام عليكم ورحمة الله وبركاته ،

أنا معروض على سيارة اكسيل موديل 96 1300 CC بكل الكماليات ، وحالتها كويسة وبسعر 34000 الف جنيه وممكن تنزل ، هل أشتريها ؟

وهل الفرق بين الاكسيل 1500 و1300 كبير للدرجة التى تجعلنى لاأشترى ال1300 .

مع العلم أننى لاأشغل التكييف الا فى شهرين الصيف فى السنة ، وفى الشتاء لاأحب التكييف الساخن .

أرجو الرد من الاخوة أصحاب الخبرة .

الموضوع: مساعده فى شراء هيونداى اكسيل.؟؟؟

LinkBack

أدوات الموضوع

عرض

-

-

-

-

المواضيع المتشابهه

هيونداى اكسيل 96

طلب مساعده فى شراء هيونداى اكسنت 98 خليجى

هيونداى اكسيل

هيونداى اكسيل

هيونداى اكسيل 97

الكلمات الدلالية لهذا الموضوع

المفضلات

المفضلات

ضوابط المشاركة