أنا بعمل صيانة لعربيتىِ (طقم سيرفس+تغير مستعدين وجلب مقصات)

وحبيت أشارك الجميع يمكن أفيد حد في بعض أسعار قطع الغيار والعفشة وأماكن أفضل ورشة عفشة وأحسن مكان قطع الغيار

أولا : كل الناس بيشتكو من مساعدينAveo فسألت على كل أنواع المساعدين المنرو & kyb
روحت توكيل منرو وسألتهم علىمساعدين للأفيو
وللأسف لقيت مفيش مساعدين منرو تركب وكان فى مهندس محترم جدا قالي كل ملاك الأفيو والأبترا والأسبرنزا بيسألوا على موضوع المساعدين بس للأسف مفيش
وقالى أكلمة ا تانى النهاردة علشان يأكدلى الموضوع دة
وبالسبة لل KYB لسا هسأل في التوكيل وهرد عليكم

بالنسبةلأفضل ورشة للعفشة فى كل الأنا جربتهم ورشة عرفتها من نيلموتورز هى ورشة النصر خلف سينما جلاكسى في المنيل ومميزاتهم محترمين جدا فى التعامل ومحترفين في شغلهم جدا والورشة نضيفةومجهزة
وعندهم نظام ومواعيد بجدبس لازم تحجز قبا ماتروح

بالنسبة لمحلات قطع الغيار بعد اللف والبهدلة لأقيت محل عندهم كل انواع قطعالغياربدرجتها الكوري و غيرة
وبيقولك اية أحسن حاجة و مش لازم الأغلى يكون أ حسن واية اللى الناس اشتكو منة وبيفهمك على كل
حاجة قبل ماتشترى ويقولك لوحبيت تسال أسال وارجعلي وكفاية الزوووق والتعامل ولأمـــــــانـة
المحلفى أول فيصل من ناحية ميدان الجيزة و أسمة المنير و في راجل محترم قوى الى ساعدنى وفهمنى على كل حاجة اسمة أ/ سامح المنير ومعاية موبايلة لو حد عاوز يسأل على حاجة

بعض أسعار قطع الغيار الي اشترها والي سألت عليها:

مساعدين أمامى كوري 420 ج (عمرهم 8 شهور : سنة)
مساعدين أمامى أورجينال 800 ج

و أ/ سامح قالى خد الكورى لأنهم ليهم نفس العمر تقريبا ومفيش فرق في الأداء بس انا لسة هشوف موضوع المساعدين KYB

سير كاتينة أورجينال
+سير متور تايلاندي
+فلتر بنزين انجليزى
+فلتر هوا المانى
+بوجيهات NGK يابانى ( جنية 40 )
_____________________
185 ج

وكان ممكن أوفر يعنى شوية حاجات بس أنا قولت أجيب أحسن حاجة

أسلاك بوجيهات كوري------------40 ج
بلية سير كاتينة أورجينال 150 ج بتتغير كل 45000 كم
بلية سير كاتينة كوري 80 ج بتتغير كل 25000كم (أنا جبت دي علشان أنا ناوى أعمل طقم الصيانة كل 30000 كم)
جلب مقصات كوري 35 ج و صينى 15
مقص كورى أصلى 150 ج



و أن شاء اللة كل ماشترى حاجة أو أعمل حاجة عند حد هقولكم على طول أن كان كويس ولا لأ وأحسن حاجة أية

وخصوصا موضوع المساعدين و خلو بالكو علشان في تقليد في قطع الغيار كتير فشوفو حد ماضمون وتأكد من فينيش الحاجة اليبتشتريها

يارب أكون ساعدتكم باى حاجة