الموضوع: السرعات المقررة

معلش يا جماعة انا ليا رأى احنا عندنا طرق المحافظة كلها ( طرق سريعة طبعا) السرعة فيها للسيارات الملاكى 60 حتى و لو كان الطريق واسع و حلو هما تقريبا عملين السرعات ديه علشان يسحبوا رخصنا و يدفعونا غرامات و خلاص يعنى مسألة مادية بحته و ده طبعا ما يمنعش ان فى طرق تستحق ناك تمشى على 60 مثلا زى الطريق الدائرى فى الاسكندرية و وجهة نظرى الطريق ده ملفاته جامده قوى و تستحق 60 بس الغالبية العظمى لا تستحق

و ده طبعا ما يمنعش ان فى طرق تستحق ناك تمشى على 60 مثلا زى الطريق الدائرى فى الاسكندرية و وجهة نظرى الطريق ده ملفاته جامده قوى و تستحق 60

يا راجل ... دة الطريق الدائرى بتاع اسكندرية هو الطريق الوحيد اللى يوديك من غرب البلد لشرقها و العكس على سرعة 100 الى 120 و بدون مطبات أو تقاطعات أو أى عوائق .... هو بعض أجزاؤه فيها ملفات جامدة طبعاً لكن ممكن تاخدها على 80 أو 90 بدون خطر و ممكن على 110 أو 120 لو عايز تشعر ببعض الاثارة

انتوا بتتكلموا عن الطرق اللى جوه القاهره
و فعلآ صلاح سالم و الكورنيش ماتمشيش فيهم 60 حتى لو انت حبيت من نفسك تمشى على السرعه الجباره دى هتلاقى طيارات بتعدى من جنبك
طيب لو كورنيش الأسكندريه على ما أتذكر ناحيه مكتبه الأسكندريه على الكورنيش الطريق واسع جدآ و الطريق محترم
و المدن الساحليه برضه السرعات داخل المدن 60
يعنى شرم الشيخ مثلآ الطريق واسع و فاضى أساسآ و برضه 60 و الغريب بقى ان الطريق فاضى و العربيات بتجرى و مايعديش اسبوع غير لما تلاقى حادثه
و الغردقه برضه طريق المطار مايتمشيش فيه اقل من 100 و دى سرعه معقوله على طريق زى ده
و دلوقتى الغرامه لسحب الرخصه 201 جنيه مصرى لاغير و دى اقال شريحه للسرعه
و الطرق السريعه دلوقتى اقصى سرعه فيها 100 للطريف الفردى و 90 للمزدوج و طريق القطاميه 120 نظرآ للمواصافات الخاصه اللى اتعمل بيها مع انى شايفه عادى و كل شويه بيكسروا فيه
طبعآ السرعه للطرق السريعه جنان و محدش بيلتزم بيها
ليا صديق فى الأمارات بيقولى الطرق السريعه فيه منها 140 و فيه 160

انا شايف ان 120 تبقى سرعه معقوله على الطرق السريعه و لو حد عدى السرعات المقرره تبتدى الغرامه
و الأفضل تبقى غرامه فوريه لكن مش يسحب الرخصه و ده موال تانى
علشان ترجعها لازم تروح بنفسك المرور و تاخد رقم الصادر و بعدين تروح النيابه علشان تدفع الغرامه و طبعآ الخزينه بتقفل الساعه 12 و تاخد الوصل و ترجع للموظف و تاخد منه الرخصه
طبعآ ده يوم كامل علشان الرخصه
امال لو هترخص العربيه بقى هتعمل ايه
فى اوروبا و الدول المتقدمه الطريق السريع بيبقى اكتر من حاره ( حاره للبطئ و حاره للمتوسط و حاره للهاى سبييييييييييد )
و لو ماشى بسرعه جدآ فى الحاره اللى مش مخصصه لسرعتك تتسحب رخصتك

من الأخر فى مصر مفيش طرق نضيفه ولا سرعات عدله ولا عربيات محترمه
و كله جاى على الشعب الغلبان

و عذرآ للأطاله ..... أصل مخنوق شويه