حـان موعــد انعـقـاد ثــانــى قـمـه للجمــاهيـريــــه الـبـروتــونـاويــه

**medhat_skaik** · 19-07-2009 11:09 AM

أنا ماعنديش أي حجة...بما إنني من سكان الرحاب إنشاء الله حكون متواجد معاكم

بخصوص الأماكن المتاحة في الرحاب هي كالتالي:

1. منطقة المطاعم المفتوحة هناك الإختيارات كتيرة بالنسبة للقعدة بس بالنسبة للبارك يبقى زي مقال العضو AMECATH عند البارك بتاع المسجد

2. قاعة ليلاك (خلف جهاز المدينة - عند بوابة 6) المكان هناك OPEN AIR برضوه بس الميزة إنه أكبر من أي محل في منطقة المطاعم المفتوحة وكمان في بارك معقول جنبها

3. المول الجديد (مول الرحاب 2) القعدة هناك في CASINO CAFE وبالنسبة للبارك بتاع المول واسع جداً

دي الإقتراحات اللي عندي ولو أي حد عاوز يغرف اي حاجة بالنسبة للرحاب أنا تحت أمركم
ونشوفكم الجمعة الجاية إنشاء الله

<p>

المشاركة الأصلية كتبت بواسطة gogo30568

انا برده افضل يوم الجمعة بس الساعة كام وياريت حد يقولي ازاي اروح الرحاب عشان انا اصلاً ماعنديش عربية ومعرفش مواصلات ليها اكون شاكر لو حد دلني

</p>
<p> </p>

بالنسبة إزاي تيجي الرحاب يا GOGO في أتوبيسات الرحاب وهما خطين:

الخط الأول (خط مصر الجديدة) من أمام محطة مترو سراي القبة ومحطاته كالتالي:
- أمام محل الحلويات لابالما تقاطع جسر السويس مع شارع القبة
- أمام مكتبة المعايرجي بجانب محطة البنزين روكسي
-أمام محل زلط مصر الجديدة
-أمام نادي هليوبوليس
-أمام سنترال ألماظة - شارع الثورة
-تحت كوبري النزهة - شارع الثورة
-أمام سفارة الإمارات - شارع الثورة
- الناصية اللي تحت كوبري النادي الأهلي - أول طريق السويس

الخط الثاني (خط مدينة نصر) من أمام مطعم باباي شارع أحمد تيسير عند كلية البنات ومحطاته كالتالي:
-أمام محل سلامة للعربيات بجوار طيبة مول
-أمام محل رحمة للمفاتيح عند عمارات 15 مايو بعد الجامعة العمالية
- بعد ناصية شارع مكرم عبيد
- بعد ناصية شارع أحمد فخري
- بعد ناصية شارع النادي الأهلي
- الناصية اللي تحت كوبري النادي الأهلي - أول طريق السويس

الباص بيعدي كل 20 دقيقة وسعر التذكرة 3.5 جنيه

**momenhamdy** · 19-07-2009 03:15 PM

الاخ الفاضل ايمن

تحيه ليك و لكل الاخوه الاعضاء الافاضل

اتقدم لك بخالص الاعتزار و ذلك لعدم قدرتي علي الانضمام الي هذه المقابله

وذلك لوجود ظروف تمنعني من الحضور خارج عن اراضتي

واتمني لك و لكل الاخوه الافاضل بمقابله سعيده و مفيده و مليئه بالمفاجأت الممتعه

وتقبل تحياتي

**Ayman_52** · 20-07-2009 03:57 AM

المشاركة الأصلية كتبت بواسطة momenhamdy

الاخ الفاضل ايمن

تحيه ليك و لكل الاخوه الاعضاء الافاضل

اتقدم لك بخالص الاعتزار و ذلك لعدم قدرتي علي الانضمام الي هذه المقابله

وذلك لوجود ظروف تمنعني من الحضور خارج عن اراضتي

واتمني لك و لكل الاخوه الافاضل بمقابله سعيده و مفيده و مليئه بالمفاجأت الممتعه

وتقبل تحياتي

الاخ العزيز مؤمن حمدى

كنا نتمنى حضورك والله .... لنتشرف بمعرفه شخصك الكريم

بس مادام عندك ظروف خارجه عن (اراضتك)

.... يبقى خلاص سماح ياباشا

.
.
.

ايه رايك فى لغتى العربيــه

----
كلام عالهامش :-

اى يوم يا ميمو تنزل القاهره تقولى ... اشطه...

تحيــــــــــــــــاتــــ ى

**jisso82** · 20-07-2009 08:31 AM

المشاركة الأصلية كتبت بواسطة Ayman_52

ملحوظه على جنب :

بالشكل دا البيرسوناويه هيكونوا اكتر من الجيناويه ... وحضرتك عارف دا معناه ايه؟؟؟ ... وانا عارف ان حضرتك مش هتقبل حاجه زى دى تحصل ..

يعنى إيه الملحوظة اللى على جنب دى
انت اللى

على جنب يا أستاذ و رخصك لو سمحت

**Eng. Rafy Samy** · 20-07-2009 11:42 AM

ايه رأيكم ننضم للمقابلة دي
http://www.nilemotors.net/Nile/showthread.php?t=85297

**MohabSaeed** · 20-07-2009 02:05 PM

المشاركة الأصلية كتبت بواسطة rafysamy

شباب اسكندرية
انتوا فين ... خدوني معاكو احسن انا ضعيف في موضوع الرحاب ده,,
ها في حد رايح علشان نتقابل ...
( دي دعوة عامة لأي حد عاوز يحضر يشرفني نروح ونرجع سوى )
بس ربنا يستر ونعرف نرجع

ماتقلقش نهائى يا رفيق باشا ....انتا و احمد باشا و كل الاخوه الى حيجو من الاسكندريه و مش حيعرفو يوصلو للرحاب انا ممكن استناكم فى اخر الصحراوى بعد الكارته ....... و نرجع مع بعض كمان لحد الكارته .
ان شاء الله كده او كده مافيش توهان ....

حناخد المحور من اول الصحراوى اتجاه ميدان لبنان لاخره " 14 كيلو " و نلتزم ب سرعه 90 كيلو لان فى 3 رادارات مابيهظروش

, و بعد كده حنطلع الدائرى اتجاه مدينه السلام .. حمشى فيه لغايه مانزهق و نحس اننا فعلا توهنا

" حوالى 40 كيلو " و ننزل نزله طريق السويس . حنكمل 4 كيلو فى اتجاه السويس و حنلاقى يافطه مدخل طريق الرحاب على يمينا . وصفه سهله مش كده

الزمن من بعد الكارته لحد الرحاب حيكون فى حدود 40 : 60 دقيقه حسب التساهيل ان شاء الله , المسافه 60 كيلو

ان شاء الله حوضحلكو الموضوع اكتر بجوجل ايرث . و كده او كده احنا مع بعض فمافيش قلق ان شاء الله .

**momenhamdy** · 20-07-2009 02:11 PM

المشاركة الأصلية كتبت بواسطة Ayman_52

الاخ العزيز مؤمن حمدى

كنا نتمنى حضورك والله .... لنتشرف بمعرفه شخصك الكريم

بس مادام عندك ظروف خارجه عن (اراضتك)

.... يبقى خلاص سماح ياباشا

.
.
.

ايه رايك فى لغتى العربيــه

----
كلام عالهامش :-

اى يوم يا ميمو تنزل القاهره تقولى ... اشطه...

تحيــــــــــــــــاتــــ ى

ربنا يخليك يا ايمن و يكرمك

ويارب نسمع عنك اخبار زي الفل و تكون النتيجه طلعت :10D5C8~1107:

وتكون كل الامور تمام ان شاء الله

واكيد يا ايمن و الله اول ما تكون في فرصه و انزل مصر اكيد حكلمك

آآآآآه بالحق ايه المواهب الجامده في الكتابه بالطريقة الرسمية دي
10/10 يا مان

تحياتي يا مون

**Ayman_52** · 20-07-2009 05:04 PM

المشاركة الأصلية كتبت بواسطة jisso82

يعنى إيه الملحوظة اللى على جنب دى
انت اللى

على جنب يا أستاذ و رخصك لو سمحت

عاوز ايه يــاض

عاوز الرخص ... طب خــد

ولما اشوفك يوم الجمعه ان شاء الله

**densfog** · 20-07-2009 05:16 PM

شكرا يا مون على الدعوه ... بالنسبالى انا هاكون فى السويس الجمعه بخلص شغل الساعه 8:30 بالليل ممكن اجيلكم بس هيبقى متأخر تقريبا 10 بالليل لو هبقى حارق على طريق القطاميه وعلى اساس انى هارجع تانى علشان ابات فى السويس بالليل بعد المقابله ... اما السبت فهاخلص برضه 8:30 شغل وهنزل كده كده علشان اسافر الأسكندريه فممكن اعدى عليكم بس برضه على حدود 10 مساءا ... هى دى ظروفى معلش دوشتك يا مون بس بصراحه نفسى فى المقابله دى من زمان .... وربنا ييسر

**Ayman_52** · 21-07-2009 04:48 AM

المشاركة الأصلية كتبت بواسطة rafysamy

ايه رأيكم ننضم للمقابلة دي
http://www.nilemotors.net/nile/showthread.php?t=85297

الافضل تكون المقابله خاصه بملاك بروتون ... ممكن نحضر مقابلات المنتدى بس تكون حاجه اضافيه جنب مقابلاتنا الرئيسيه

تحيــــــــــــــــــــات ــــــــى

المشاركة الأصلية كتبت بواسطة densfog

شكرا يا مون على الدعوه ... بالنسبالى انا هاكون فى السويس الجمعه بخلص شغل الساعه 8:30 بالليل ممكن اجيلكم بس هيبقى متأخر تقريبا 10 بالليل لو هبقى حارق على طريق القطاميه وعلى اساس انى هارجع تانى علشان ابات فى السويس بالليل بعد المقابله ... اما السبت فهاخلص برضه 8:30 شغل وهنزل كده كده علشان اسافر الأسكندريه فممكن اعدى عليكم بس برضه على حدود 10 مساءا ... هى دى ظروفى معلش دوشتك يا مون بس بصراحه نفسى فى المقابله دى من زمان .... وربنا ييسر

مش عارف بس هيكون جهد كبير جدا جدا عليك

وممكن مانطولش كتير لان هيكون معانا ناس جايه من محافظات وبالتالى هيروحوا بدرى

شوف لو عرفت تخلص بدرى وتجليلنا عالساعه 8 يبقى تمام ... انما تخلص وتجيلنا 10 وتقعدر ساعه وتسافر تانى ... اظن هيكون مجهود على حضرتك كبير...

وان شاء الله هيكون فيه مقابله فى رمضان بإذن الله ... وساعتها هنضبط قبلها بفتره كويسه

بجد بشكرك على تفاعلك واتمنى مقابله حضرتك فى اقرب وقت....

تحيــــــــــــــــاتـــى

مشاهدة نتائج الإستطلاع: حضــور المقــابلـــه :-

الموضوع: حـان موعــد انعـقـاد ثــانــى قـمـه للجمــاهيـريــــه الـبـروتــونـاويــه

LinkBack

أدوات الموضوع

عرض

-

-

-

-

-

-

-

المواضيع المتشابهه

حـان موعــد انعـقـاد ثــالــث قـمـه للجمــاهيـريــــه الـبـروتــونـاويــه

الكلمات الدلالية لهذا الموضوع

المفضلات

المفضلات

ضوابط المشاركة