انا فعلا بفكر في كدا جديا،وبفكر في الانترا او اللانســر
عرض للطباعة
لو عايز نصيحة يا دكتور مينا بلاش الالنترا الجديدة عشان مش هتفرق عن الاوبترا كتير و كمان انا حاسس انها هتضرب فى السوق..
بصراحه المقارنه صعبه يعني لازم تضحي بحاجه
الاوبترا انا بعشقها لانها تقيله سنه مريحه للركاب في الخلف فعلا حتى العفشه الخلفيه بتاعتها حلوه مش بتتاثر جامد لما الطريق يبقى منيل وكله مطبات هوا والعربيه على الطريق طول ما انت ماشي مستقيم العربيه تحسها راسيه انما الغرز تحس انك رجعت للنوبيرا بالنسبه للتكييف تكييف الاوبترا محترم والباور لا تقيل ولا خفيف هو متوسط
الموتور والفتيس في رايي انهم اضعف من موتور وفتيس الالنترا ك جوده او ك قوه وهي دي التضحيه لو اخترت الاوبترا
الالنترا بقى قصه تانيه موتور وفتيس ممتازين ك جوده وتسارع
الصالون حاجه تانيه برضو حلو جدا
الباور خفيف في ناس بتقول عيب وفي ناس بتقول ميزه وانا عن تجربتي ليه لو متعود عليه هتمشي 200 وماسك الدركسيون بصباع واحد
العفشه بقى متهيالي انها انشف من الاوبترا سنه والقعده ورا مش مريحه اوي زي الاوبترا وكمان ممكن تحس بالنقر اكتر من الاوبترا
الالنترا راسيه على الطريق بس مش تقيله زي الاوبترا
اما في الغرز التحكم بتاعها افضل من الاوبترا وثباتها افضل
ممكن اقول لو عائليه تبقى اوبترا لو شبابي تبقى النترا
الف شكر يا استاذ حمادة على اهتمامك و ردك