الموضوع: هام وعاجل لخبراء الإبيزا

السلام عليكم
أرجو المساعدة فى تسعير ابيزا 99 فابريكة دواخل وسقف باور و4زجاج كهرباء-230 الف كم ولكن مركبة موتور جديد-1000 سى سى-عفشة جيده
العيوب:
-فرامل خفيفه
-محتاجة شوية سمكرة وبويه خارجى
-بدون كاسيت
-محتاجة 2 مراية جنب
-محتاجة 2 فانوس امامى(للنظافة)
اسعار الحاجات دى كااااااااااام ولو حركب تكييف يكلف كام
يا ريت الرد بسرعة لإنى ممكن إن شاء الله اخلص النهارده
وجزاكم الله خيراً

والله ياباشا لو ع الحالة اللي حضرتك بتقول عليها فانا شايف ان يكون حدود سعرها 33 الف

اما بالنسبة للعيوب :

فرامل خفيفة فده ممكن يكون اسبابه كتير ولو تجمعت كلها فهتكون تكلفتها عالية

يعني لو مثلا السبب كان من المساتر والتيل الامامي و الخلفي او الطنابير وخلافه فهتكون التكلفة عالية الي حد ما

اما لو كانت حاجة فيهم فهتكون اسعارهم مثلا :

تيل فرامل امامي فيه تركي وفيه ايطالي وفيه الماني هيكون سعرهم من 80 الي 120 جنيه

الماستر تقريبا بيعمل 130 جنيه
تيل خلفي الماني 120 جنيه

طبعا شغل السمكرة والدوكو حسب انواع الخامات بس هو في المعدل الطبيعي هيتكلف من 2500 ل 3000 لو في الكامل

وبالنسبة للكاسيت فده بيرجع لحضرتك لو عايز تركب كاسيت عادي او سي دي نوع عادي او حاجة محترمة بايونير او كينوود او سوني فبتختلف اسعارهم طبعا ودي مش هنتكلم فيها لانها تعتبر كماليات مش هتدخل في اساس العربية

2 مراية جنب لو عاديين بيعملو حوالي 60 جنيه

فوانيس امامية هيعملوا حوالي 250 جنيه

اما التكييف سعره حوالي 2500 جنيه ولا انصح به في الموتور ال 1000 سي سي

وربنا يوفقك واي حاجة احنا معاك