عرض للطباعة
تعالوا نفكر براحة شوية
العربيتين تقريبا فى حدود ال 80 الف جنيه
طبعا كلنا عارفين الجين تو ومجربينها
ولكن ظهور التيجو 1600 عمل رجة فى السوق
بدون مانتعصب لعربيتنا
نعالوا نعمل مقارنة بينهم ونشوف مين الاحسن والاصلح
وياريت الناس تقول رأيها :S_thum1[1]:
كل الى معاه التيجو فى قسم الاسبرنزا بيشكر فيها جدا
لدرجة انى حسيت انها عربية المانية مثلا مش صينى تقفيل مصرى
واتصلت بملاك التيجو فعلا والناس بينصحوا بيها جدا جدا
ياريت نقسم العربية الجديدة وندخلها فى نحدى جديد مع الجملية جين تو
انا شايف طبعا ان الجين 2 احسن لكذا سبب من وجه نظري
1.انا ما امنش على نفسي في عربية زي استيل التيجو صيني ( ممكن تتقلب بسهولة )
2.الجين طابع رياضي و ثبات و كماليات احسن من التيجو
3.الجين اقدم و كل عيوبها معروفة بعكس التيجوا الي لسة نازلة ولية عيوبها ما ظهرتش
4.انا شايف ان التيجوا ظاهرة و هتنتهي زي السبرنزا a116 بالظبط
المقارنة غير عادلة من وجهة نظرى لأن الجين بتعتبر عربية رياضية و التيجو بتصنف حتى عشان شكلها بس جيب أو 4*4 حتى لو 4*2 برده تصنيف بعيد عن الجين و المقارنة غير منطقية لأن اللى عايز يجيب جيب مش هيشترى جين2 و لا العكس دى فئة مش أى حد بيجيبها بس عشان معاه تمنها بيبقى عايز منها أداء معين عشان مكان شغله مثلا و صعوبة الطريق بالنسبة و حاجات كتير زى دى. ما أعتقدش أبدا إن الفلوس بس هى اللى بتحكم لما أختار عربية زى التيجو.
فعلا جيسو بس الفئة السعرية هي الي حطت المقارنة
السلام عليكم ورحمة الله وبركاته
صعب اوى عمل مقارنه لمجرد التشابه فى الفئه السعريه كمعيار وحيد للحكم لازم على الاقل يبقى فيه عامل كمان زى طبيعة الاستخدام او الغرض من العربيه اصلا او العدد المتوقع ركوبه العربيه او قوة الموتور او السعه ......... المهم يبقى فيه معيار تانى يهم اللى هيشترى العربيه وحده يحكم بيه برضه عند المقارنه بين اى عربيتين يعنى مثلا لو معايا 100 جنيه مينفعش اقول اشترى فلاش ميمورى ولا mp3 ده له استخدام وده له استخدام تانى مع انك ممكن تجيب الاتنين بنفس السعر تقريبا نفس الكلام ينطبق هنا دى عربيه رياضيه هاتش باك ودى عربيه شبه العربيات 4*4 مع انها مش كده اكيد فيه اختلافات فى المساحه الداخليه ممكن تبقى فيصل لو الاسره كبيره وهكذا . فانا شايف ان المقارنه فى حاجتين مش متقاربين فى اى حاجه الا الفئه السعريه فبالتالى صعب ان المقارنه تكون موضوعيه
سلامى للجميع
جين 2 بدون تفكير خالص
هية الجين2 يمكن فيها شوية عيوب في التقفيل وكام حاجة بتعلق ويمكن خاماتها متواضعة شوية بس اسمها متجربة واللي بيشتريها عارف اللي فيها وراضي بيها على حالها وبقت معروفة ... ومهما كانت فهي برقبة اي عربية صيني .. تيجو بقه ولا ما تجوش ...
يا راجل دا أنا ساعة بجيب لأبني عربية لعبة صيني " وطبعا كل اللعب صيني في مصر " ببقى خايف عليه وهو بيلعب بيها احسن تضرب في وشه !!!!!! وطبعا بيفرتكها من اول يوم ولو تقفيلها كويس ممكن تقعد اسبوع بالكتير قوي ..
وآدي مشاركة طازة من قسم اسبرانزا حيادية والراجل باع فبيتكلم بكل صراحة ..
اقتباس:
المشاركة الأصلية كتبت بواسطة frfor
بصراحه أنا ماشي في الدنيا بمبدأ "رحم الله إمرئ عرف قدر نفسه"
وبما إني مش ضليع أوي في السيارات ومعلوماتي معظمها نظريه بحته، بصراحه أنا هاخاف أجيب عربيه صيني وأجرب على نفسي.
خاصة إن التيجو لسه ما بقالهاش سنه وأكيد في عيوب لسه ما بانتش فيها. ناهيك طبعاً عن أخبارها إيه في الحوادث لا قدر الله.
بص يا محمد و لو إن كلام أستاذ أحمد فتحى فيه المفيد لكن انا هحاول برده أوصللك وجهة نظرى بمثال له علاقة مباشرة بالعربيات مع كامل احترامى لمثال الأستاذ أحمد بتاع الفلاش ميمورى و الإم بى ثرىاقتباس:
المشاركة الأصلية كتبت بواسطة mohamed_3abdel3al
لو انت معاك 200 ألف و عندك عائلة مكونة مثلا من ثلاث أفراد هل ممكن تجيب عربية كوبيه 2 باب فقط و بدون كنبة خلفية حتى لو معاك تمنها.
أعتقد ساعتها المقارنة السعرية مش هتبقى مفيدة هنا تماما لأن العربية أصبلا مش هتغطى احتياجاتك إطلاقا.
+1111111111اقتباس:
المشاركة الأصلية كتبت بواسطة ahmedfathy77
بس الاقبال عليها كبير جدا
وعملت هزة فى السوق
بدليل غبور نزل اسعارة مرتين فى اسبوع واحد !!!!!!!!!!!
السلام عليكم ورحمة الله وبركاته
ايه اصلا العربيه اللي بتتكلمو عليه دي ياريت حد يجبلنا شكلها انا سمعت من الأخوه انها مماثله لفئة الجيب كنت ممكن تقارن
بيت الجين و Frv بس انا من رأي وبدون تحيذ الجين تكسب طبعا كل الصيني من غير تفكير حتي الأسبرنزا 2000 سي سي
انا مشيت معاها و عديتها كمان لأني سحبها تقيل جدا !!!!!!!
المقارنة سعرية مش اكتر اللي حضرتك بتتكلم فيها .... حدد احتياجاتك وساعتها تعرف العربية اللي هتركبها بس يا ريت عموما تبعد عن التيجو
اقتباس:
المشاركة الأصلية كتبت بواسطة Ghost2
++1
بالظبط كده يعنى حضرتك لو هتقارن التيجو 4*2 يبقى تتقارن بالعربيات اللى شبهها فى نفس الفئه زى السكوربيو او الكومودو الفئات دى اللى هى بالظبط بتعنى انا نفسى اركب عربيه لها طابع العربيات ال 4*4 بس طبعا العربيات دى غاليه جدا فالصين وفرت لك الشبيه طبعا مع الفارق الشاسع بس حاجه تديك احساس قريب له. بس فرق سعر التيجو عنهم كبير اوى التيجو اقل طبعا فاكيد خبراء العربيات دى يقدروا يقولوا لنا الفرق بينهم وليه التيجو اقل فى السعر كتير كده انما الجين 2 ممكن تتقارن مثلا ب frv او النيو اكسنت وممكن الياريس على استحياء على الرغم انها اغلى مش عارف ليه و على الرغم انها عربيه رياضيه هاتش باك معرفش ليه الناس دائما حاشرينها فى مقارنات عجيبه كنت بعمل مره موضوع عن المقارنات اللى دخلتها الجين 2 فى قسم المقارنات لقيت حاجات عجيبه اللى مدخلها مع بى ام مستعمله واللى مدخلها مقارنه مع كيا سيراتو ومرسيدس واوكتافيا الحقيقه العربيه دى تعبت من المقارنات الغير عادله ومع كده اثبتت جداره فى الصمود امام الوحوش دى وكان قليل ما تخسر استفتاء على الرغم من قوة المنافسين وده انا شايف راجع لسبب رئيسى ان الجين 2 بلا منازع هى من اعلى ان لم تكن اعلى السيارات فى مصر من ناحية القيمه الماليه للمنتج يعنى بتشترى عربيه ذات امكانيات عاليه جدا بسعر قليل مع عدم التاثير على الجوده للعناصر الاساسيه للعربيه عشان كده نلاقى الناس معظمها تشتكى من حاجات تندرج تحت عنوان كبير اسمه جودة خامات الصالون و التقفيل بمعنى اصح الشركه ممكن بتوفر شويه فى موضوع الخامات ده بس مابتوفرش لا فى موتور ولا عفشه ولا اى حاجه ممكن تخلى العربيه تقف منك فى الطريق انما بتديك موتور مصصم ومنفذ بالتعاون مع شركه من اكبر شركات السيارات الرياضيه فى العالم ( انا كان اول مره اعرف ان فيه عربيه اسمها لوتس كنت صغير جدا فى ابتدائى او اعدادى وسمعتها فى فيلم امريكى وكانوا بيتكلموا عنها كانها حاجه خرافيه ملهاش مثيل ) وفى المقابل بتستحمل شوية حاجات عبيطه فى التابلوه او فى الكنبه او لمبه تنور وده السبب الحقيقى اللى بيخلى الناس بتعشق العربيه مع مشاكلها الصغيره المتكرره لان زى اى صفقه فى الدنيا حضرتك بتكسب حاجات وبتضحى بشوية حاجات صغيره فى المقابل هى كده بالظبط الجين 2 الصفقه الرابحه دائما ان شاء الله وده اللى مخليها تصمد فى السوق من غير اعلان واحد لوجه الله وباى حال استنوا الجين 2 والبروتون عامة فى الخمس ست سنين القادمين انا متاكد ان الناس هتصحى فجاه هتلاقى بروتون احتلت مصراقتباس:
المشاركة الأصلية كتبت بواسطة jisso82
سلامى للجميع
يا جماعة اولا حاجة ما ينفعش الي انت بتقولو انا دلوقتي معاية 100000 و بفكر في عربية ببتدي ارص كل العربيات الي انا بخترهم دلوقتي الراجل عجبه الجين و عجبه التيجو وال2 عربيات و بنفس السعر يبقى اكيد في مقارنة ما بينهم من ناحية سؤال مهم اركب اه ب 90 الف جنيه ؟؟؟ هتلاقي الاجابة
1.جين2
2.تيجو
يبقى اكيد في مقارنة
المقارنة في غير محلها
لأختلاف الغرض من السيارتين ...... مش السعر بس اللي بيحدد المقارنة .........
الجين 2 عربية صالون رياضية
التيجو ....... عربية تعتبر عربية سفاري ....... مش بتاعة جري يعني .......
بغض النظر عن العربيتين فنيا ........... مينفعش نقارن بينهم خالص .
السلام عليكم
اختبار تصادم التيجو ممكن يجاوب على السؤال ......................
YouTube - ‫ط§ط®طھط¨ط§ط± طھطµط§ط¯ظ… ط£ط³ط¨ظٹط±ط§ظ†ط²ط§ طھظٹط¬ظˆ 2‬‎
طب مش حضرتك تدينا نتيجة الاختبار ده كانت كام من كام. التقييم يعنى بتاع الناس اللى عملوه كان ايه وياريت لو حضرتك تجيبلنا اختبار الجين 2 وتقييمه برضهاقتباس:
المشاركة الأصلية كتبت بواسطة mnabil1980
اقتباس:
المشاركة الأصلية كتبت بواسطة ahmedfathy77
الحقيقة لا توجد عربية بروتون دخلت اختبار الأمان الأوروبى غير الواجا سنة 2002 وخدت 3 نجوم ودة الاختبار
YouTube - Proton Waja/Impian Euro NCAP Crash Test
حتلاحظ ان تأثير الاصطدام على الكابينة أقل بدرجة ملحوظة من التيجو والابواب ماتخلعتش.
بالنسبة للتيجو مش مكتوب فى الفيديو نفسه هى خدت كام نجمة بس دة اقتباس من ويكيبيديا
طھط´ظٹط±ظٹ - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط.ط±ط©
اقتباس:
رسوب مركباتها في إختبارات السلامة و الأمان Euro NCAP
دخلت جميع مركبات شركة تشيري إختبارات السلامة و الأمان في القارة الأوروبية حيث أنها تتمتع بجميع أجهزة السلامة التي تقي من الحوادث مثل موانع الانزلاق و الإنغلاق و التوزيع الالكتروني لقوة الفرامل ... الخ ، إلا أنها لم تنجح في اختبار السلامة بسبب وجود ضعف في قاعدة المركبة ( الشاسية ) حيث أن شركة تشيري تسعى لتخفيض تكلفة و قيمة المركبة عن طريق تقليل كثافة قاعدة المركبة (الشاسية) وذلك بإفرغ المعدن من داخله ما يجعل المركبة رخيصة الثمن ومنافسه في الأسواق و لكنها عندما أجري عليها اختبار السلامة ( الاصطدام ) على سرعة 60كم/ساعة تحطمت المركبة حتى أن السائق الإفتراضي قد أصيب إصابات بالغة تؤدي إلى الوفاة وبالتالي فقد حازت مركبات تشيري على درجة 0/5 http://upload.wikimedia.org/wikipedi..._empty.svg.pnghttp://upload.wikimedia.org/wikipedi..._empty.svg.pnghttp://upload.wikimedia.org/wikipedi..._empty.svg.pnghttp://upload.wikimedia.org/wikipedi..._empty.svg.pnghttp://upload.wikimedia.org/wikipedi..._empty.svg.png في اختبار السلامة وبالتالي فإن مركباتها لا تعد آمنةً في الحوادث حتى البسيطة.
mnabil1980
على فكرة أنا بكره العربيات الصينى و مبرتحلهاش خالص ... بس إقتباس الويكيبيديا ده مش مقتنع بيه لسبب, هو إن ممكن أى واحد يكون بيكره العربية الشيرى يدخل يشتم فيها على الويكيبيديا و خاصة إن الويكيبيديا زى ما إنت عارف موسوعة حرة ... و الكلام ده مش موجود فى النسخة الإنجليزى ... حاول تكون مصادر معلوماتك من ال EuroNCAP نفسها مثلا .. إنت فاهم قصدى ؟
اللى أنا مستغربله إن إزاى عربية بالشكل ده تكون خفيفة بالطريقة دى ؟!؟ - دى الواجا مترفعتش عن الأرض كل ده و هى بتاع 1200 كجم ... أمال دى كتلتها كام بقى ؟
طب هى الجين 2 مش بتتباع فى انجلترا ازاى ملهاش اختبار امان اوروبى وبتتباع فى اوروبا ياريت حد يوضح لنا النقطه دىاقتباس:
المشاركة الأصلية كتبت بواسطة mnabil1980
محمد باشا والله انا واصلالى وجهة نظرك بس المشكلة إن احتياجاته من العربية هى اللى تحكماقتباس:
المشاركة الأصلية كتبت بواسطة mohamed_3abdel3al
لكن بعدي عن نقطة الاحتياجات دى قوللى انت إيه تانى بيجمع بين الجين و التيجو غير موضوع السعر.
أصل لو بيسأل شكل مين أحلى مش هقدر أبطل ضحك :C_laugh[1]:
و لو إمكانيات غالبا هتكون نفس الإجابة و حتى لو أسعار الصيانة و قطع الغيار برده الإجابة هتبقى الجين من غير أى مقارنة ببصة صغيرة فى منتدى كل واحدة فيهم.
انا اسف بس انا متعصب ضد الصينى وطبعا رأيى الجين تو و بمراحل ومحدش فى العالم بيشترى العربيات الصينى الا الصينيين واحنا.
انا شوفت سبيرانزا a213 عاملة زي حديد الخردة اصلا بعد الحدثة
مفيش حاجة اسمها امان مع الصيني
السلام عليكم ورحمة الله وبركاته
ان الواحد يحب شىء ما او يفضله ده شىء جميل بس بلاش كلمة تحيز عشان بتدى احساس بعدم المصداقيه لما صاحبها بيقولها وفى نفس الوقت لو كلنا تحيزنا لماركة او فريق او بلد يبقى نلغى الحوار اصلا وكل واحد ما يتكلمش عن اى شىء اخر . مش عيب انك يكون لك وجهة نظر ومش عيب انك تدافع عنها بس بالحجه والدليل والكلام المظبوط مش مجرد انى بكره شىء ما يبقى خلاص يعنى لو كلنا تحيزنا للمنتج الاوربى فى السيارات مثلا على اساس انهم يمثلون العراقه والجوده العاليه عمر ما كان فيه عربيه من اسيا هتشوف النور نفس الكلام لو قلنا الامريكى هو الاقوى والاضخم انتاجا فى عالم السيارات محدش هيجيب لا اوروبى ولا اسيوى . انا قصدى اننا لو بنكره حاجه نقول عشان فيها عيوب كذا وكذا ولو بنحب حاجه يبقى عشان كذا وكذا خاصة ان اكيد فيه ناس تانيه ليها وجهة نظر مخالفه لوجهة نظرى وبرضه لازم نحترم وجهة نظرهم زى ما انا احب انهم يحترموا وجهة نظرى
زى ما انا مبحبش حد يكره ما احب بدون بسبب برضه ما ينفعش اكره حاجه ناس تانيه بتحبها بدون سبب
سلامى للجميع
اقتباس:
المشاركة الأصلية كتبت بواسطة ahmedfathy77
ياعينى ياعينى عالكلام الموزونhttp://s173.photobucket.com/albums/w...h_happy091.gif
-----
كلام عالهامش :-
والله يابشمهندس انا قلقان وخايف http://s173.photobucket.com/albums/w..._scared003.gif ومش عارف انام وعندى معاد الصبحhttp://s173.photobucket.com/albums/w...h_sleep022.gif ... وكل شويه حد يقولك النتيجه هتطلع كمان ساعهhttp://s173.photobucket.com/albums/w..._whacky061.gif
ماذا تفعل لو كنت مكانى؟؟؟؟
http://s173.photobucket.com/albums/w...h_tongue-2.gif