الموضوع: اجيب مايوال و لا اتوماتيك

اوتوماتيك اوتوماتيك اوتوماتيك بس تحافظ عليه و تتابع الزيت بتاعه انا بضرب نفسى 100 جزمه انى جبت مانيوال و فعلا موضوع العصبيه دى باينه عندى جدا فى سواقه المانيوال انا ببهدل العربيه دا غير عدم التركيز لان دماغك فىالغيارات و ايدك مش فاضيه لكن انا بسوق الاوتوماتيك بمنتهى السهوله و الهدوء و التركيز حتو و انا بركن العربيه المانيوان بركنها غلط لانى بزها من المارش و الدبرياش كل شويه و طالع لقدام و راجع لورا عشان اركن لكن الاوتوماتيك مبتحملش هم الكلام دة خالص داغير ان سلك الدبرياش ممكن يقطع منك كل 3 شهور زى ما هو حاصل مع واحد صاحبى معاة ميتسوبيشى بطه كل ما يجيب سلك يقطع منه لانه تقليد مش اصلى و مش لاقى اصلى و العربيه بتقف منو و هو مسافر كتيير لما كرة نفسو ثانيا انتا فى المانيوال بتدوس اوى على الموتور لانك حاسس ان كل جهد العربيه تحت رجلك و بتجيب معاك السرعات بكفائه فطبيعى انتا كشاب بتدوس حامد و ميمنعش من نتشه و اتنين كل يوم مع حبايبنا اللى بيشدو و دا كلو هلك فى الموتور و بتعلى فى الار بى ام و بتحرق على الغيار و دة من غير ما تحس لكن الاوتوماتيك بيخلى اعصابك هاديه و مش فى دماغك كل الكلام دة دا بيجرى دة بيطير انتا مش فى دماغك ماشى بهدوء و مركز و الموتور مظبوط معاك و انتا ماشى مظبوط + متعع القيادة

الأوتوماتيك بيستهلك بنزين أكتر من المانيوال دي حقيقة و معلومة صحيحة موثقة بس طبعا أريح بمراحل في السواقة من المانيوال, الأوتوماتيك تكاليف إصلاحه أغلى بكتير من تكاليف إصلاح المانيوال , سعر السيارة الأوتوماتيك أغلى بفرق كبير عن نظيرتها المانيوال.
في المدن الكبيرة المزدحمة يفضل الأوتوماتيك. خد بالك إن كمان في ناس عندها حب تغيير الجير من أول لتاني لتالت للرابع و ههكذا و بالعكس , طبعا في الأوتوماتيك مش متاحة متعة تغيير الجير.
أنا سقت بإستخدام الأتنين الأوتوماتيك و المانيوال كنت بحب جدا الأوتوماتيك لدرجة العشق و كنت بكره المانيوال بس بصراحة لما إتعلمت السواقة الصح فضلت المانيوال عن الأوتوماتيك و إشتريت سيارتي مانيوال و ماحبش أسوق دلوقتي أوتوماتيك خالص.
بس نصيحتي ليك لو فعلا عايش في القاهرة أو إسكندرية أو مدينة كبيرة في مصر إنسى المانيوال و إشتري الأوتوماتيك عشان أعصابك و صحتك زي ما ذكر أحد الأخوة سابقا و بالتوفيق إن شاء الله.