بما اني مش هسقط : حد يفهمني اية الي بيحصل في الماتور ؟

**mynameh** · 17-07-2009 02:59 PM

السلام عليكم

من فترة كانت العربية كل مامشي بيها علي طريق سريع كانت تبطل و كانت بتجيب زيت فرحت بيها للميكانيكي فقالي لازم أفك الماتور و بعد مافكو قالي العربية عايزة وش سلندر و عايزة طقم بساتم و صبابات و أويسيل زيت وكام حاجة كدة .... المهم جبتلو كل الي قالي عليه المهم بعد حوالي أكتر من شهر أخدت العربية و من ساعتها
كل مامشي بيها مسافة عادية مش طويلة أوي ألاقي لمبة الزيت بترعش و لو كملت مشي و بعدين الطريق يوقف ترعش أكتر لغاية مالعربية تبطل طبعا كل مادوس بنزين اللمبة تطفي
و أنا أساسا مش بحرق علي الماتور
و كمان العربية لما بركنها برجع الاقي تحتها زيت كتير نسبيا

كل دة لغاية مرحت بيها العاشر من رمضان و أنا رايح حصل المعتاد عادي أما و أنا راجع كانت الدنيا حر أوي و العربية سخنت لكن ركنتها خمس دقائق و مستحملتش الحر فكملت بيها فحسيت إن صوت الماتور اتغير
و الماتور بقي خشن تحت رجلي

فمش عرف اعمل إية في اللمبة الي بترعش لغاية مالعربية تبطل و الزيت
ياريت الي يعرف يقولي

**original** · 17-07-2009 11:41 PM

هيا العربية نوعها وموديللها إيه؟؟

**ahit** · 17-07-2009 11:47 PM

هيا العربية نوعها وموديللها إيه؟؟

؟؟؟؟؟؟؟؟؟؟؟؟؟

**أحمد سالم** · 18-07-2009 01:44 AM

السلام عليكم
الاخ ياجماعه معاه بيتلز 63
وهو كان عامل موضوع عنها من كام يوم
( عايز اركب موتور بورش فى البيتلز)
شوف ياسيدى اولا موضوع اللمبه اللى بترعش دى ليها كذا سبب
اولهم ان ممكن يكون السويتش اللى اللمبه بتتوصل بيه وهو جزء زى صباع الحرارة كده ممكن يكون بايظ
وده ثمنه رخيص

المشكله الثانيه بقى ودى الخطيره ان يكون عندك مشكاة فى الكرنك
يكون حصل بوش فى الكرنك ودى موضوع مكلف شويه لانها بتحتاج فك الموتور وخرط الكرنك والبساتم على مقاس جديد وشغل فى الكراسى اللى بتمسك الكرنك
وطبعا الشغل ده المفروض الميكانيكى اللى كان فاكك لك الموتور قريب كان عمل ده بالمره
بس باين عليه ماعندوش ضمير

اما موضوع الزيت ده بيبقى دايما من اولسيه الكرنك وده برده رخيص بس لما تغيره لازم تجيب الالمانى منه
او ممكن يكون من السربنتينه ودى برده كاوتشه بتتغير ورخيصه
انا انصحك تروح لعم محمد على اللى فى جسر السويس وهو ان شاء الله هيدلك على الصح
اما موضوع تسقيط موتور انا كنت عامل موضوع عن تسقيط موتور السوبارو فى البيتل ممكن تدور على مواضيعى هنا فى القسم
وان شاء الله هتستفاد كثير

وطبعا هتشوف رد اخونا المهندس احمد حسن هيقول ايه ورد الاستاذ هاشم
وبعدين بأذن الله تقرر هتعمل ايه
وهنا اهم مواضيع عن البيتلز
http://www.nilemotors.net/Nile/showthread.php?t=53757

**ahit** · 18-07-2009 02:40 AM

مفيش كلام بعد كلامك يابو سالم

محمد على الميكانيكى ممتاز - محطة العرب جسر السويس
محمد الأسمر الميكانيكى ممتاز - أمام سنترال مصر الجديدة بجسر السويس

**monzeir** · 18-07-2009 04:03 AM

(محمد الأسمر ) مع احترامي ليك يا استاذ احمد ده اكتر ميكانيكي نصاب شوفتة في حياتي ومش فاهم حاجة

**ahit** · 18-07-2009 05:15 AM

(محمد الأسمر ) مع احترامي ليك يا استاذ احمد ده اكتر ميكانيكي نصاب شوفتة في حياتي ومش فاهم حاجة

أنا إتعاملت معاه كتير فى الماتور و العفشة و بصراحة ممتاز فى تظبيط الماتور و التاكيهات و كهرباء الماتور و بلنسبة للعفشة فهو مش متمكن أوى.
و كمان بصراحة مش غالى بالنسبة لناس كتير إتعاملت معاهم.

لكن يا ريت يا أستاذ منزر تحكلنا وجهه نظرك بالتفصيل فى محمد الأسمر عشان كلنا ناخد بالنا فى التعامل معاه و باقى الأعضاء تستفيد من تجربتك بردو لو تكرمت.

و شكراً

**mynameh** · 18-07-2009 04:15 PM

المشاركة الأصلية كتبت بواسطة أحمد سالم

السلام عليكم

الاخ ياجماعه معاه بيتلز 63
وهو كان عامل موضوع عنها من كام يوم
( عايز اركب موتور بورش فى البيتلز)
شوف ياسيدى اولا موضوع اللمبه اللى بترعش دى ليها كذا سبب
اولهم ان ممكن يكون السويتش اللى اللمبه بتتوصل بيه وهو جزء زى صباع الحرارة كده ممكن يكون بايظ
وده ثمنه رخيص

المشكله الثانيه بقى ودى الخطيره ان يكون عندك مشكاة فى الكرنك
يكون حصل بوش فى الكرنك ودى موضوع مكلف شويه لانها بتحتاج فك الموتور وخرط الكرنك والبساتم على مقاس جديد وشغل فى الكراسى اللى بتمسك الكرنك
وطبعا الشغل ده المفروض الميكانيكى اللى كان فاكك لك الموتور قريب كان عمل ده بالمره
بس باين عليه ماعندوش ضمير

اما موضوع الزيت ده بيبقى دايما من اولسيه الكرنك وده برده رخيص بس لما تغيره لازم تجيب الالمانى منه
او ممكن يكون من السربنتينه ودى برده كاوتشه بتتغير ورخيصه
انا انصحك تروح لعم محمد على اللى فى جسر السويس وهو ان شاء الله هيدلك على الصح
اما موضوع تسقيط موتور انا كنت عامل موضوع عن تسقيط موتور السوبارو فى البيتل ممكن تدور على مواضيعى هنا فى القسم
وان شاء الله هتستفاد كثير

وطبعا هتشوف رد اخونا المهندس احمد حسن هيقول ايه ورد الاستاذ هاشم
وبعدين بأذن الله تقرر هتعمل ايه
وهنا اهم مواضيع عن البيتلز
http://www.nilemotors.net/nile/showthread.php?t=53757

أولا الف شكر علي التوضيح و ربنا يستر لأن باين علي الميكانيكي الي اتعاملت معاه مش أد كدة أو مش أمين و خد فلوس علي الفاضي ثانيا توضيح مش أنا صاحب موضوع تسقيط موتور البورش أنا واحد تاني

و ليا سؤال لو حكاية الكرنك هي الموجودة فعلا هيتكلف كام ؟؟؟؟؟؟؟؟؟

**mynameh** · 18-07-2009 04:16 PM

و عربيتي هي بيتلز 1300 موديل 1302 سنة 71

**monzeir** · 19-07-2009 02:04 AM

ده موضوع طويا اوي يا أ.أحمد يتلخص انة اعد يدفعني مما يقارب ال600 جنية علشان تنقيط الزيت و مقلش نقطة زيت بعد كل مرة يعمل حاجة و بعد دة كله اتعرفت علي عمر ابن الحاج محمد علي و كان السبب في السربنتينة كان فيها خرم صغير اوي فكانت مغرقة الموتور من ورا شوية كان يقول مواسير الزيت و شوية طقم جوانات . . . . الخ لغايت ما طفشت منه ومن ساعت ما الحاج محمد علي حط ايدة في العربية وهي كل يوم احسن من الي قبلة .
حسبي الله ونعم الوكيل