محتار بين البيكانتو والجيتز ... وعايز اعرف رأيكم
السلام عليكم يا شباب
انا بفكر فى شراء سياره تكون صغيرة واسعار قطع غيارها معقولة واستهلاكها فى البنزين يكون حنين ...
مش بفكر فى القرص على الموتور والشد ... الانسر موجوده وببهدل فيها براحتى ....
بس طبعا لازم تكون " أوتوماتيك " ... وطبعا البيكاتشو 1100 سى سى فا ايه اخبار السحب بتاعها واستهلاك البنزين ؟
هل فكره شراء البيكاتشو اوتوماتيك تعتبر فكرة فاشلة ؟؟؟
انا شابف ان 1100 سى سى على حجمها حيكون معقول .. اكيد مش اداء ممتاز .. بس ممكن يكون مقبول ...
فا يا ريت اللى معاه العربيه اوتوماتيك يقولى عنها كل حاجة ..
وهل المرايا الجانبيه كهرباء ولا بتتظبط يدوى عشان لو مش كهرباء زى منا شفتها كدا يبقى البيكاتشو اتلغت من الحسبان ....
هل فى موديل بينزل فيه جنوط ؟؟؟
ايه اخبار التكييف ومدى تأثيره على السحب ؟؟
السؤال الأخير بقى ...
لو انتوا مكانى تختاروا البيكاتشو ولا هيونداى جيتز ؟؟؟
البيكاتشو ب 70000 والجيتز ب 80000