حصريا : المواصفات النهائية للكارينز الخليجي ...فرق شاسع
النهاردة كنت عند جابر عبد الشهيد للسيارات أكبر مستورد للكيا الخليجي
و خلال الحوار ..تطرقنا للكارينز الخليجي و هو بيخلص فيها حاليا و متوقع وصولها خلال شهر ....
طبعا السعر لم يتم تحديده بعد ..بس هاقولكو على الرينج في نهاية الموضوع ..
طبعا المواصفات دي من يد الأستاذ جابر بنفسه ....
http://i215.photobucket.com/albums/c.../KiaCarens.jpg
الفرق يا اخواننا شاسع جدا في الكماليات ..مع فارق سعري برضه بس الحقيقة انا سعيد بنزول الفئة دي منها لأنها هاتديك احساس بالعربية الكارينز فعلا مش المتقشطة بالكامل بتاعة الوكيل (وكله بتمنه برضه)
المهم :
1 - تكييف تاتش
2 - راديو CD MP3 ديجيتال + iPod-USB in
3 - جنوط سبور 16 إنش
4 - فرامل ABS
5 - عدد 2 وسادة هوائية
6 - فوج لايت أمامي
7 - تحكم الصوت بعجلة القيادة multifunction steering wheel
8 - عجلة القيادة و ذراع الفتيس مكسوين بالجلد الطبيعي
9 - حساسات ركن خلفية
10 - مرايات كهربائية بضم كهربائي .
11- اشارات في المرايات
12 - مسند للمرفق بحامل الأكواب في المنتصف ومسند وسطي خلفي(وغيابه عيب سخيف في سيارة الوكيل)
13 - شبكة أمامية و مقابض أبواب و جرايد جانبية نيكل
14 - ديكور داخلي من الكروم
15 - مساند رأس قابلة لتعديل الارتفاع
16 - اكصدامات و مرايات بلون السيارة
17 - فرش قماش بخيط ملون أحمر و تفصيلة شبور
18 - دعامات في السقف (روف راك)
19 - زجاج خلفي داكن (اسود زي بتاع السول)
20 - كمبيوتر رحلات
دي صور للتخيل
http://www.channel4.com/4car/media/K...carens-s-a.jpg
http://www.channel4.com/4car/media/K...rens-r3q-s.jpg
http://bp1.blogger.com/__kjL7rUis08/...arens+interiorhttp://www.channel4.com/4car/media/K...ens-f3q2-s.jpg
و بكده تبقى عربية الوكيل جنب دي ولا حاجة
وللأسف ان الوكيل حتى مافكرش ينزل الفئة دي للي عايز
انما فرض فئة واحدة مسلوخة من كل الكماليات و عوامل الأمان ...بسعر منافس جدا جدا صحيح بس ليه ما وفرش الفئة دي بسعر أعلى ..
عموما...... السعر بقى و نيجي للوش التاني :B4_592:
طبعا السعر الفعلي لم يحدد بعد لأن العربيات مادخلتش مصر لسه
بس انا عرفت انه هايكون في أوائل أو منتصف الثلاثينيات بعد المائة
أيوة ..للأسف :dzey:
مية حاجة وتلاتين ألف بندق زي السول كده
و بكدة العربية دي خرجت من المنافسة مع الماتريكس نهائيا و بدأت تكاتف التيريوس في نظري و بالمقارنة فهي قد تتفوق في الكثير من النقاط عدا انها ليست 4*4
تقبلو تحياتي و أرجو أن يكون الموضوع مفيدا