فيه وجهة نظر اخرى فى هذا الموضوع
حط نفسك مكان اللى بيعدى على رجليه
كتير من سائقى السيارات ( و خصوصا التاكسى و الميكروباص ) بيتسلو على مخاليق الله اللى بيعدو الشارع بانه يكبس عليهم و هما بيعدو و يضحك لما يلاقى واحد منهم اتلبخ او جرى من امامه
انا يوميا باعبر شارع مزدحم - ومافيهوش اشارة و يوجد عسكرى لتنظيم المرور - للوصول الى مكتبى بعد ما اركن ودائما ما اجد الآتى
واحد كابس ومش عايز اى حد يعدى من امامه
تاكسى يهدى امامى يمكن اكون عايز اركب و يعطلنى عن عبور الشارع فى الوقت المناسب
الاشارة واقفه والسيارات واقفة , اعدى انا بقى , يقوم حضرة راكب السيارة يقدم عجلة ليمنعنى من العبور من المكان الفاضى امامه او الف حوله
الشارع فاضى ( نادرا ) اعدى انا بقه الاقى واحد جاى من بعيد وكلاكس و نور علشان استنى حضرته يعدى الاول مع ان فيه مسافة كبيرة امامه للوصول الى
امبارحالاشارة واقفة و العربيات واقفة وانا بعدى عادى جدا من امام سيارة واقفه فى الاشارة وفجأة لقيت السيارة بتخبطنى ولولا انى سندت على الكبوت وقمت رازع له علية خبطتين تمام بايدى مكانش وقف اتارى الباشا بيتخانق مع السيدة حرمة ( اكيد حرمة طالما بيتخانق معاها ) وماخدش باله ان الطريق واقف وانه كان واقف وراح طالع فجأة, طبعا قعد يعتذر و يتأسف انه ماخدش باله طبعا سبته لما لقيت حرمه قعدت تشتم فيه و انه مش شايف , يعنى قامت بالواجب وقالت له اللى كنت هاقوله , مع انها كانت هى السبب المباشر
خلاصة الكلام ان كل واحد يحاول يحط نفسه فى نفس الموقف و خصوصا وهو ماشى على رجليه ويشوف الموضوع من وجهة النظر الاخرى