الموضوع: هوندا سيتي 2009 & نيسان تيدا & i30 & نيو سيراتو

المشاركة الأصلية كتبت بواسطة Ahmed Samy

انا مش لاقي زرارا شكرا

بس شكرا

كلام جميل جدا

]
----------------------------------------------------
اخويا العزيز احمد سامى مع احترامى ليك اتمنى انك متكنش زعلت من ردى لانك اخ فاضل وبنحترمه جدااا وانت من الناس اللى خدمتنى لما كنت بسال على الكيا سيراتو , فياريت ميكنش كلامى زعلت منه لان ميخلصنيش حد يزعل منى او من رائى وانا بحترم كل العربيات بس موضوع العربيات دلوقتى بقا محير وكفاية انها بيلعبوا فى العربيات اللى بتنزل فى مصر وكفاية جشع التجار , بس انا بتكلم من منطلق حاجة تانية , وهو مثلا عن نفسى انا بلاش عن غيرى , انا واحد من الناس معايا بولو موديل 99 ولما حبيعها عشان بس اتجوزت واعربية حسيت انها صغيرة عليه جدااا وغير كدا مش اتوماتيك ومش فيها تكيف , فالعربية معايا من 99 ولو كانت كبيرة وواسعة واتوماتيك ومكيفة مكنتش حغيرها وانا كنت جيبها زيرو , ولو جبت عربية جديدة حجيب عربية للعمر واحدة مش حغيرها بس تكون سيدان مش هاتش باك وماتور جبار وتكيف دول اهم حاجة عندى عشان لو وصلت لتمن الكاش ومبلغ كبير يبقا اجيب عربية ليها سمعة من زمان وخصوصا فى التوكيل زى عربيات الانسر والنسيان والهوندا مثلا عشان تعيش معايا , فى ناس غيرى ممكن تركب عربية تفرح بيها شوية سنة او اتنين عشان شكلها حلو مثلا وبعد سنة واحدة تغيرها وتجيب نوع تانى غيرها وهكذا فهى مقدرتها تعمل كدا وتغامر , لكن انا وفى غيرى زي مش يقدروا يعملوا كدا ويغامروا بمبلغ كبير وهو اللى حيلتهم وكفاية حيحطوا ايدهم على قلبهم فى قطع الغيار ,, وبردوا فى نقطة تانية ممكن مثلا حد يقول ان قطع غيار العربية الفلانة مش غالى ويقول الراى ده من وجهة نظره ومقدرته الاجتماعية ويطلع غالى عند حد غيره لان شايفه بظروفه انه غالى عليه , فهى كل واحد شايف مقدرته يجيب ايه ,, يعيش بيها او حيغيرها ولالا ,,بعدين محتاج اى اوبشن اهم فيها ,,محتاج ماتور ولا ايه,, محتاج لاسم توكيل ولالا وهكذا ,, وفى مثلا خامات نازلة فى عربيات ممكن تبوظ بعد سنتين او 3 وفى الاخر حيفضل الماتور زى ما قولت قبل كدا , فعن نفسى ده اللى يهمنى ,واتمنى ان كلامى مش يزعلك لانك من الناس المحترمة جدا والحمد لله انا مش معايا اى نوع من الجديد عشان ادافع عنه سواء كورى او يابانى والله انا بتكلم عن وجهة نظرى الاجتماعية ونظر ناس مثلى , وغير كدا انا بحب شكل السيراتو جدااا ويمكن لو قعدت فيها وسوقتها زى مثلا الميجان اللى سوقتها بتاعت واحد صحبى اقدر اغير وجهة نظرى وبردوا بعد سنتين لما تنزل فى السوق اكتر وتثبت جدارة اقدر بردوا اغير وجهة نظرى زى الالنترا اا بحترمها بس توكليها مش بحترمه , والكيا اسمع انه توكيل محترم وكفاية انه خمس سنين بصراحة , وربنا يوفقك بعربياتك ومرة تالتة ورابعة لو كلامى زعلك متزعلش منى ,,

وبعدين لاخويا gost او احمد مختار بصراحة مشفوتش حد بيحب الهوندا ستى زيك كدا هههههههههه انا بحبها بس مش زيك كدا ربنا يكيفك شر الطريق وشر اى حاجة وحشة ويعطيك خيرها باذن الله بس انا بعيب بصراحة بس على تحكم التوكيل فى قطع الغيار بتعتها وانها مش موجودة بره زى السيفك هى دى النقطة بس , بس بصراحة انا فتحت ماتور الستى الجديدة وضربت بايدى قدامه تعظيم سلام وبحترمه جداااااااااا بس عن نفسى انا مش حقدر على اسعار قطع الغيار فى التوكيل بس عربية ممتازةةةةةةةةةةةةةةةةةةةة ةةة

وترتيب العربيات اللى بحبها : تيدا سيدان, سوزوكى sx4 سيدان, هوندا ستى , لانسر 1600 ,كيا سيراتو وبعدين النترا