السلام عليكم
مقارنة صعبه اوي اوي اوي وهتحتار
1- هوندا سيتي 2009
2- نيو سيراتو 2009
3- i30 2009
4- نيسان تيدا 2009
بس يا ريت اللي يختار يحدد سبب اختياره
أحمد مختار
عرض للطباعة
السلام عليكم
مقارنة صعبه اوي اوي اوي وهتحتار
1- هوندا سيتي 2009
2- نيو سيراتو 2009
3- i30 2009
4- نيسان تيدا 2009
بس يا ريت اللي يختار يحدد سبب اختياره
أحمد مختار
السيتى عربيه حلوه لكن استبعدها لقلة كمالياتها
السيراتو طبعا ولا نص كلمه :)
ال i30 أحسن عربيه لو عايز هاتش باك
نيسان تيدا عربيه ممتازه لكن انا مش متقبل شكلها خالص
فى النهايه أختار سيراتو
انا اختار السيتى ,,
شكل تحفة ,,
موتور قوى و متطور جدا ,,
تقفيل ممتاز ,,
و هى فعلا يعيبها كماليتها بس
التيدا انا بردو مبحبش شكلها خالص ,,
الi30 مفيهاش اى عوامل امان انما التانيين فيهم ,,
السيراتو .........
بص العربية حلوة شكلا , و كماليتها كتيرة , و توكيل كويس ......
بس انا شايف ان عربية فيها كل دة و بالسعر دة ..... يبقى اكيد فى "ان"
و على فكرة هى الاقل فيهم من ناحية جودة الخامات الداخلية
أنا معاك يا كريم وانا بصراحة ارشح السيتي
السيتي تقفيل تايلندي والتيدا سيدان مشكلتها الشكل لكن لو هاتشباك حلوة و اي 30 برده حلوة والنيو سيراتو شكل وامكانيات وعوامل امان وتوكيل كويس وعن نفسي
1- نيو سيراتو
2- تيدا هاتشباك مش سيدان
3- اي 30
4- سيتي
اكيد النيو سيراتو . عربية ممتازة وتفوقت على عربيات ياباني كتير واعتقد انها تتفوق بجدارة على السيتي والتيدا.
1- نيسان تيدا .....عيبها شكلها
2- السيراتو ......عيبها بساطه الخامات الداخليه
3-i30 ........عيبها انعدام عوامل الامان
4- السيتي ......سعر مبالغ فيه علي عربيه فاضيه وتجميعها تايلندي
كلهم يتميزو بنفس المستوي والاداء......زي بعض بالظبط كقوه و اداء وتميز
اركبهم كلهم واكتر واحده ترتاح لقعدتها ....اتكل علي الله
مش حتزعل لانهم كلهم اختيار ممتاز
باختصار تفوقت في القيمة المالية مقابل الكماليات والمميزات.
اي عربية ياباني فيها كماليات السيراتو هتلاقيها فوق 140 الف .
السيراتو عربية ممتازة من كل النواحي بس يعيبها حاجة واحدة بس خامات الطابلوه رديئة وده مش عيب جوهري وممكن تتغلب عليه انك تجيب خليجي.
بينما الياباني اللي في نفس فئة السيراتو السعرية هتلاقيه ميستهلش المبلغ ده . زي السيتي عربية مبالغ في سعرها جدا مش عارف في مقابل ايه !!! علامة هوندا ؟
كمالياتها محدودة وكمان مش تقفيل ياباني!!
ارشح الهوندا او التيدا اى واحد منهم حتختاره مش حتزعل بعد كده ان شاء الله
انا بفكر فى الاتنين برده وبعد لف كتير واقف على الاختيار بين الاتنين دول (وان كنت ابتديت ابص على سوزوكى sx4) قريت تقييم كويس عنها هنا وكمان شكل كويس (بس مقلق من التوكيل وان كان نفس توكيل التيدا)
بالنسبة للهوندا شكلها فيها حاجة مش مظبوطة ومش منتشرة خالص
التيدا منتشرة بس السيدان شكله فى حاجة غريبة رغم انها واسعة من جوا
وربنا يوفقك وكله كويس ان شاء الله
يا سيدي الفاضل لو على الكماليات الكتير بسعر قليل ... يبقى الصيني يتفوق على الجميع ..
معذرة .. ليس هذا هو المعيار اطلاقا .. وليست الخامات السيئة في الطابلوه فقط .. لكن الطابلوه هوه اللي انت شايفه ... والله اعلم لسه بالمستخبي زي الموتور والتعليق والأجزاء الميكانيكية
ان ارشح الهوندا سيتى بعد ما سعرها 114 الف ورخصت بصراحة ماتور متطور جدااااااااا واحسن من عربيات كتير فى نفس الفئة السعرية وقطع غيارها مع انها غالية بس معمرة ومحترمة وكفاية انها هوندااا ومفيش عرية دلوقتى قطع غيارها رخيص ,, وعن نفس افضل الماتور المترم عن الكماليات اللى ممكن تكون محطوطة بخامات قليلة فاانا عن نفسى ارشح اسيتى ثم النيو سيراتوا ثم التيدا سيدان
طيب بصراحة انا شايف ان كلكو بتحكمو على العربية من خلال الكماليات جوه العربية ... يا جماعة اللي بتتكلمو فيه ده هي ارخص حاجه في تكاليف العربية يعني دي خامة صالون او كاسيت مش ام بي ثري ده الفرش مش جلد ... يا جماعه نتكلم بعقل شوية يعني معلش هل عمر السيراتو او ال i30 زي عمر الهوندا ... اظن الاجابة لا ... وبعدين عزم الموتور والاداء بالنسبة للجديد في تشابة كتير بين كتير من العربيات .. وعوامل الامان .. طيب ما الصيني فيه airbags و abs هل معنى كده انها عربية امان .... خلونا نتكلم عن عربية تعيش العمر يعني مش بنتكلم عن سنتين ونلاقي مشاكل تظهر وبعدين زي ما احنا شايفين الناس بتشتري هوندا موديل 90 يعني عربية بقالها عشرين سنه و ماشية كويس واداء عالي والكلام كله في الاول عن الموتور اما بالنسبة لقطع الغيار فا توكيل الفطيم بدأ يغير سيايته عشانيخلي في اقبال على الهوندا عموما وياريت نخلي حكمنا على العربية في اول تلت حاجات مهمين ( الموتور - الثبات - التكييف ) بعد كده الكماليات والكلام ده ممكن تخلي عربية 128 فيها كماليات بورش .... وطبعا في الاول و الاخر دي وجهات نظر وانا بردة مصمم على السيتي وسعرها 114 الف
طب طرحت المقارنه ليه بينهم ......مادام انت مقرر من الاول
ولو انت عاملها ....للمقارنه فقط لتفيد الاخريين ....ليه بتفرض ان الهوندا افضل
التيدا كشركه نيسان معمره اكتر منهم كلهم
وقطع غيار متوفره ....واداء مميز للغايه....او زي مانت بتقول موتور رائع ....ثبات ممتاز.....وتكييف وهمي
واذا كان علشان هوندا فهي تجميع تايلندي ......ومهما كان التجميع خارج خط انتاجها الاصلي بيصاحبه مشاكل
او بساطه بعض الخامات المستعمله
لو هوندا سيفيك اقولك اه
لكن السيتي لالالالالالالالالا
وبعدين ايه اللي دخل الصيني بينهم انت بتقارن بين اربع عربيات محترمه في الاداء والتميز
وعوامل الامان لما تكون فيهم .....عمرها ما حتكون زي الصيني
ومعلش اللي معاه يجيب عربيه فيها عوامل امان وميجيبش يبقي ما بيفهمش حاجه...في هذا الوقت اللي كل الناس فيها بتجري وبتخبط في خلق الله .....بالاضافه لخفه العربيات مقارنه بسرعاتها لازم عوامل امان
والا الموضوع في الاخر ياباني وكوري ومين عايش ومين حيموت والكلام اللي مبقاش جايب همه في وقت العالم كله نظرته اختلفت للامور ..
ولازم الكماليات تتدخل في المقارنه طالما السعر تقريبا واحد وقوه واداء العربيات واحد ....لانه من الحاجات اللي بتميز عربيه عن التانيه
والا كلنا كنا اشترينا 128 ....وحطينالها كماليات البورش
مش بس بيميز عربيه عن التانيه دي ساعات بتميز بين فئات نفس العربيه وتخلي الواحد ممكن يضغط علي نفسه ويجيب الاعلي لتمميز الكماليات
ليا سؤال لحضرتك منذ اشتراكي في المنتدي وانا شايفاك متحامل علي السيراتو بشده ولازم تجيب سيرتها مصاحبا للصيني ......فيه سبب معين لده ....
يعني هل حضرتك متاكد من حاجه تخصها علشان كده بتهاجمها .....خاصه اني شايفاها عربيه لا يعبها شئ حتي بساطه الخامات عاديه وفي عربيات اسوء منها الصراحه(ومش صيني ) وكيا عامه عربياتها سمعتها رائعه كموتور واداء ومعمره من يوم مانزلت .....في لندن واوروبا موجوده بكثره وهنا في مصر موجوده بكثره وموديلات قديمه واصحابها مبسوطين منه
بجد انا بسال ....علشان الكل يستفيد من ده
العربيه فيها مشكله ولا الموضوع من ناحيتك انك مابتحبش كوري وخلاص....
انا مش برد على حضرتك بدل الاستاذ justs ,, بس انا ليا رأى فى موضوع السيراتو دة
مفيش عربية لا يعيبها شىء
فلما يبقى قدامى عربية بالسعر دة فيها كل الكماليات دى و موتور كويس ,,
يبقى اكيد فى حاجة احنا مش شايفنها
يعنى ممكن تلاقى اليراتو دى بعد سنتبن تلاتة تبتدى عيوبها تبان
فانا بصراحة مبرشحش عربية انا معرفش عيبها ايه
و اغلى العربيات فى العالم ببقى فيها عيوب
ياجماعة هى اراء مش اكتر وكل واحد بيفضل موديل معين وبعدين صاحب الموضوع مش فرض رائيه ولا حاجة هو اعطى رائيه زى الناس اللى بتدخل وبتعطى رائيها عادى جدا وغير كدا انا شايف ان كلامه مقنع جدااا ومفيش اى حاجة تزعل فى كلامه ,, ودلوقتى الناس بتقول السيتى لالالالالالالالالا العربية حكموا على ادائها ازاى انه لالالا يبقا السيراتوا لالالالا بردوا بلاش الاحكام اللى فى حكم الغيب وليس التجربة لان كل موديلات الستى القديم والجديد اتظلمت , لان القديم بيقولوا قطع غياره غالية بس معمرة جدا ومفيش واحد معاه العربية واشتكى منها وانا جربتها والجديد منها كان سعره غالى ونزل سعره دلوقتى وبعدين اللى ظالم العربية توكيلها عشان مش بيسوق العربية صح زى هيونداى وكيا اللى مظبطة كل المعارض والتجار فى المصلحة والسبوبة اللى بتطلعها ليهم لما يبيعوا اكتر وبعدين موضوع الكورى او عربية فى مصر تانية بتنزل مصر ملعوب فيها ومتشال منها حاجات كتير اوى فيها ودليل على كلامى بصى على اى عربية هنا واختها تكون اروبى حتلاقوا مفيش وجه مقارنة خالص فبلاش نقارن بين الكورى اللى هنا والكورى اللى بره والدليل على ابسط واقرب مثل وهى الشفوليه كروز بصوا على العربية بره عاملة ايه وفيها ايه ولما نزلت هنا شالوا منها حاجات كتير بيقولوا عشان الجمارك ,,,وانا عن نفسى حتى لو كانت الهوندا صينى مش تايلاندى بردوا حثق فى عراقة العربية وكفائتها وتوكيلها المحترم وغير كدا ياجماعة ركزوا فى حاجة وهى ان توكيل هوندا هنا مش محتاج لتسويق فى عربياتة وتوكيل محترم جداااا داخل مصر او خارجها بس بردوا انا شايف ده عيب هوندا لانه لازم يسوقه صح عن كدا زى هيونداى مثلا وكيا وخصوصا هنا فى مصر عشان الجماهير تتطمن ههههههه ! ,, فمثلا شوفوا مندوب المبيعات اللى فى اى معرض بيسوق لكيا وهيوندا طحن ليه عشان بيطلعوا مصلحة وسبوبه لما بيبيع اكتر للشركات دى والمشترى غلبان وبيصدق , وبعدين بردوا روحوا اشترى قسط حيطيروا بيكم ولو اشتريت كاش اكنك زبون عادى واقل من العادى لانه طبعا بيطلعه مصالح مع التعامل من البنوك ,, وغير كدا ممكن يكون الكورى تطور اوىىىى بس توكيله هنا مش على كفائة العربية ومش ليه سمعة زى مثلا بردوا الجين تو عربية ماتورها جباررررر بس التوكيل الناس بتشتكى منه جدااا ولما بيروحوا بيشتكوا من حاجة يصلحوها ويبوظوا حاجة تانية وده كلام الاعضاء هنا وكلهم بيشتكوا من التوكيل جدا ,, المهم فى النهاية كلها اراء وكلنا بنور بعض واختاروا عربية صح بس اسالوا على التوكيل فى الاول .. وروحوا اى معرض واتفرجوا على المواتير من جوة عاملة ازاى وشكلها ايه وسدوا ودانكم من مندوبين المبيعات وفى النهاية اختار تانى هوندا سيتى ثم التيدا سيدان لان توكيل النيسان محرم بردوا
ايها السادة:
مزتور كيا سيراتو هو نفس موتور هيونداي النترا . يعني ماتور فوق الممتاز مفهوش اي عيوب على مر السنين.
بالنسبة للثبات السيراتو تتغلب على الالنترا في الثبات فبالتالي اكيد هتتفوق على السيتي والتيدا.
تكييف السيراتو مسمعناش حد اشتكى منه والكل بيشكر فيه.
انا مش بفرض رايي .... انا بطرح موضوع للاستفادة ليا وللناس ... انا اتعلم وانتو تتعلمو ... ورديت قولت بحب السيتي يمكن عشان كل احتياجاتي فيها بس انا حددت ان الياباني عمره اطول والهوندا بالذات موتور معمر مع احترامي لنيسان وهي وجهات نظر قسم المقارنات ده قسم للمواضيع الاحصائية وياريت تكون وجهة نظري وصلت
ياجماعة انتوا واخدين مقلب جامد جدا فى السيراتو قوى العربية من جوة زبالة واسف على التعبير ,انا على حد علمى ان السيارة الكويسة هيكونوا مهتمين بادق تفاصيلها لكن اللى شوفتة غير كدة خالص ,وبعدين ازاى محرك الانترا هو نفس محرك الكيا ودة بيخرج 124 ةالالنترا 121 حصان ,وصدقنى انا مش هاقولك حاجة بس اليابانى احسن اختيار وماتخرجش عنة ,الكورى سيارات
كويسة بس غير معمرة ومش بتاعة بهدلة واستعمال ,
والتيدا افضل خامات فى الفئة دية ,يليها الهوندا ,وبعد كدة النيو سيراتو ,ثم الi30 وحاول تستبعده نهائى عشان من نظرى سيارة فاشلة ومانجحتش
ومن حيث الشكل شكل السيتى جامد جدا وخاصة الواجهة الامامية لكن شكل الشنطة مش حلو اوى واللى بتماثلها فى الشكل
التيدا واسعة وسيارة عائلية جدا بس عيبها الثبات والسحب ,الكيا محدش جربها لحد دلوقتى وكل اللى بيجيبها خايف يجرى بيها مش عارف لية ,بس صوت محركها عالى ,ومن جوة مساحتها كويسة الى حد ما لكن التيدا واسعة عنها بمراحل ,
السيراتو واطية عن الارض ,التيدا والهوندا عالية ,ودة ممكن اللى يخليها ثابتة عنهم بس تتحل ببساطة جدا .من غير اى تعديل فى العفشة ,ركب بس كاوتش لو بروفايل على نفس المقاس او كبر الجنط شوية وهات لو بروفايل اكتر هتلاقى الثبات بقى احلى والسحب بقى اجمد
يا ريت محدش يفتي في عربية هو مجربهاش او بمجرد انه شافها وقعد فيها.
احنا بنحكم على السيراتو انها ممتازة لتقاربها الكبير مع الالنترا والالنترا عربية ميختلفش عليها حد......
يا جماعه انا معايا سيتي 2008 عربيه محترمه جدا وبالرغم من انها تقفيل تايلاندي الحقيقه كنت بقارنها بالجين 2 والجين 2 تتفوق خاصه في الثبات بس انا كنت مستريح للسيتي وان اثق في شركه هوندا حتى لو تئفيل بلاد الوك واك دي الهوندا (رايي الشخصي)
الالنترا 121 حصان عشان Gamma 1 ولكن النيو سيراتو 124 عشان Gamma 2 ................اقتباس:
ياجماعة انتوا واخدين مقلب جامد جدا فى السيراتو قوى العربية من جوة زبالة واسف على التعبير ,انا على حد علمى ان السيارة الكويسة هيكونوا مهتمين بادق تفاصيلها لكن اللى شوفتة غير كدة خالص ,وبعدين ازاى محرك الانترا هو نفس محرك الكيا ودة بيخرج 124 ةالالنترا 121 حصان
وعلى فكرة العربية من جوى مش زبالة ولا حاجة هى بس مش خامات فخمة....
والعربية فعلا مفيهاش ولا عيب تقفيل ..... الحمد لله زى الفل.......
ياريت اللي بيقول ان السيراتو واطية ينزل يبص عليها قبل ما يكتب اي كلام
و الخامات بتاعتها مش حلوة فعلا ...بس مش "زبالة" اصل الخامات دي هي الحاجة الوحيدة اللي اي واحد عايز يهاجم العربية يشبط فيها
ده على اساس ان العربيات المنافسة خاماتها عاج و جلد غزلان طبيعي و ابانوس امازوني ..ما كله بلاستيك يا سادة
صحيح في بلاستيك كويس و بلاستيك وحش
و بلاستيك السيراتو مش من النوع الوحش لا ملمسه ولا قوته و لا شكله و حش بس هو العيب ان كل حاجة بلاستيك مش متغطية بلدائن طرية زي بعض العربيات و في عربيات ياباني كده ...و محدش خد باله ...غريبة
عموما يعني
انا ارشح لصاحب الموضوع هوندا سيتي
لأن عليها علامة هوندا و مهما طلع فيها ...هوندا
و ريح بالك و اشتري نفسك
انت مخدش بالك انا بقول الثبات للسيراتو افضل من باقى السيارات وهية فعلا واطية مع التحميل
تانى حاجة :خاماتها رديئة فعلا ,واقصد بخامات رديئة يعنى تابلوة كلة بلاستيك ,مش متغطى جلد ,والبلاستيك ردىء .والتقفيل بردة وحش ,واكيد طبعا عشان هية عربياتكوا لازم تدافعوا عنها ودة حقكوا ,كل واحد بيحب عربيتة ,
اكيد طبعا السيفيك واطية وواطية جدا كمان ,دة غير بقى انت ماشوفتش الsir اوطى من العادية ودية مشكلة فعلا فى البلد ,وانا قولت يجيب عربية عالية عشان الموضوع دة وخصوصا الجديد مش متين خالص مقارنة بالموديلات السابقة
جرب تحمل تلاتة ورا واسمع صوت التكحيط بس فى مطب محترم عشان بردة السيفيك مش بتحك الا وهية محملة بس عشان تبقى عارف ,ومش اى مطب ودة للعلم
بصو يا شباب مفيش مشكلة ان احنا نختلف بس في نفس الوقت ده مالوشدعوه بصداقتنا في المنتدى او بره المنتدى ... انا شايف بصراحة ان السيراتو خاماتها معقولة بس في اخر فئة منها بس اللي هي هاي لاين بس ...السيتي معقولة جدا وكويسة وانا شايف بصراحة ان اولا الهوندا اسم اعلى من نيسان ... وان النظام الجديد اللي بيتبعه الوكيل هيعمل سوق كويس للعربية في مصر والدليل ان السيفيك انتشرت وكانت هوندا موجودة بقولة في معرض اوتو ماك ... بصراحة فيفا هوندا وانا ارشح السيتي ... ولولا اختلاف الاذواق لبارت السلع
نسيت اقولكو حاجه صحيح ... الفترة اللي جاية فيها تغيرات جامدة جدا في الاسعار يعني الكيا هترخص والدفعة الجديدة من السيتي محدش عارف هيحصل ايه والنيسان بيدرسو ترخيص السعر والالنترا الجديدة نازلة هتكسر الدنيا تيب ترونيك واربعه اير باج واكيد اي بي اس
نسيت اقولكو اني في بهدلة في الاسعار الفترة اللي جاية لان في كلام مؤكد ان السيراتو هترخص اوي وتنزل لحد 115 اللي هي الهاي لاين لان النيو النترا نازلة خلاص ومحدش عارف السيتي هتثبت ولا هتغلى ولا هترخص بس احتمال تنزل 2000 جنيه كمان ... وربنا يجعله عامر والناس تركب عربيات
السيراتو ما بتوطاش قوي مع التحميل و انا امبارح كنا راكبين أربعة في العربية
و خدنا طريق أم زيغو بتاع العجمي المدغدغ المحفور ولا الأدغال و ما حكيناش ولا مرة الحمد لله و ما كنتش باحسس .
و اسألوا أبو صلاح كمان :ma: كان في خلاط .
اما النقطة الأهم ..الدفاع عن حقيقة هو حق أي حد صاحب العربية لأو غيره لو متأكد منها
أما الدفاع من أجل الدفاع فقط فهو ليس حقا لأحد ..حتى اصحاب العربية
احنا في منتدى علشان الناس تتعلم مننا و تقرا كلامنا و تستفيد و نفيد بعض كمان ..مش ساحة محكمة ..علشان اثبت اني راكب افضل عربية و خلاص
كلامك سليم ,بس الواحد المفروض مايحكمش على العربية دلوقتى كمان سنة هاتعرف انا بتكلم عن اية ,وهتلاقى العربية وطيت عن الاول ,زى حال الالنترا بالظبط مجرد ماتحملها ورا بس لمدة سنة هتلاقى العربية بدات سوستها تتضعف شوية ودة طبيعى فى العربيات الكورى ,بعكس اليابانى والالمانى اللى بياخدوا فترة اطول منهم بكتير
يا أخي الفاضل أنا مش متحامل اطلاقا بسبب شخصي او نفسي او تحيز لصناعة ضد اخرى .. في الأخر دي سلعة بنشتريها ونبيعها وبنحاول نتخير افضل قيمة مقابل السعر .. مش افضل سعر وخلاص ، وبعدين حتى سعرها نازل عالي عليها وفارقه عن قمم الياباني من 20000 ل 25000 وده بصراحة مش فرق كبير مقابل الفرق الكبير جدا في جودة كل حاجة ، يعني الخامات الداخلية والكل عارف أنها سيئة جدا ، والتعليق متواضع وناشف ، وبتدخل سخونة عى الكابينة ، والأطارات اللي حولين ازاز الأبواب استيكر بيتلزق ، وعزل الشكمان سيئ ، ... كل ده معروف ومفيهوش جدال ولسه كمان اللي متعرفش وهيبان مع التجربة ، وطبعا معرف ان المواتير الكوري عمرها قصير ولا يقارن بالياباني بالذات في التحمل والعمر .....
تقدر تقولي فاضل ايه غير شوية الكماليات والشكل اللي النتاس فرحانة بيهم ... والكماليات دي طبعا بردو لا تقارن في التكنولوجيا بتاعتها وجودتها بالياباني وكلنا عارفين مدى جودة المنتجات اليابانية في مجال التكنولوجيا والألكترونيات ...
وبناءاً على ما سبق أنا شايف أن العربية دي حرام يدفع فيها 126000 ده غير الناس اللي بتشريها بأوفر برايس وبتوصل فوق ال 135000 ...
وخلاصة رأيي .. لو عاوز توفر هات حاجة كوري ماشي فعلا توفر فيها وتبيعها بعد سنتين تلاتة مثلا بخساة معقولة ... لكن لما توصل ل فوق 135000 ... يبقى مش السيراتو ولا الكوري عموماً ... وليس هدفي التقليل من شيئ او من احد .. ولكن النصح بوجهة نظر اراها صحيحة كلياً ... وعموما هبه هوجه وهتخلص وسعر العربية هيقل كتير وعيوبها هتبان اكتر .. فيا ريت الناس تتأنى وتراجع نفسها مش اكتر ...