قصة احلى 128!!!

**megaman** · 18-07-2009 03:06 PM

تبدء الحكايه عندما ذهبت الى مدينة المنصورة لرؤية السيارة التى كانت مملوكة لميكانيكى كان هو تانى ايد السيارة كانت 128 موديل 1975 دواخل المصنع حالة البوية جيده جدا التابلوه والابواب والفرش الداخلى ممتاز الموتور كان ولا اروع من كده موتور بيجيب 140 ركبتلها فرش جلد* قطيفه اتكلف حوالى 300 جنيه ركبتلها 2 مساعد ايطالى جديد على حساب البائع+2مقص وضبتنا الزوايا والترصيص وسافرت الى القاهرة وعشت بالعربيه بحافظ عليها وبراعيها وهى كمان كانت بتراعينى عمرها ما قلت باصلها معايا كانت لما بيحصل فيها حاجه بتحصل يا اما امام الشغل فى المهندسين يعنى سهله اوامام البيت فى اكتوبر دى كانت اول عربية اشتريها من حر مالى مشيت بيها فى الخير 70000ك رحت بيها السويس واسكندريه والمنصورة وراس غارب وكل حته فى القاهرة والجيزه واكتوبر

**megaman** · 18-07-2009 03:57 PM

اما عن التجديدات اللى عملتها فى العربية كانت كالاتى كبالن +4 مساعدين+2مقص+ردياتير نحاس3ماسورة+شكمان كامل +4فرد كاوتش اما عن المارش كان فله والدينامو زى الفل وكمان غيرت علبة دركسيون ده غير 4طنابير ايطالى +مساتر واتيال الفرامل كمان كاوتش الميزان وجلب المقصات الخلفية العربيه مكنش فيها غلطه كانت حبيبة قلبى لما بعتها وببلغ مراتى فى التليفون عنيه دمعت بجد دلوقت انا راكب اكسنت2009 بس امنيتى اخد بال28 لفه!!!

**pharohtemo** · 18-07-2009 04:20 PM

يا باشا الـ 128 بتاعتى تحت أمرك فى أى وقت تحن للـ 128 تعالى خد لفة أثنين ثلاثة أو خد العربية على طول بس تبقى تسيب الأكسنت تونّسنى فى وحدتى من غير حبيبتى الـ 128
و ربنا يبارك لك فى الأكسنت و يكفيك شرها

**KoDaK_Gti** · 18-07-2009 04:24 PM

انت عامل زيى لما كانت معايا 132 قبل النوبيرا :'(

**homme49** · 18-07-2009 07:13 PM

دائما ما تكون أول سيارة فى حياتك لها معزة خاصة
شئ ما يشبه الحب الأول فى حياة أى إنسان

**eng_ahesham** · 18-07-2009 10:51 PM

انت إنسان وفي

**ahmedsamir79** · 19-07-2009 10:00 AM

ده تأثيير أول عربيه

**ZALABANY** · 19-07-2009 10:22 AM

فعلا اول عربيه بيبقى ليها وضع خاص
انا اول عربيه ليا كانت عربية المكتب اللي كنت شغال فيه كانت فيورا 127 وكان صاحب المكتب سايبهالي طول الوقت حتى كنت بروح وبرجع بيها ربنا يمسيه بالخير العربيه دي يوم ما سيبتها وسافرت فعلا عيني كانت بتدمع وحاسس اني بفارق شئ عزيز عليا جدا

**yassersheta** · 21-07-2009 01:08 AM

و الله أنا كنت خايف لأكون الوحيد اللي بيحس بحب تجاه العربيه, بس الحمد لله ما طلعتش لوحدي. مع ان اول عربيه لسه معا و مغيرتهاش بس والله العظيم انا لازم اصبح عليها كل يوم قبل ما اركبها, و الغريب اني كنت بكره السواقه قبل ما اشتري العربيه. بس سبحان الله دلوقتي اكتر حاجه بحب اعملها هي اني اسوق اطول مسافه ممكنه بعيد عن الزحمه.