الموضوع: ماوراء الطبيعه حقائق واساطير (الجزء الثانى)

اتكلمنا فى الجزء الاول على مثلث برمودا والجزء ده هنتكلم عن شيئ شبيه للموضوع بتاع برمودا
الموضوع انهارده عن مثلث فرموذا - بحر الشيطان كما يسمونه اليابانيين

مثلث فرموذا

كتير مننا ماسمعش عن مثلث فرموذا مع انه اشهر من برمودا وأقدم منه وحالات الاختفاءات فيه اكتر واكثر غموض
طب ايه هى العلاقه اللى بين برمودا وفرموذا على حسب اقوال بعض العلماء؟

ده مثلث فرموذا الموجود فى المحيط الباسيفيكى على سواحل يوكاهاما والفلبين
وبيقع بين 3 جزر (جوام - ماريانا - يوكوهاما )

وده برمودا فى الحيط الاطلنطى على سواحل الولايات المتحده




لاحظوا ان رأس مثلث برمودا بتشاور على رأس مثلث فرموذا او بمعنى تانى الاتنين متقابلين فى الشكل والاتجاه
واحد فى المشرق وواحد فى المغرب!
وكمان الاتنين على نفس خط الطول 35 درجه

اليابانيين بقى مصممين ان تحت المكان ده فى تنين اسطورى على حسبط اسطوره من اساطيرهم الغريبه هو اللى بيسحب السفن

سنه 1954 زعمت اليابان انها فى ايديها لغز المثلث ده وبالفعل قررت ارسال بعثه من اكفأ السفن والعلماء وعلى اقصى استعداد لأى ظرف طارق واقصى تجهيز لكن كان مصيرهم الفقدان والتلاشى الى الان

اسطورتهم بقى بتقول ان فى تنين كبير جدا جدا اسطورى ومن قديم الازل قاعد فى المكان ده فى مملكه خرافيه!!!!
وانه لايسمح لأى حد عبور حدود مملكته
الاسطوره دى موجوده من زمان جدا من قبل اكتشاف برمودا !
وبشويه تحقيقات لمقارنته بمثلث برمودا وجدوا ان عدد الاختفاءات فى مثلث فرموذا اضعاف اضعاف الاختفاءات اللى فى مثلث برمودا
وفى عام 1991 قررت كوريا واليابان والصين والفلبين عدم ارسال اى بعثات اوعلماء للمكان دى و شددت التحذيرات على البحارهو الصيادين اللى بيبحروا فى المكان ده
................
انتظروا باقى الاجزاء الشيقه